هل يمكن تغيير المروحه الكلاتش بمروحه كهربا ؟؟؟

[Dr_Smart]

المشكله ان العربية عندي بتسخن لما بقف في اشارات طويله لكن لما بكون ماشي طوالي بتبقى زي الفل

بالنسبه للردياتير سليم مفيهوش مشاكل وفاصل ثرموستات الكوعه
طلمبة الميا سليمه
مفيش مشاكل ميكانيكيه زي التاكيهات او جوان

المهم بقى ...
انا عندي المروحه شغاله على كلاتش يعني بتدور دايما مع حركة المحرك ... غيرت الكلاتش بواحد جديد نفس المشكله برضو لسه موجوده ... الميكانيكي قالي ممكن نثبت الكلاتش بحيث سرعة المروحه تبقى عاليه بس ده حل مش عملي وهيخلي صوتها عالي .

سالت الكهربائي قالي ممكن تركب مروحه كهربا بدل الكلاتش ده خالص وتشتغل عند درجة حرارة معينه وميزتها ان سرعتها اكبر ب 30 مره عن المروحه الكلاتش

انا بصراحه الموضوع ده عجبني جدا لسببين :
1- المشكله عندي بتظهر لما اقف في الزحمه بس يعني محتاج مروحه كفائتها افضل في سحب الهوا .

2- ان في الشتا انا التبريد عندي شغال على طول وبالتالي العربية بتطول اوي عشان اسخنها .

معلش طولت اوووي عليكو

عايز بقى نصيحتكم هل اركب المروحه الكهربا دي ولا لا ؟ وسعرها كام ؟ وهل فيه نوع معين لان الكهربائي بيقولي هتبقى بتاعت تويوتا وهتعمل حوالي 200 جنيه

العربيه دايهاتسو شارمنت 83 اوتوماتيك دفع خلفي

[wesam_salom]

لو ممكن تركب الاتنين مع بعض يبقى احسن

المروحه الاساسيه تفضل شغاله على طول

والتانيه لما العربيه تسخن بس (على ثرموستات)

وممكن تعملها بزرار من جوه تشغلها لما تحتاجها

[ziours]

كنت عايز اسألك يادكتور سمارت هو الكلاش ده مكانه فين وهل لازم يتغير ؟ ولما بيتغير بيدي كفاءه احسن؟ وبكام؟ معلش طولت عليك في الاسئلة اصل انا عند مروحة زي اللي عندك بس بردوا العربية بتسخن
شكرا

[Dr_Smart]

لو ممكن تركب الاتنين مع بعض يبقى احسن

المروحه الاساسيه تفضل شغاله على طول

والتانيه لما العربيه تسخن بس (على ثرموستات)

وممكن تعملها بزرار من جوه تشغلها لما تحتاجها

انا كان نفسي اعمل الموضوع ده بس للاسف المكان مايكفيش المروحتين

[Dr_Smart]

كنت عايز اسألك يادكتور سمارت هو الكلاش ده مكانه فين وهل لازم يتغير ؟ ولما بيتغير بيدي كفاءه احسن؟ وبكام؟ معلش طولت عليك في الاسئلة اصل انا عند مروحة زي اللي عندك بس بردوا العربية بتسخن
شكرا

الكلاتش يا باشا هو اللي المروحه راكبه عليه

مش عارف حضرتك تقصد لما بيتغير بواحد جديد ولا يتغير خالص بمروحه كهربا ؟

عموما هو لو محتاج تغيير ممكن يكون سبب في سخونة العربية بس مش مؤثر اوي

لكن ازاي تعرف انه عايز يتغير اصلا معرفش الصراحه

[HeMa_LanCeR]

احسن حل غير المروحه وهات مروحه الريش بتاعتها اكتر من اللي عندك
وبالنسبه لو عايز تركب مروحه كهرباء زياده
ممكن تخليها قدام الرداتير مش وراه
بس بلاش احسن
خلي العربيه علي طبيعتها
انت بس غير المروحه بريش اكتر وبأذن الله هتكون زي الفل
وعلي فكره ده عن تجربه مع البيجو عندي
كانت بتسخن جامد كده
وكان فيها مروحه 4 ريشه
غيرتها بواحده 6 ريشه وبقي كل شيء تمام

[Dr_Smart]

احسن حل غير المروحه وهات مروحه الريش بتاعتها اكتر من اللي عندك
وبالنسبه لو عايز تركب مروحه كهرباء زياده
ممكن تخليها قدام الرداتير مش وراه
بس بلاش احسن
خلي العربيه علي طبيعتها
انت بس غير المروحه بريش اكتر وبأذن الله هتكون زي الفل
وعلي فكره ده عن تجربه مع البيجو عندي
كانت بتسخن جامد كده
وكان فيها مروحه 4 ريشه
غيرتها بواحده 6 ريشه وبقي كل شيء تمام

والله يا باشا انا برضو مقلق من الموضوع ده

بس ماظنش ان تغيير المروحه بواحده ريشها اكتر هيحل المشكله لكن ممكن اجرب معاها مروحه كهربا قدام الردياتير بس لو ليها مكان اصلا
ولو حتى تشتغل مع التكييف لان السخونيه بتزيد اكتر مع التكيف

[Sherifmt]

انا جربت العكس بس في عربيتي الدوجان وغيرت المروحة الأوتوماتيك اللي بتشتغل بالترموستات بمروحة 7 ريشة ركبتها علي طنبورة طرمبة المية زي ال 131 القديمة (كنت قريت هنا في المنتدي ان في ناس شغالة بيها كويس) لكن بصراحة انا حسيت انها كانت حمل علي الموتور وصوتها عالي بجانب انها غير عملية خصوصا في مشاوير وسط البلد اللي بنمشي فيها نسحف وكانت مشكلة لما فكرت أشغل التكييف الحرارة عدت ال 90 في ثواني مع العلم مياة التبريد خضرا وزيت شل جديد والموتور حالتة ممتازة جربتها لمدة ثلاثة أيام وفعلاً كانت كافية اني أرجع للميكانيكي واغير تاني وارجع للأصل وأركب المروحة الأوتوماتيك تاني اللي فعلاً أفضل خصوصا ان انا عندي سربنتينة التكييف في وش الردياتير لذق !!! هو صحيح مكان السربنتينة كدة مكانها صح ؟
هي دي تجربتي مع المروحة أرجو انها تفيد الشباب وتعالو نفكر مع بعض ف حل للحرارة انا متأكد ان مع خبرات شباب المنتدي ممكن نغلب الحرارة (: لأن من الواضح ان الصيف دة مش عادي !!!

تحياتي للجميع

[Dr_Smart]

واحنا مازلنا في انتظار اراء وخبرات الناس الجامده اللي معانا ويارب ماينسونا

[Dr_Smart]

ايه يا بشمهندس سمير عياد مش متعودين ان سيادتك تتأخر علينا كده دايما بتقف جنبنا

وبشمهندس خالد سبعاوي اتمنى من سيادتك تنورنا بآرائك الكريمه

والنداء لكل زملائنا الاعزاء في الورشه

[Dr_Smart]

يا جماعه ربنا يخليكو عايز النصيحه

الجو بقى حر اوي والحكايه دي عايزه حل !!!

[sab3aawy]

علشان يتعمل شغل صح لازم تكون المروحة اللى هتتركب قدرتها على تحريك الهواء مساوية او افضل من مروحتك الحالية، وده معناه انها تكون بنفس عدد الريش وقطر المروحة الخارجى او اكبر بالاضافة طبعا الى ان الموتور الكهرباء يكون بيدى سرعة لفات مماثلة لسرعة لفات المروحة الحالية او افضل، يعنى انت مثلا عندك الموتور على السرعات العادية بيكون شغال من 1800 الى 3500 لفة للدقيقة، لو طنبورة المروحة فى نفس قطر طنبورة الكرنك يبقى معنى كدة ان المروحة بتلف بنفس سرعة الموتور، لو طنبورة المروحة اصغر من طنبورة الكرنك بيقى المروحة بتلف اسرع من الموتور، ولحساب سرعة المروحة هناخد سرعة متوسطة للمحرك ولتكن 3000 rpm ونضربها فى قطر طنبورة الكرنك مقسوما على قطر طنبورة المروحة وبكدة يبقى عندنا السرعة المثلى لموتور المروحة الكهربا اللى انت مفروض تشتريها

وممكن تعمل حاجة تانية لو عربيتك مش مكيفة، ممكن تشترى مروحة سربنتينة تكييف(اللى بتركب بتاى راب (قفيز اسلاك الكهرباء) البلاستيك على سربنتينة تكييف السيارة، وتركبها على الردياتير من الامام(فى المسافة بينه وبين شبكة السيارة) وبكدة تبقى ركبت المروحة الكهرباء بدون التخلى عن المروحة الأصلي

[Dr_Smart]

علشان يتعمل شغل صح لازم تكون المروحة اللى هتتركب قدرتها على تحريك الهواء مساوية او افضل من مروحتك الحالية، وده معناه انها تكون بنفس عدد الريش وقطر المروحة الخارجى او اكبر بالاضافة طبعا الى ان الموتور الكهرباء يكون بيدى سرعة لفات مماثلة لسرعة لفات المروحة الحالية او افضل، يعنى انت مثلا عندك الموتور على السرعات العادية بيكون شغال من 1800 الى 3500 لفة للدقيقة، لو طنبورة المروحة فى نفس قطر طنبورة الكرنك يبقى معنى كدة ان المروحة بتلف بنفس سرعة الموتور، لو طنبورة المروحة اصغر من طنبورة الكرنك بيقى المروحة بتلف اسرع من الموتور، ولحساب سرعة المروحة هناخد سرعة متوسطة للمحرك ولتكن 3000 rpm ونضربها فى قطر طنبورة الكرنك مقسوما على قطر طنبورة المروحة وبكدة يبقى عندنا السرعة المثلى لموتور المروحة الكهربا اللى انت مفروض تشتريها

وممكن تعمل حاجة تانية لو عربيتك مش مكيفة، ممكن تشترى مروحة سربنتينة تكييف(اللى بتركب بتاى راب (قفيز اسلاك الكهرباء) البلاستيك على سربنتينة تكييف السيارة، وتركبها على الردياتير من الامام(فى المسافة بينه وبين شبكة السيارة) وبكدة تبقى ركبت المروحة الكهرباء بدون التخلى عن المروحة الأصلي

شكرا جزيلا يا بشمهندس على الرد المتميز

المشكله ان مفيش مسافه بين الردياتير والشبكه وبالتالي هضطر اركب المروحه الكهربا بدل المروحه الحاليه ورا الردياتير

شكرااااا

[kamalantivirus]

مساء الورد على الدكاترة الجامدين
بص انا مثتب امروحة اعمل الحركة ديبس العربية مطلعة عيني عقبال ما تسخن و كمان بش لاقي الكلتش بتاع الكورولا الي يركب مكان القديم بس الكويس ان العربية عمر ما مؤشر الحرارة مابيزدش عن اول ربع
ما تنسناش لو ركبت المروحة الكهربا علشان اناعاوز

[Dr_Smart]

مساء الورد على الدكاترة الجامدين
بص انا مثتب امروحة اعمل الحركة ديبس العربية مطلعة عيني عقبال ما تسخن و كمان بش لاقي الكلتش بتاع الكورولا الي يركب مكان القديم بس الكويس ان العربية عمر ما مؤشر الحرارة مابيزدش عن اول ربع
ما تنسناش لو ركبت المروحة الكهربا علشان اناعاوز

كمال باشا عاش مين شافك يا راجل

ماهو حوار تثبيت الكلاتش ده هيغلبك في الشتا جدا ده غير صوت العربيه العالي

حتى تغيير الردياتير مش هيحل المشكله

الحل الجذري ( لو ربنا يسر ونفع ) موضوع المروحه الكهربا وتشتغل بثرموستات

يا سلام بقى لو ممكن نركب مروحه كهربا قدام الردياتير من غير مانشيل المروحه القديمه بس للاسف مالهاش مكان