مشكله فى ضبط الموتور

[Maged_Samy]

المشكله بأختصار ان العربية بطبطل لوحدها لما اكون ماشى بسرعة مده طويله واشيل رجلى من على البنزين وبحس انها برجلت وبعدين تبطل علطول مع العلم انى لسه منظف الكربراتير ومغير البوجيهات وظابط الابلاتين والسيارة دايره سلانسية كويس جدا ومبتبطلش الا لما تسخن فى مشوار وبعدين اهدى مش عارف ده ممكن يكون عيب ايه ؟ هل البوجيهات بتفصل ولا الكربراتير فى حاجة ؟ انا محتار ارجوكم المساعدة وللجميع جزيل الشكر .

[samirayad]

واشيل رجلى من على البنزين وبحس انها برجلت وبعدين تبطل علطول

ده ممكن يكون سببه ....حدوث سدد لبيك السلانسيه ....وفلتر الهواء مش كويس وبيعدى تراب الى الكربوراتير

ومبتبطلش الا لما تسخن فى مشوار وبعدين اهدى

طيب الموضوع ده بيحصل كل قد أيه ولا حصل مره مثلا .......وبتعمل أيه لما بتبطل منك .....وبدور على طول ولا بتستنى شويه ولا بتعمل أيه وبتتصرف أزاى

[Maged_Samy]

.....وبتعمل أيه لما بتبطل منك .....وبدور على طول ولا بتستنى شويه ولا بتعمل أيه وبتتصرف أزاى

برمى على الغيار تدور علطول ، والموضوع ده بيحصل كتيير بس مش علطول والف شكر لردك

[aYaBooY]

روح لميكانيكي يفتح الكربراتير شوية و يعلي الكهرباء سنة صغيرة علشان المكنة تعرف تمسك نفسها لما تمنع عنها البنزين
لو منفعش يبقي اتاكد من كفائة طرمبة البنزين

[samirayad]

طيب قوللى على بيانات العربيه ( بتزود زيت - شكل العادم متغير مثلا ) وشوف برضه الموضوع المثبت فوق فى أعلى قسم الورشه بخصوص البيانات المطلوبه وقت عرض مشكله ....يمكن نلاقى حاجه تساعد برضه فى تخيل الوضع عندك.............

[SAMEH_FOUAD]

نظف فلتر البنزين وشوف الطرمبة بردة

[Maged_Samy]

شكرا للجميع