حد عنده معلومات عن بديل العمرات resource engine

[mohamed777]

السلام عليكم ورحمة الله وبركاتة
ياشباب طبعاً اغلبنا سمعنا عن الزيت اللي يضاف الى زيت المحرك وبيعمل على تقليل الخلوصات اللي بتؤدى الى تفويت الزيت الى داخل غرف الاحتراق والمشهور باسم resource engine وبيكون بديل العمرات

ارجو من الاخوة المختصين اللي عندهم معلومات عن هذا الشىء ان يفيدونا برأيهم وهل الكلام ده صحيح ولا لا
واية المركات والانواع الموجوده فى السوق واسعارها اية بقدر الامكان
وجزاكم الله خيرا

[aYaBooY]

انا كمـــــــــان في انتظار الردود

[abdouz]

فعلا موضوع زيت الشنبر دة طرح من قبل داخل المنتدى ولكن مفيش حد اتكلم على الانواع والاسعار؟ بس حسب خبرتى المتوضعة اقدر اقول انه اجراء مؤقت ولكن لا تغنى عن العمرة فى اقرب وقت ومحتاجين حد خبرة فى الموضوع دة

[mohamed777]

يا جماعة انا مش قصدى على زيت الشنبر
زيت الشنبر اللي انتم قصدكم علية عبارة عن زيت ديزل ثقيل اللزوجة
اما بديل العمرات اللي ان اقصدة فدة زيت بيضاف الى زيت المحرك وبية مواد معدنية بتكون زى المواد المصنع منها المحرك ومع الحرارة بتعمل على اعاده ترميم المحرك ومرة اخرى بالشمايز والشنابر فهو بديل للعمرة وليس حل مؤقت او مسكن

فية فرق بين زيت الشمبر والزيت اللي انا اقصده resource engine
ارجو من المختصين الافاده ومدى صلاحية مثل هذة المواد كبديل للعمرة
وجزاكم الله خيرا

[emamphoto]

فيديو اليو تيوب

و الله يا افندم انا اتفرجت من فتره على فيديو في موقع يوتيوب عن هذا المستحضر و هو روسي الصنع و حاولت أدور على الفيديو تاني لكن مش لاقيه للأسف , لكن أعرف واحد استخدمه في عربيه أوكا و قالي إنه بيحسن الأداء بشكل ملحوظ لكن لازم تحطه تاني كل ماتغير زيت المحرك

[mohamed777]

طيب حضرتك ما تعرفش النوع اللي استخدمة كان اية وبكام ومنين جابة؟؟؟؟؟؟؟؟؟
ياريت لو تعرف تبقى تقولنا وجزاك الله خيرا

[ahmed1981]

أنا إستخدمته من مدة طويلة قبل ما ينزل مصر
وكنت شاريه من السعودية
والحقيقة هو ممكن يكون بيزود حبك الموتور اللي حالته معقولة حاجة بسيطة
صعب تلاحظها

لذلك أراه ليس بتك الجدوى المرغوبة منه ولا أنصح به

[tmedhat]

لا بديل للعمرة فى حالة لو الموتور خفيف
كل دى حلول مؤقتة و ليست جزرية

[mohamed777]

هو فعلاً لو حالة الموتور متأخرة فلا جدوى من هذة المستحضرات
على حسب ما سمعت من مهندس انه لة فاعلية مع بداية خفية الموتور

[samirayad]

لا بديل للعمرة فى حالة لو الموتور خفيف
كل دى حلول مؤقتة و ليست جزرية

فى الحقيقه هو ده الكلام الصح ...........

[aYaBooY]

يا جماعة الراجل هنا بيتكلم عن بديل العمرة
و ده حسب ما شرحلي واحد ميكانيكي من فترة عبارة عن زيت بيتحط مع الزيت العادي على 3 مراحل او 3 غيارات زيت لما يكون الموتور فوت مش خف و بيسمحلك انك تمشي بالعربية كان مفيش حاجة لحد مسافة تصل للـ 40000 كم
و قالي انه ممكن يجيبهولى هو صناعة روسي بـ 90 جنيه و فيه بتاع زيت قالي عليه و قال طبعا فيه شعر و كان امريكي تمنة 250 جنيه
بس فيه ميكانيكي قالي انت ممكن تستخدمة لو مش ناوي تعمر و ناوي تجيب موتور تاني يعني توصل انك تاخد اخر ما في موتورك علشان ترميه
و برده نقدر نقول هو مش بديل للعمرة هوا نوع من انواع المسكنات
كل ديه كانت نقاشات بس انا مجربتش حاجة فعليا

[hazem1979]

انا سالت عنة علشان عيز اجربة وقالولى ان فية نوعين واحد للزيت المعدنى وواحد للزيت التخليقىوهوة وظيفتة انة جواة برادة معدنية بتعدى من الفلتر وبتلف مع دورة الزيت وبتترسب فى الاماكن اللى بها خدوش ونتيجة ان الاماكن دة بيكون الاحتكاك فيها شديد فتسخن الاجزاء المعدنية وبتسد اماكن الخدوش
وقد تحتاج السيارة من عبوة الى عبوتين ويجب تغيير الزيت والفلتر قبل وضعة ويستمر مفعولة من 15 الى 20 الف كيلو

[aYaBooY]

اولا سالت عليه فين و لقيتة بكام
ثانيا كيف تحدد السيارة محتاجة كام عبوة