مشكلة جلد صباب

[aYaBooY]

اخواني الاعزاء كنت في الموضوع ده سالت عن اي اضرار لاستخدام زيت الشنبر و الاخ سبعاوي طبعا قام بالواجب و زيادة

http://www.nilemotors.net/Nile/showthread.php?t=64879&page=3

بعد ما استخدمتة برده العربية كان فيها دخنة من الفايس و بتاكل زيت منكرش ان معدل استهلاك الزيت قل يعني كانت بتحتاج ازود كيلو كل الف
دلوقتي تقريبا كيلو او كيلو الا ربع كل الفين و انا بحط زيت الشنبر على زيت الامارات احادي الدرجة 40wd و المفروض يعد 3000 كم
و لما سالت عن السبب رد عليا سبعاوي برده انه كدة المشكلة عندي في جلد الصباب
بس انا عاوز اعرف انا ممكن اصلح جلد الصباب ده بس ولا كدة المفروض افتح الموتور و اعمر او اعمل طقم شنبر
علشان انا سالت على طقم الشنبر الاصلي بتاع العربية و كان الماني بـ 1200 و البستم الواحد بـ 750 جنيه

[samirayad]

بعد ما استخدمتة برده العربية كان فيها دخنة من الفايس و بتاكل زيت منكرش ان معدل استهلاك الزيت قل يعني كانت بتحتاج ازود كيلو كل الف

لو الدخنه اللى طالعه من الفايز ممزوجه بنسب زيت .............أعتقد أن حالة الشنبر عندك تحتاج تغيير ......حفاظا على المكنه بوجه عام .....................ولو الدخنه غير ممزوجه ببخار الزيت يبقى موضوع كاوتش الصباب أمره سهل ( حتحل رأس السلندر فقط وتعمل اللازم )...................على فكره ممكن تكون حالة البساتم كويسه والموضوع طقم شنبر وروديه فقط ( لو كان خط الفائظ لسه بيجيب زيت )

[aYaBooY]

لو الدخنه اللى طالعه من الفايز ممزوجه بنسب زيت .............أعتقد أن حالة الشنبر عندك تحتاج تغيير ......حفاظا على المكنه بوجه عام .....................ولو الدخنه غير ممزوجه ببخار الزيت يبقى موضوع كاوتش الصباب أمره سهل ( حتحل رأس السلندر فقط وتعمل اللازم )...................على فكره ممكن تكون حالة البساتم كويسه والموضوع طقم شنبر وروديه فقط ( لو كان خط الفائظ لسه بيجيب زيت )

يعني ممكن يتعمل طقم شنبر او ما يسمي بالنص عمرة من غير تغير بساتم ؟؟؟
ولا فيه شغل ممكن يتعمل في البساتم الي موجودة و تشتتغل تاني

[samirayad]

يعني ممكن يتعمل طقم شنبر او ما يسمي بالنص عمرة من غير تغير بساتم ؟؟؟

دا كل ماتبدر بتغيير الشنبر كل ماكان أفضل للحفاظ على البساتم والشمايز كمان ....لأن الشنابر بتحكم حركة البساتم جوه الشمايز .......داغير أنه بالمره أعمل روديه وغير جلد الصباب ولين المكنه ( وكده المكنه بقت جديده وعشره على عشره كمان ).........................

[aYaBooY]

طيب سؤال تاني و معلش علشان انا متعب
هل فيه اي طريقة ممكن يتحدد بيها ايه الي هايحصل لما يفك بس قبل ما يبقي الموتور فتافيت
او ممكن بعد ما يفك الموتور يركبة تاني من غير ما يعمل الشغل
يعني لو بعد ما فتح لقيت الدنيا عامت مني ممكن يركبة زي ما كان و يا دار ما دخلك شر و لا عند الفك اكون انا لبست في الحيط

[samirayad]

طيب سؤال تاني و معلش علشان انا متعب

ياباشا ولا يهمك .....كلنا أخوات وزمايل فى منتدى رائع وطيب ومفيد لنا جميعا بدون أدنى شك ( وأنا أستفدت كتير فعلا من نايل موتورز ) علشان كده أدمنته فعلا..............

هل فيه اي طريقة ممكن يتحدد بيها ايه الي هايحصل لما يفك بس قبل ما يبقي الموتور فتافيت

الطريقه الوحيده لمعرفة حالة الموتور ( السحب _ أستهلاك الزيت _ وخلافه ) أو عمل أختبار كبس ......ولكنك مش محتاجه وحالة الشنابر باينه ......أتحسنت لما أنت حطيت زيت شنبر

او ممكن بعد ما يفك الموتور يركبة تاني من غير ما يعمل الشغل

لا هى حالة الأجزاء بتاعة المحرك ما بتبنش الا بعد الفك ................وكل ما بدرت كل ما قلت الخسائر ( مش بيقولوا الوقايه خير من العلاج )......يعنى لما نعتنى بالمحرك أول مانحس بتلفه ........أحسن ماندمر معظم القطع................ده الصح فى أساليب الصيانه ومعروفه علميا...............مع كامل أحترامى لجميع الآراء طبعا ( لأن أستعمال زيت الشنبر فعلا بيحسن الحاله ....ولكنه مسكن ولابد من العمره أو الصيانه ......أن عاجلا أ م آجلا )......

يعني لو بعد ما فتح لقيت الدنيا عامت مني ممكن يركبة زي ما كان و يا دار ما دخلك شر

لا ياباشا هو دخول الحمام زى خروجه ...........

و لا عند الفك اكون انا لبست في الحيط

سيبها على الله ......وأن شاء الله حيكون خيرا

[aYaBooY]

متشكر جدا يا باشا على الرد
طيب سؤال هيا المواتير الحديثة لما بتشترى واحد استيراد ينفع تدورة على الارض زي المواتير القديمة
السؤال علشان المواتير القديمة مبيكونش فيها كنترول بوينت و وصلات كهرباء كتير زي الحديث

[samirayad]

متشكر جدا يا باشا على الرد

ياباشا لا شكر على واجب وأنا بأدردش معاك وعارف أنك أستاذ كبير

طيب سؤال هيا المواتير الحديثة لما بتشترى واحد استيراد ينفع تدورة على الارض زي المواتير القديمة

وماذا يمنع .....طالما تم عمل التجهيزات اللازمه ( توصيلات وحدة التحكم بالحساسات وخلافه ) ماهى نفس الطريقه مع عمل مايلزم من تجهيزات ومحاكاه لنفس وضع تركيب وحدة التحكم بالسياره وتحكمها فى الآداء (فى الخارج بيكون فيه تجهيزات أسمها bensh test ) أو غرفة أختبار بيتم تجربة أى محرك حقن ألكترونى عليه قبل التركيب بالسياره

السؤال علشان المواتير القديمة مبيكونش فيها كنترول بوينت و وصلات كهرباء كتير زي الحديث

بتتعمل التوصيلات عادى ويتم التجربه بعد التجميع .......ولكن فى مصر أعتقد بيتم التجربه على أرض الواقع ( بالسياره ) على أساس بتكون علبة الفيوزات وجميع التوصيلات بالعربيه ومن هنا بيتم التحقق من آداء المحرك على العربيه .......ولكن يمكن عمل ذلك لو تم عمل مايلزم من تجهيزات (بلدى كده على قدنا )

[mentaloss]

كلام البشمهندس صح 100% الحق الماكنه بسرعة وهيبان للميكانيكى اول ما هيشيل الهيد ويشيك على البساتم والشمايز وهيفور البلوك ويبص على حالة سبائك الكرنك وكل شى ان شاء الله يكون خير وصدقنى دى عربيتك وانت ادرى بحالة موتورك ان اشتريت استيراد انت مش هاتكون عارف مشى اد ايه وممكن تعمره كمان (الموتور الإستبراد عامل زى البطيخة يا حمرا يا قارعة) كل اللى انت عايزه ميكانيكى شاطر وامين وفلوس وربنا يكون معاك.

[aYaBooY]

بشكركم جدا يا جماعة على الردود
و استاذ سمير لو انا استاذ ابقي تلميذ شاطر ليك مش اكتر

[samirayad]

ياباشا الله يخليك .......دا بس من زوقك