ياريت حد يساعدنى فى معرفة السبب !

[robeir]

فى رائحة دخان فى العربيه من الداخل جايه من الموتور من قدام؟
مع العلم ان الشكمان سليم و الكربراتير تم تنظيفه؟و الرائحه ساعات بتزيد او بتقل ؟ ياترى ايه السبب ؟

[mtageldeen]

أحياناً أشم هذه الرائحة في بعض السيارات بعد تغير تيل الفرامل وغالباً نوع التيل غير جيد.

هل غيرت تيل الفرامل قريباً؟

[robeir]

اشكرك على الاهتمام.
لا ماغيرتش اى حاجه فى الفرامل بس الريحه ريحة عادم اكيد بس مش عارف ايه سببها؟

[aid904]

حضرتك ممكن تكون فكيت خرطوم الفايظ فالدخان بيطلع من قدام لو الموتور خفيف شويه

[lada2010]

العيب عندك فى الكرباريتر وحش جدا انا كان عندى الكرباريتر اول ما تدور وتمشى تشم رائحة عادى جامدة طول ما انت ماشى وخصوصا الا جانبك يشم اكثر غير الكرباريتر وهتروح زى ما انا عملت

[ozy2026]

بص انا معايا 125 برضه وعندى نفس الحكايه بالظبط
وسببها ان الموتور خفيف شويه وهو اللى بيطلع الريحه دى
وحلها انك تعزل الصالون كويس عن الموتور وركب خرطوم للفايز بتاع الموتور ووديه فى اخر العربيه من ورا عند الشكمان
ولو انت لاقيت حل تانى ابقى قوللى عليه

[ziours]

هو خرطوم الفايظ مكانه فين؟وايه وظيفته؟
شكرا

[أبو صلاح]

هو خرطوم الفايظ مكانه فين؟وايه وظيفته؟
شكرا

+11111111111111

[robeir]

اشكركم جدا على الردود..
انا فعلا غيرت خرطوم الفايظ بواحد اطول ونزلته لتحت ....
بس برضوا لسه رائحه العادم موجوده برخامه!!
هاشوف الكربراتير وربنا يسهل..

[ozy2026]

هو خرطوم الفايظ مكانه فين؟وايه وظيفته؟
شكرا

فايظ الماتور هو البنزين الزياده اللى مش بيتحرق بيخرج منه عن طريق بخار وده المفروض فى العربيات اللى مواتيرها كويسه بيكون متوصل فى العمه بتاعت الكربراتير علشان يدخل تانى على الماتور ويتحرق وتستفيد منه وكمان ده بيقلل استهلاك البنزين
لكن لما الماتور بيخف فبيطلع دخان كتير من الخرطوم ده وساعتها مينفعش يركب فى مكانى اللى فى العمه علشان بيبقى خارج معاه نسبه من العوادم الناتجه عن حرق الزيت فلو اتركب مكانه هيسدلك الكربراتير ويبرجل الماكينه
ومكانه بيختلف من عربيه للتانيه بس عموما هو هتلاقى فتحه كده فى الماتور بيطلع منها دخان ابيض او بخار كده

وبالنسبه للأخ روبير انت ممكن تشوف الشكمان من قدام لو مشروخ او محتاج جوان
لو الشكمان مفيهوش اى مشاكل عندك يبقى الحل انك تعمل عمره للماتور
وبلاش تقرص على العربيه علشان الريحه دى بتزيد قوى مع القرص على العربيه

[samirayad]

حضرتك ممكن تكون فكيت خرطوم الفايظ فالدخان بيطلع من قدام لو الموتور خفيف شويه

أنا طبعا عارف أنك قصدك خرطوم فايظ التنفيس عن باطن (كرتير المحرك ) اللى رايح لمجمع الهواء .......وطبعا كلامك صح فعلا ...أن ممكن يكون العادم منه لو كان المحرك خفيف شويه ( بيفوت يعنى )............دا لو كان مش مربوط كويس على الزور بتاعه أو محلول مثلا....

_ وبالنسبه للأخ / صاحب الشكوى .....فوارد كمان أن يكون العادم ده سببه أن مانيفولد العادم (الفرن بتاع الشكمان ) عاوز يتعاد عليه رباط .....وممكن يكون فيه جاويط او أكثر عاوز يتغير ( من بتوع تثبيت الفرن مع البلوك )......وممكن تكون محتاج تغير جوانات فرن وتربط تانى ....................

_ ودى الأسباب المحتمله حاليا فى هروب عادم فى حوض العربيه .................وأهم شىء تكون برضه مطمن لجوان مشترك الشكمان ( اللى بعد الفرن على طول )....وطبعا يكون المشترك نفسه مش مخروم.....

[sab3aawy]

أنا طبعا عارف أنك قصدك خرطوم فايظ التنفيس عن باطن (كرتير المحرك ) اللى رايح لمجمع الهواء .......وطبعا كلامك صح فعلا ...أن ممكن يكون العادم منه لو كان المحرك خفيف شويه ( بيفوت يعنى )............دا لو كان مش مربوط كويس على الزور بتاعه أو محلول مثلا....

_ وبالنسبه للأخ / صاحب الشكوى .....فوارد كمان أن يكون العادم ده سببه أن مانيفولد العادم (الفرن بتاع الشكمان ) عاوز يتعاد عليه رباط .....وممكن يكون فيه جاويط او أكثر عاوز يتغير ( من بتوع تثبيت الفرن مع البلوك )......وممكن تكون محتاج تغير جوانات فرن وتربط تانى ....................

_ ودى الأسباب المحتمله حاليا فى هروب عادم فى حوض العربيه .................وأهم شىء تكون برضه مطمن لجوان مشترك الشكمان ( اللى بعد الفرن على طول )....وطبعا يكون المشترك نفسه مش مخروم.....

بالفعل دى الأسباب المحتملة مع اضافة احتمال ضعيف اخر هو الدبرياج او تيل الفرامل

للتفريق بينهم فأن الرائحة تختلف بين كل سبب وآخر

لو فرن الشكمان هو السبب فالرئحة بتكون رائحة عادم وهى رائحة حارقة الى حد ما وتسبب تهيج وحرقان فى الأنف وهى نفس الرائحة التى يمكن ان تشمها لو انت واقف ورا عربية دايرة

اما لو كان خرطوم الفايظ، وهو السبب الأكثر شيوعا فالرائحة تكن رائحة احتراق زيتية تتمين بشئ من (الزناخة) ، لا تسبب تهيج الأغشية لكنها تعش من يشمها بشئ من الغثيان

اما لو كان فرامل او دبرياج فالرائحة تظهر وتختفى وتمثل رائحة شياط تذكرنى دائما برائحة البامية المحروقة، لكن هى قريبة الى حد ما من رائحة الاطارات المحترقة

وهناك سبب رابع لكنه ضعيف جدا، لو الرائحة تشبه رائحة الأكياس البلاستيكية المحترقة فهناك غالبا مشكلة فىالضفيرة وفيه قطعة كهربية فى السيارة بتودع او ودعت بالفعل

[samirayad]

بالفعل دى الأسباب المحتملة مع اضافة احتمال ضعيف اخر هو الدبرياج او تيل الفرامل

للتفريق بينهم فأن الرائحة تختلف بين كل سبب وآخر

لو فرن الشكمان هو السبب فالرئحة بتكون رائحة عادم وهى رائحة حارقة الى حد ما وتسبب تهيج وحرقان فى الأنف وهى نفس الرائحة التى يمكن ان تشمها لو انت واقف ورا عربية دايرة

اما لو كان خرطوم الفايظ، وهو السبب الأكثر شيوعا فالرائحة تكن رائحة احتراق زيتية تتمين بشئ من (الزناخة) ، لا تسبب تهيج الأغشية لكنها تعش من يشمها بشئ من الغثيان

اما لو كان فرامل او دبرياج فالرائحة تظهر وتختفى وتمثل رائحة شياط تذكرنى دائما برائحة البامية المحروقة، لكن هى قريبة الى حد ما من رائحة الاطارات المحترقة

وهناك سبب رابع لكنه ضعيف جدا، لو الرائحة تشبه رائحة الأكياس البلاستيكية المحترقة فهناك غالبا مشكلة فىالضفيرة وفيه قطعة كهربية فى السيارة بتودع او ودعت بالفعل

أستاذ ورئيس قسم فى الروائح ............بس حلوه حتة الباميه المحروقه دى هههههههههههه

[robeir]

لو فرن الشكمان هو السبب فالرئحة بتكون رائحة عادم وهى رائحة حارقة الى حد ما وتسبب تهيج وحرقان فى الأنف وهى نفس الرائحة التى يمكن ان تشمها لو انت واقف ورا عربية دايرة

هو ده فعلا الوصف الدقيق جدا للرائحه داخل العربيه مع جزيل الشكر والتقدير لكل الردود

[ahmedbasto]

وبردو بص على أجزاء الشكمان من أول الهيدر لحد الأخر علشان أوقات بتبقى مخرومة