مصطلحات عاوزة أفهمها ؟؟؟؟؟

[otefa]

طب بالنسبة لكاوتش الصباب لو البوجيهات بتعرق زيت ممكن يكون العيب فيه ويتغير ... واللا لازم حل الموتور وتغيير شنبر
وهل يكفي العلاج ببوجيهات سن قصير
واللا ده يأثر على الدورة الكهربائية للعربية ويجهدها

العلاج ببوجيهات بسن قصير ولا ليه اية فايدة في النقطة ديه
حكاية الزيت ممكن يكون السبب من اي من الائنين بس طبعا لو كاوتش الصبابات تصليحه هيبقي ابسط واسهل من
الشنبر(لو الشنبر هو اليي يبقي لازم طقم شنابر )

[mood_8210]

طب بالنسبة لكاوتش الصباب لو البوجيهات بتعرق زيت ممكن يكون العيب فيه ويتغير ... واللا لازم حل الموتور وتغيير شنبر
وهل يكفي العلاج ببوجيهات سن قصير
واللا ده يأثر على الدورة الكهربائية للعربية ويجهدها

اية دة ؟ دة انتى فاهمة اكتر مننا
شكلى وحش قوى و انا عمال اشرحلك بالطريقة المبسطة دى

[نور العمر]

زيت الفرامل مش بينقص
بس كان فيه تسريب من الخراطيم ركبلي الميكانيكي كلبسات عليها
وهي بدووس للأخر وبحسها ضعيفة في الفرامل
والبدال ما تقلش إلا لما عمل كلك كتيير جدا وربط حاجات في الماستر العمومي ... بيقولو سحب هوا على حد ما فهمت

[otefa]

طالما مافيش نقص في الزيت اول حاجة تعمليها تخلي ميكانيكي يخدللك هوا من فرامل ال 4 عجلات موضوع بسيط وسهل جدا
وان شاء الله تتحل المشكلة وطمنينا

[نور العمر]

العلاج ببوجيهات بسن قصير ولا ليه اية فايدة في النقطة ديه
حكاية الزيت ممكن يكون السبب من اي من الائنين بس طبعا لو كاوتش الصبابات تصليحه هيبقي ابسط واسهل من
الشنبر(لو الشنبر هو اليي يبقي لازم طقم شنابر )

في أقل من شهر غيرت 12 بوجيه للعربية بس تقريبا كنت بقع في حركة تركيب بوجيهات مستعملة أو جديدة على القديم الموجود
ميكانيكي قاللي في اثنين سلام واثنين لامسهم زيت وده معناه طقم شنبر
المهم طقم الشنبر عارفة حدخل فيه في نصباية كبيرة
لإنهم بيقولولي نحل الموتور وحيبان يا شنبر يا نص عمرة يا 3/4 يا عامرة كاملة يا موتور جديد
وأنا مش ناوية أدخل على السكة دي خالص
فعشان كدة ... المهندس سمير عياد .. جزاه الله خير .. قاللي ممكن يكون كاوتش الصباب وخصوصا إن في صوت فرقعة بيحصل مع آخر الغيار ويظهر اكتر في الأول والتاني
أنا عاوزة أعالج الموضوع ده بدون متاهات مع ميكانيكية

المهم لما ركبيت البوجيهات سن قصير بقالها شهر شغالة كويس ومشتكتش من العربية وكشفت عليهم بعد 10 أيام كانو سلام وغيرت معاهم الأبلاتين والكوندنسر عشان أريح دماغي


أشكركم جدا جدا جدا
من غيركم ماكونتش فهمت أي حاجة

[نور العمر]

طالما مافيش نقص في الزيت اول حاجة تعمليها تخلي ميكانيكي يخدللك هوا من فرامل ال 4 عجلات موضوع بسيط وسهل جدا
وان شاء الله تتحل المشكلة وطمنينا

ده معناه يحل الأربع فرد ... بلغة الميكانيكي .. ويكشف على العجل
تمام كدة

[نور العمر]

اية دة ؟ دة انتى فاهمة اكتر مننا
شكلى وحش قوى و انا عمال اشرحلك بالطريقة المبسطة دى

يا فندم أنا بحاول أفهم والبركة فيكو انتو
جزاكو الله كل خير

[نور العمر]

سؤال

إيه علاقة إنه لو حد زود ماية والعربية مش دايرة بس بعد ماكانت العربية دايرة ولسة ما بردتش قوي .... بيقولو تجيب وش سلندر ؟؟؟؟؟؟؟؟

ليه

[otefa]

لاشكر علي واجب,مهو معاكي حق معظم الميكانيكية وحتي التوكيلات يامش فاهمين يانصابين
طيب سالتي علي لو هاتبديلي كاوتش الصباب ها يتكلف كام
لما بتكشفي علي زيت الموتور بتلاقيه ناقص قد ايه

[نور العمر]

دايما أكشف على الزيت ألاقيه مظبوط
وكانت بتسرب من تحت
طلع بتسرب من زيت الفتيس مش الموتور
وظبطها الميكانيكي وغير كاوتشة فتيس ؟؟؟ شوفتها واشتريتها بنفسي شكلها زي السوستة بس جلد
مفيش تسريبات الحمد لله
ولمبة الزيت بتطفي بعد أقل من دقيقة بعد الدوار
وعلى فكرة مفيش دخنات بيضا ولا سودا
وكمان انا حطيت للعربية زيت شنبر مع زيت عادة عشان أكبر دماغي
بعد ما اتأكدت إن الموتور خفيف

والبركة فيكو ترشدوني للصواب دايما

[otefa]

ده معناه يحل الأربع فرد ... بلغة الميكانيكي .. ويكشف على العجل
تمام كدة

مش لازم يفك العجل الامامي لانه فيه مسمار لاخذ للهواء بيفكو ويقفلوا وانتي بتدوسي علي الفرامل زي ما يقولك علشان تجميع الهوا الي موجود مع الزيت ويطلع من مكان المسمار
العجل الخلفي مش متاكد لازم يتفك ولا لاه بس بسيطة حت لو فكه مش مشكلة

[otefa]

دايما أكشف على الزيت ألاقيه مظبوط
ولمبة الزيت بتطفي بعد أقل من دقيقة بعد الدوار
وعلى فكرة مفيش دخنات بيضا ولا سود
بعد ما اتأكدت إن الموتور خفيف

لمبة الزيت المفروض تطفي في اقل من 10 ثواني بصفة عامة
بالنسبة لنقطة الدخان لو كاوتش الصباب مقطوع او تعبان مش عازل كويس يبقي بصي اول ماتدوري العربية الصبح وهي باردة ,فيه دخان ابيض او ازرق لو فيه يبقي كاوتش الصبابات مبدايا عايز يتبدل
ازاي اتاكدتي ان الموتور خفيف؟؟

[نور العمر]

لمبة الزيت المفروض تطفي في اقل من 10 ثواني بصفة عامة
بالنسبة لنقطة الدخان لو كاوتش الصباب مقطوع او تعبان مش عازل كويس يبقي بصي اول ماتدوري العربية الصبح وهي باردة ,فيه دخان ابيض او ازرق لو فيه يبقي كاوتش الصبابات مبدايا عايز يتبدل
ازاي اتاكدتي ان الموتور خفيف؟؟

مفيش دخنات بتطلع عند أول دوران
ولمبة الزيت بتطفي بكتيره 20 ثانية ممكن
بقول يمكن عشان الزيت تقيل خصوصا أول دوارة للعربية

اتأكدت من خفة الموتور لما عملت كبس موتور في كالتكس
ويا ريتني عملته قبل ما اشتريها
ومكنتش اعتمدت على الميكانيكي النصاب .. منه لله

المهم كله نصيب
وربنا عاوزني اتعلم كويس

[otefa]

طلع كبس الموتور كام في %
وانتي قايلة قبل كدة ان الزيت مابينقص بصورة ملحوظة صح

[نور العمر]

قاللي 60 % كفائة
ومفيش نقص زيت
ومفيش دخنات
بس صوت عالي نوعا ما
كنت بحط 80
بقيت بحط 90 ... نوعا ما أداء افضل وصوت أهدى
بس متهيأللي ... أنا مركزة زيادة عن اللزوم
قارنت بينها وبين عربيات تانية
صوت مواتير أعلى بمراحل
بس نفسي اعرف
صوت الطقطقة او الفرقعة دي كهربا زيادة واللا إيه
بتكون مع نهاية الغيار الأول والتاني في الغالب