ارجو الرد سريعا

[EHAB TAHER]

يا جماعة معايا كورولا 92 1300 مانيوال
لاحظت ان العربية بتسخن جوه البلد وبتزيد لما اطلع ع السريع "المؤشر بيوصل النص ودى مش طبيعته من ساعة ما اشتريتها ع الطريق بيبقى تحت خالص وجوه البلد بيطلع للتلت
المهم بصيت ع المية والمروحة كله تمام
روحت للميكانيكى قاللى روح سلك الرادياتير
وفعلا روحت سلكته العربية مشيت 6 شهور زى الفل
وبعد ين رجعت تسخن تانى
روحت للميكنيكى
قاللى كده احسن تغير الرادياتير
ونصحنى بنوع مصرى نحاس غير اللى ف العربية "تفصيل يعنى"
تنصحونى اجيب ايه انا سالت ف التوفيقية لقيت التايوانى والصينى

[samirayad]

لاحظت ان العربية بتسخن جوه البلد وبتزيد لما اطلع ع السريع

عامة أنا مش عارف الحراره بتوصل عندك لدرجة كام تقرببا ..............بس لو الميه مابتنقصش .....وطبقا للأقتباس اللى أنا عامله من كلامك ..................طيب ماتجرب تغسل الردياتير كويس جدا من بره الأول (لأنه ممكن يكون مليس من حول الزعانف اللى حول المواسير )لأن المفروض مع السرعه بتزيد كفاءة التبريد مش العكس.................بس أهم شىء يكون الردياتير سليم ومش مخروم

[EHAB TAHER]

شكرا للرد يا باشمهندس
على فكرة المرة الاولى كان المؤشر بيعلى ع السريع واتحسن لما سلكت الرادياتير
واعتقد ان كلامى متفق مع رايك لان كده الرادياتير مش سليم

[samirayad]

على فكرة المرة الاولى كان المؤشر بيعلى ع السريع واتحسن لما سلكت الرادياتير

ماهى أتحسنت لما نظفت من جوه المواسير وده شىء طبيعى ......عاوزين نجرب نظافه مظبوطه من بره

واعتقد ان كلامى متفق مع رايك لان كده الرادياتير مش سليم

لا أنا ببص من زاويه تانيه ......مهما كان وضع المواسير من الداخل .......المفروض الهواء لما يقابل العربيه مع السرعه .......المفروض الحراره تقل عن الأحوال اللى فيها السرعه مش عاليه (لأن على السريع الهواء بيقابل الردياتير وبيساعد فى رفع كفاءة التبريد ................مش العكس )................طبعا ده جنب تبريد المروحه....................وساعات المروحه لاتعمل على السريع .........لما بيكون الهواء عنده المقدره فى تخلل جسم الردياتير من الخارج ..................وبالتالى بيتم التخلص من الحراره بتاعة الميه بطريقه طبيعيه .......وكده مش محتاجين مروحه.......

[sab3aawy]

انا من انصار الرأى القائل بتغيير الردياتير، لان مع التجربة، الردياتير لما بيقدم وتسد ويبتدى يطلب التسليك هتقضى حياتك كلها تسلك الردياتير، هتسيب اسرتك فى الويك اند وتنزل من صباحيه ربنا، رايح فين، رايح اسلك الردياتير، رايح فين، اصلى عرفت واحد جديد بتاع تسلسك ردياتير بس بيقولوا عليه كويس اوى، رايح فين، رايح الحق ورشة الردياتير قبل الزحمة علشان الحق اخلص تسليك واقفل قبل الضلمة علشان اليوم بقى قصير

لذلك انا من راييى تغير الردياتير، ولو الشكل الأصلى بتاعها موجود حتى لو تايوانى انا بفضله عن الشغل البلدى بتاع 3 ماسورة و 4 ماسورة والهيصة دى، مع كامل احترامى للمنتج المحلى وتشجيعى على شرئه عندما يكون منافسا ، لكن الفارق التكنولوجى شاسع جدا بين ردياتير حنكورة تلاتة ماسورة وبين الردياتير الاصلى بتاع السيارة، صحيح ان ردياتير حنكورة مصنوع من النحاس وهو احسن فى توصيل الحرارة من الالومنيوم المصنوع منه الردياتير التايوانى، لكن انت لو حطيت ده جنب ده وشفت تصميم مواسير الردياتير الأصلى وشفت عدد الزعانف اللى خارجة منها وسمك الزعنفة الواحدة هتلاقى ان المساحة المعرضة للتبريد من الردياتير الأصلى اضعاف اضعاف المساحة المعرضة من ردياتير حنكورة، الى جانب ان سمك الزعانف الأقل بيخليها تطرد الحرارة بسهولة جدا،
لذلك لو انت عايز تحل المشكلة هات الردياتير التايوانى، انا عندى فكرة ان فيه مصانع مصرية حاليا فى العاشر من رمضان بتعمل الردياتير الألومنيوم الحديث، لكن معرفش فيه من انتاجها للكورولا 92 وللا لأ

[maka]

انا من انصار الرأى القائل بتغيير الردياتير، لان مع التجربة، الردياتير لما بيقدم وتسد ويبتدى يطلب التسليك هتقضى حياتك كلها تسلك الردياتير، هتسيب اسرتك فى الويك اند وتنزل من صباحيه ربنا، رايح فين، رايح اسلك الردياتير، رايح فين، اصلى عرفت واحد جديد بتاع تسلسك ردياتير بس بيقولوا عليه كويس اوى، رايح فين، رايح الحق ورشة الردياتير قبل الزحمة علشان الحق اخلص تسليك واقفل قبل الضلمة علشان اليوم بقى قصير

طاب وايه السبب اللى بيخليه يرجع يتسد تانى بعد تسليكه بفترة عكس الجديد بيغيب على بال ما يطلب تسليك ؟؟؟

[EHAB TAHER]

السلام عليكم
الحمدلله اشتريت رادياتير تايوانى من الحرفيين ب500 جنيه
وركبته وكله تمام
العربية رجعت زى الاول
والف شكر لكل من شارك برايه

[sab3aawy]

مبروك يا باشا وحمدا لله على حل مشكلتك

[EHAB TAHER]

يا فرحة ما تمت
العربية مشيت 4 ايام كويس وبعدين لقتها سخنت تانى بصيت لقيت الرادياتير بينقط ميه رحت لبتاع الرادياتير قاللى ان المواسير ضربت والنوع ده وحش
ايه الحل دلوقتى
وتفتكروا اتصرف ازاى مع البياع"ده الرادياتير كان مبرشم"

[samirayad]

روحله ياباشا .....وخد حقك منه .....ولكن بهدوء .....وبعدين بتاع الردياتير ال !!!!!!!!!!! ......ماكنش عارف ينصحك قبل مايغيره طالما عارف أن النوع ده غير جيد..............

[EHAB TAHER]

وبعد ما ارجعه ان شاء الله
اركب اي نوع

[samirayad]

أسأل بتاع الردياتير بقه اللى عامل نفسه فاهم ده .........ولكنى أنصحك بعدم شراء كل ماهو تايوانى أو صينى................ ولكن الواحد يشترى ( الأيطالى مثلا _ الفرنساوى .....وهكذا )

[cooldjstuff]

ماهى أتحسنت لما نظفت من جوه المواسير وده شىء طبيعى ......عاوزين نجرب نظافه مظبوطه من بره لا أنا ببص من زاويه تانيه ......مهما كان وضع المواسير من الداخل .......المفروض الهواء لما يقابل العربيه مع السرعه .......المفروض الحراره تقل عن الأحوال اللى فيها السرعه مش عاليه (لأن على السريع الهواء بيقابل الردياتير وبيساعد فى رفع كفاءة التبريد ................مش العكس )................طبعا ده جنب تبريد المروحه....................وساعات المروحه لاتعمل على السريع .........لما بيكون الهواء عنده المقدره فى تخلل جسم الردياتير من الخارج ..................وبالتالى بيتم التخلص من الحراره بتاعة الميه بطريقه طبيعيه .......وكده مش محتاجين مروحه.......

على فكره الزويه الى حضرتك بتبص منها يا بشمهندس مش صح لان لو فى ترسيبات جوا المواسير هتعزل بين الميه و بين الماسوره نفسها و الماسوره بس الى هتبرد بس الميه الى جوها لا و طلاما لما سللك الردياتير العربيه اتحسنت معاه لمده ست شهور و بعدين رجعت تانى ده معناه ان مواسير الردياتير بقت خشنه من الداخل و بتجمع رواسب صدا و بتتسد فلازم يغيره و على فكره لو ركب نحاس تفصيل هيكون كويس مش هتفرق انه يجيب الالومنيوم و شكرا

[samirayad]

على فكره الزويه الى حضرتك بتبص منها يا بشمهندس مش صح لان لو فى ترسيبات جوا المواسير هتعزل بين الميه و بين الماسوره نفسها و الماسوره بس الى هتبرد بس الميه الى جوها لا و طلاما لما سللك الردياتير العربيه اتحسنت معاه لمده ست شهور و بعدين رجعت تانى ده معناه ان مواسير الردياتير بقت خشنه من الداخل و بتجمع رواسب صدا و بتتسد فلازم يغيره و على فكره لو ركب نحاس تفصيل هيكون كويس مش هتفرق انه يجيب الالومنيوم و شكرا

ياباشا دا كان مسلك الردياتير .....أمال ليه معلقتش على أسر مقابلة الهواء لزعانف التبريد الخارجيه .....لما تكون العربيه مسرعه ( يعنى الهواء الساكن أو ذو الحركه البسيطه حول زعانف التبريد الخارجيه ......حتكون كفائته فى التخلص من الحراره المنقوله اليه بالأشعاع والتوصيل .....زى ماتكون كفائته وهو مقابل السياره وهى مسرعه على الhigh way .....بالطبع لا ).........[gdwl]داحتى تعليقك مش مظبوط [/gdwl]......لأن أما بنسيخ الردياتير لازم بيكون فيه أستمراريه لكشط الرواسب بتاعة الأملاح اللى هيجناها جوه المواسير بالتسييخ......مع سريان الميه فى الدوره ....وحتروح الرواسب دى (أجزاء منها فى البلوك والمجارى وتنك التعويض وحتترسب مع السريان .....داغير اللى تخلصنا منه وقت التسييخ) يعنى حتبقى زى اللى دمه تفرق بين القبائل.........................هههههههههههههههه.. ....[gdwl]وتقريبا أنت ما أخدتش بالك مما أعنيه كويس .....وهو أثر السرعه بتاعة الهواء المقابل بوجه عام على دورة التبريد ...............[/gdwl]_[gdwl] وأجيبلك دليل بالبدى وكلنا عارفينه ( المكنه بتسخن وأنت واقف ومدور ......ولما بتجرى بالعربيه المكنه بتبرد ......مع نفس ظروف الردياتير .............والمروحه كمان )..[/gdwl]...........مش كده ولا أيه لا

لاحظت ان العربية بتسخن جوه البلد وبتزيد لما اطلع ع السريع

وجبتلك الجزئيه أهى من كلام صاحب الموضوع اللى بنيت عليها كل كلامى .من البدايه.............

[EHAB TAHER]

على فكرة يا جماعة انا روحت رجعته وخدت فلوسى
ملقتشى فى السوق غير التايوانى والاستيراد
انا سلكته كحل مؤقت
لحد ما استقر على نوع منهم