مشكلة في كيا سيفيا 99

[faron525]

انا لسة مشتري كسا سيفيا موديل 99 بس اكتشفت فيها مشكلة وهي اني لما بشيل رجلي من علي دواسة البنزين بحس ان العربية عايزة تقف والكلام ده مع كل الغيارات ارجو الافادة في حل المشكلة ده ولكم جزيل الشكر

[samirayad]

طيب أنقلنا صوره عن وضع السرعه فى السلانسيه ....المكنه ثابته ولا بتنخع وتترج مثلا

[faron525]

اولا : شكرا لرد حضرتك واهتمامك
هي فعلا علي السرعات المنخفضة يعني علي الاول و الثاني لازم ادوس بنزين جامد وصوت الموتور بيبقي عالي
وفعلا في ارتجاج بس بسيط في الموتور

[samirayad]

طيب كده كويس ......قربنا من السبب الحقيقى للمشكله.....ومطلوب منك الآتى

1-تقولنا العربيه عنك هاف أنجكشن ولا أنجكشن كامل .....

ولكن يمكنك حل بلف الأيدل من على المحرك (لأنه موجود فى النوعين ) ونظافته بالأسبراى بتاع أزالة الصدأ وخلافه .....والكشف على الرنج بتاعه ( بيركب بينه وبين مكانه على المحرك )..............

_ وبرضه أطمن على رباط جميع القفزان بتاعة خرطوم الهواء اللى جاى من فلتر الهواء ( لو كان المحرك حقن كامل ) وغير الفلتر كمان بالمره .................

_ نظف الأرضى بتاع البطاريه وأربطه كويس .....وأطمن برضه على شحن الدينامو وحالة البطاريه .....

_ وبرضه عاوز أفكرك بسير الكاتينه ( غيره على طول ) وما تسمعش كلام البائع ......لو حتى قالك أنا لسه مغير السير أمبارح ..........

-[gdwl] برضه فيه عندك فى المواضيع المثبته فى الورشه البيانات اللى بتبقى مطلوبه وقت عرض مشكله بالمحرك ......لأن الحاجات دى بتقرب الحلول[/gdwl]

[faron525]

الف شكر يا بشمهندس/ سمير
انا هجرب وهقول لحضرتك النتيجة بأذن الله
وربنا يطول لنا في عمرك

[samirayad]

بالتوفيق يا أخى ......وأشكرك على زوقك

[Esam Mosaad]

ده شىء طبيعى بفعل الانجكشن الى عندك انا معايه سيفيا موديل 2001
ونفس الموضوع وديه مش مشكله

[faron525]

ده شىء طبيعى بفعل الانجكشن الى عندك انا معايه سيفيا موديل 2001
ونفس الموضوع وديه مش مشكله

يعني حضرتك بتقصد ان كل العربيات الانجكشن كده ؟؟؟؟؟؟
بس انا اخوية معه لانوس مش بتعكمل كده ابدا انا بحس انها سلسلة

[sab3aawy]

اتفق مع المهندس سمير ان غالبا بلف الأيدل محتاج نضافة، الخطوة التالية لو بلف الأيدل محلش المشكلة هى مراجعةى قراءات التى بى اس والاطمئنان على سلامته على جهاز سكانر

[Esam Mosaad]

لا انا مبقولش جميع العريبات كدا
بس الموضوع ده بيكون عندى على السرعات البطيئه انى مجرد اشيل رجلى اكنى دوست فراملولما اجى ادوس بتنطر من السحب
وانا صيتنى فى التوكيل ديما وبقلهم كل حاجة وكان طعلقهم ان بمجرد
انك لما بتيل رجلك البوابه بتقفل وبالتالى فمفيش هوا
حوات انى اعالج املشكله ديه بس لا يوجد امل
وعلى فكره انا شوفتها فى لانوس برضوا
ممكن فعلا يبقى حاجة عاوزه تتنظف بس الى وازاى الله هاعلم

[samirayad]

حوات انى اعالج املشكله ديه بس لا يوجد امل

ماهو الموضوع بتاعك ده علاجه معروف

بس الموضوع ده بيكون عندى على السرعات البطيئه انى مجرد اشيل رجلى اكنى دوست فراملولما اجى ادوس بتنطر من السحب

وأدى كلامك الأولانى سواء عندك أو فى أى عربيه حقن ألكترونى

ممكن فعلا يبقى حاجة عاوزه تتنظف بس الى وازاى الله هاعلم

لو كنت نضفت البوابه فى التوكيل .....علشان يتم تسهيل عمل قرص البوابه لأنه على أتصال بحساس ال Tps ومحصلش تحسن .......يبقى انت محتاج تغير الحساس ده ......بس طبعا أهم شىء تكون مطمن كويس لدورة الأشعال ( أنها شغاله تمام ) ومفيش تنتيشة بوجيهات مثلا

[Esam Mosaad]

واللهى يا استاذ سمير بالنسبه للبوجيهات انا غيرتها مرتين على فترات ونفس الموضوع لدرجه انى اتعود على الموضوع ده
بالنسبه للبوابه فى التوكيل معندهمش حاجة اسمها تنظيف لاكن ممكن اشيل وهات جديد
انا بفكر انظف الموضوع ده بنفسى واللهى الواحد بيتعلم والفضل ليكوا واللهى

[samirayad]

واللهى يا استاذ سمير بالنسبه للبوجيهات انا غيرتها مرتين على فترات ونفس الموضوع لدرجه انى اتعود على الموضوع ده

طيب ماتطمن برضه على قوة شرارة البوبينا ....بحيث يبقى قوة الأربعه زى بعض.....والطريقه معروفه وسهله وكل الصنايعيه عرفينها

بالنسبه للبوابه فى التوكيل معندهمش حاجة اسمها تنظيف لاكن ممكن اشيل وهات جديد

سيبك منهم ....طالما هما كده

انا بفكر انظف الموضوع ده بنفسى واللهى الواحد بيتعلم والفضل ليكوا واللهى

نضفها بنفسك والطريقه سهله جدا..........حل قفيز خرطوم الهواء اللى رايح للبوابه ( من عند البوابه )........بحيث تشوف قرص البوابه .....ورش wd40 على البوابه من الأجناب بالذات (من عند الأكس ) وحرك سلك الأكسراتير يمين وشمال كذا مره وأنت بترش ( زى ماكنا بنعمل أمبيليهات زمان ) وجرب النظام ...............علشان نحكم على حساس وضع الخانق tps sensor ونشوف العيب منه .....ولا كانت تعليقه وتقل شويه فى البوابه نفسها.وراحت...........

[faron525]

الف شكر يا بشمهندس / سمير عياد و الاستاذ/ سبعاوي حقيقي انتم ناس رجالة بجد في زمن قلة فيها الرجال لانكم بتساعدوا الناس بدون مقابل حقيقي ( تنفعوا تكونوا اعضاء في البرلمان والله وقليل عليكم )وانا عن نفسي استفدت منكم كثير ده اولا
اما من ناحية مشكلتي مع السيفيا انا للاسف رجعت السيارة لاني اكتشفت فيها عيب جوهري وهو انا حوض العربية راشش بالرغم من ان البائع اكد لي ان السيارة كلها فبريكة دواخل و الكلام ده عرفته من خلال بنزينة وطنية اللي بجوار سيتي ستارز وهعيد رجلة البحث تاني عن سيارة كويسة

[samirayad]

شكرا ليك يا أخى .......وربنا يهيألك الأفضل منها أن شاء الله