هو ينفع أركب تكييف+باور لعربيه نيفا قديمه

[speed demon666]

السلام عليكم ورحمة الله وبركاته

كنت عايز أعرف يا جماعه هو ممكن أركب تكييف+باور لعربيه نيفا قديمه , في ناس قالو انه ينفع و ناس قالو مش ممكن و مش هتلاقي اللي انت عايزه

ممن الافاده في الموضوع ده

[speed demon666]

هو المنتدى أجازة و لا ايه ...... طب مش كنتو تقولولي

[محمد بازيد]

بسم الله الرحمن الرحيم

الاخ الفاضل كاتب الموضوع
من واقع خبرتى بالنيفا لانى نبفاوى قديم 3 سنين نصبحة تركيب التكيف فى النيفا بتكلف 2500 بكل حاجة وبالباور بيتكلف 1200بس المهم حالة العربية تستاهل ولا لا انما الباور فى النبفا مش كوبس انا ركبتها مش بتبقى ثابتة وممكن تركب حاجة كدة العفشجية بتوع اللادا عارفنها بس الحقيقة انا مش متذكر الاسم بس هى مش بور وتكلفتها 300 ج وياريت توالينا بالجديد تقبل تحياتى

[tananybasha]

بلاش باور فى النيفا عشان هتعوم
التكييف لو حالة العربية تستاهل و هتنيقها اتكل على الله

[speed demon666]

السلام عليكم ورحمة الله وبركاته

أولا بحب أشكركم على الرد
هو أنا في الحقيقة مش معايا نيفا بس بفكر أجيبها علشان كده انا بسأل لو هتنفع يبقى أول ما أجيبها ان شاء الله لو في نصيب أروح مركب الحاجات دي, لأن انا عايز أكون متأكد انو ينفع حتى لو هعدل فيها ,لأن انا كده ولا كده معظم النيفا اللي في السوق مهلوكه فا هتكون محتاجه شغل كتير فا قولت أهو من ضمن الشغل

أستاذ bazad2009 بما انك نيفاوي قديم تقدر تديني رأي عن القرار اللي انا ناوي أعملو ده علما ان انا علطول بسوق فرنساوي و ياباني
وشكرا

[محمد بازيد]

الاخ الفاضل انا لا انصح بتعديل حاجة فى عربية مش نازلة من المصنع لان النيفا عربية لا بصلح فيها اى روشنة لان التكيف استحالة هيبقى تكيف انا كنت جايب مروحة حلوة صغيروة على الولاعة ب25 ج كانت زى الفل وعموما الموضوع بيرجع للميزانية وحالة المكنة وياريت تقولنا عملت اية تقبل تحياتى

[maka]

السلام عليكم ورحمة الله وبركاته

أولا بحب أشكركم على الرد
هو أنا في الحقيقة مش معايا نيفا بس بفكر أجيبها علشان كده انا بسأل لو هتنفع يبقى أول ما أجيبها ان شاء الله لو في نصيب أروح مركب الحاجات دي, لأن انا عايز أكون متأكد انو ينفع حتى لو هعدل فيها ,لأن انا كده ولا كده معظم النيفا اللي في السوق مهلوكه فا هتكون محتاجه شغل كتير فا قولت أهو من ضمن الشغل

أستاذ bazad2009 بما انك نيفاوي قديم تقدر تديني رأي عن القرار اللي انا ناوي أعملو ده علما ان انا علطول بسوق فرنساوي و ياباني
وشكرا

طالما انت لسه مجبتهاش نصيحة من اخ ابعد عنها علشان عيوبها اكتر من مزايها

[speed demon666]

أنا كده بقيت محتار , لأن في ناس بتقوللي العربيه دي حلوه وفي ناس بتحذرني منها , بأمانه مبأتش عارف

انما بالنسبه للحاجات اللي كنت هزودها انا كنت هاخودها من العربية الجديدة يعني الباور و التكييف اللي نزلو في النيفا الجديدة كنت هشتريهم و أركبهم في القديمة

ينفع ؟؟؟؟؟؟ّّّ!!!!!!

[speed demon666]

ايه رأيك يا أستاذ bazad2009

[محمد بازيد]

بسم الله الرحمن الرحيم
الاخ الفاضل انا بنصحك نصيحة لو انت عايز النيفا علشان تدخل حرب يبقى اتكل على الله انا الحمد لله اشتريتها لانى كانت أول عربية فى حياتى وبصراحة مكنتش وانا راكبها بيهمنى حد بس كان ليها مشاكل قطع الغيار مكنتش موجودة قليلة وغالية وبعدين 2 باب واللى اشتراها واحد شغلة فى الجبل وكان بياخدها يحارب بيها هناك بس المبلغ اللى هتدفعة فيها ممكن تجيب بيه اى حاجة تانية نصيحة اخوية لانك بعد 4 شهور هتحتاج تغير الدسك والاسطوانة بتوعك لانها هتجيبلك ديسك وغضروف وكل الاملااض المستوطنة وبعد ين السرعة تنسها ولو جبتها تجيب سوند سيستم علشان تعرف تدارى صوت المكنة وبعدين انا شخصيا بعتبر اللى معاه 75الف ويروح يشترى نيفا يبقى ......... مش عايز اشتم وعموما اى حاجة انا فى الخدمة

[speed demon666]

يا باشا انت فهمتني غلط انا مش هجيب النيفا الجديده انا هاخد منها بعض الاضافات زي التكييف و الباور مش أكتر و أحطهم في واحده من الموديلات القديمه , رغم اني بصراحه كانت لعبت في دماغي النيفا الجديده من ساعة ما جربتها في المعرض بس أحد المشاكل اللي واقفه معايا هي الضريبه بتاعتها لأن الف جنيه أو أكتر في السنة !!!!!!! كتييير أوي و في الاخر نيفا و مش كمان بدفعهم في 1800 سي سي لأ دا في فرق 60 سي سي فرق فا معتقدش اني ممكن أفكر أجيبها .... انا عايز أجيبها علشان زهقت و طهقت من الطرق الجميله بتاعتنا و كمان مستوى السواقه في مصر أصبح فوق الوصف ... فا فعلا انا هاجبها أحارب بيها