بلى شداد سير الكاتينة

[EHAB TAHER]

كنت رايح اضبط الكاربيتير وبعدين المهندس بعد لما ظبطه سمع صوت الموتور قاللى بلى شداد سير الكاتينة عايز يتغير والسير كمان لازم يتغير معاه لانه مشدود ووسع
انا فعلا من حوالى سنة سير الكاتينة اتقطع"اهمال منى" وساعتها روحت لميكانيكى غيرلى طقم صباب وطبعا السير ومن بعدها لاحظت ان صوت العربية فيه ونة كده قلت جايز علشان الموتور اتفتح عمره ميرجع زى الاول
السؤال دلوقتى اغير الشداد والسير على طول ولا ممكن استنى عليهم "بقالهم 20000كم والعربية ماشية 260000
واسف للاطالة

[samirayad]

طالما ساورك الشك من ناحية شداد السير ......غير على طول

_ ومش شرط السير عامل قد أيه دلوقتى......لأن أكيد تقل بلية الشداد أثر على السير.....

_ فياريت الأسراع بتغيير السير والشداد.........

[EHAB TAHER]

إن شاء الله هغيرهم
وهابلغكوا
والف شكر للمهندس سمىر

[samirayad]

إن شاء الله هغيرهم
وهابلغكوا
والف شكر للمهندس سمىر

ربنا يوفقك أن شاء الله.............

[max_ziro]

مدام البلى ون يبقى لازم يتغير ...

[EHAB TAHER]

هو بلى الشداد هو نفسه بلى السير ولا ايه

[EHAB TAHER]

انا سمعت ان فى بليتين ثابتة ومتحركة
اغير الاتنين ولا ايه "مش عايز الميكانيكى اللى هاروحله يفتى"
تانى حاجة انا هاجيب السير الاصلى
البلى ممكن اجيبه يابانى ولا لازم الاصلى
معظم الاماكن الللى سالتها مفيش غير اليابانى
وشكرا لرددوكم
عربيتى كورولا 92 1300 كاربيتير 260000كم

[samirayad]

هو بلى الشداد هو نفسه بلى السير ولا ايه

مفيش حاجه أسمها بلى السير يا أيهاب باشا......

_ أما الشداد فده فعلا بيكون ليه بليه .....ووظيفته (الشداد ) ضبط شد سير الكاتينه أوتوماتيكيا وأسمه Automatic Tensioer Mechanical

.....علشان السير يستمر مشدود على طول................وميبوش ويحصل خلل فى كفاءة حريق المحرك............

[samirayad]

البلى ممكن اجيبه يابانى ولا لازم الاصلى
معظم الاماكن الللى سالتها مفيش غير اليابانى

على فكره البلى اليابانى كويس جدا هو وال Skf والبلى Fag (دول أحسن أنواع فى السوق فعلا )..........وأنتظر برضه رأى الناس اللى معاها (كرولا ) وغيرت سير كاتينه ......أكيد هما عارفين مكونات مجموعة الكاتينه وهم حيفيدوك بصوره أفضل

[moudy88]

طالما ساورك الشك من ناحية شداد السير ......غير على طول

_ ومش شرط السير عامل قد أيه دلوقتى......لأن أكيد تقل بلية الشداد أثر على السير.....

_ فياريت الأسراع بتغيير السير والشداد.........

ممكن حضرتك تقولنا ايه هيا اعراض تلف بلي الشداد ...لاني السير غيرته من 10000 كم ومغيرتش البلي

[samirayad]

ممكن حضرتك تقولنا ايه هيا اعراض تلف بلي الشداد ...لاني السير غيرته من 10000 كم ومغيرتش البلي

أى بلى يا بشمهندس : محمود (علشان تعرف أنه كويس ولا لا )

_ لو فيه صوت خشونه أو شخشخه وممكن صوت صفير خشن عند الحته اللى راكب عندها البلى ده ......بيكون البلى على وشك القفشان والأنهيار ................

_ وبالنسبه لموضوعنا ......وأنت مدور (أسمع الصوت عند منطقة غطاء سيرالكاتينه ).... لو الصوت ناعم وعادى يبقى بلية الشداد وطلمبة الميه تمام والحمد لله ..........أما لو فيه صوت بنفس الصوره اللى قولتلك عليها ......فده اللى يقلق .......وأن شاء الله خير

[EHAB TAHER]

غيرت السير والبلى
وكله تمام والحمدلله
صوت العربية بقى ناعموالونة والخشونة اختفت تماما

[mtageldeen]

غيرت السير والبلى
وكله تمام والحمدلله
صوت العربية بقى ناعموالونة والخشونة اختفت تماما

الحمد لله.

أتمني أن تخبرنا عن أسعار قطع الغيار والمصنعية.

[NaderNabil]

طب انا عندي حاجة مشابهة...

من 5000 كيلو غيرت السيور و بلي الكاتينة في التوكيل شخصياً

و من ساعتها و انا بسمع صوت ونة زي بتاعة جهاز كهربائي أو غسالة أو شئ من هذا القبيل أثناء التسارع....

ده ممكن يكون عيب ايه؟

[samirayad]

ممكن تكون خامة البلى اللى ركبوه فى التوكيل غير جيده (أصل التوكيلات يعنى برضه........نظام أقلب )......وعشان كده أنصح بالذهاب اليهم ........وأيضاح المستجدات اللى عندك دون الهواده معهم