كيفية تنعيم صوت الموتور

[thedeveloper87]

السلام عليكم ورحمة الله وبركاته
كان عندنا عربية تويوتا كرسيدا زمان موديل حاجة وتمانين. والدي مش عارف عمل ايه خلى المكنة مالهاش أي صوت لدرجة إن مش عارف هي شغالة ولا لأ. طبعا كنت صغير وقتها ومش فاهم اي حاجة ومش مهتم.
ازاي أنعم صوت الموتور في العربيات القديمة دلوقتي؟

[أبو إياد]

ظبط تكيهات الموتور

[stlony]

وبعدين الكربراتير
تبص تلاقي نفسك مش سامع حاجه وانت قافل الكبوت

[mohamadyoussif159]

طيب هل ان الموتور ملوش صوت ياثر على الكفائه بتعته ولا لاء عشان روحت للمكنيكى بتاعى قالى سيب صوتها عالى سنه عشان لموتور ميسخنش ايه رايكم فى الكلام ده عربيتى رينو سوبر5 م 88

[mohamed9999]

معلشى يا جماعه ايه هى تاكيهات الماتور جى

[memo_p910]

طيب هل ان الموتور ملوش صوت ياثر على الكفائه بتعته ولا لاء عشان روحت للمكنيكى بتاعى قالى سيب صوتها عالى سنه عشان لموتور ميسخنش ايه رايكم فى الكلام ده عربيتى رينو سوبر5 م 88

هههههههههههههههه
الميكانيكي ده ما ترحلهوش تاني

[A7MED_PHARMA]

فعلا ميكانيكي أي كلام
وخدوا بالكم يا شباب
الصنايعيه - معظمهم - حمير مش فاهمين حاجه
صدقوني

[amrbakly]

السلام عليكم ورحمة الله وبركاته
كان عندنا عربية تويوتا كرسيدا زمان موديل حاجة وتمانين. والدي مش عارف عمل ايه خلى المكنة مالهاش أي صوت لدرجة إن مش عارف هي شغالة ولا لأ. طبعا كنت صغير وقتها ومش فاهم اي حاجة ومش مهتم.
ازاي أنعم صوت الموتور في العربيات القديمة دلوقتي؟

يا رااااااااااااااجل زمان اية بس؟ هي دية عربية يتفرط فيها اوعي تقولي والدك باعها ازعل قوي

بجد عربية احسن من مرسيدس التمانينات كمان بس مشكلتها قطع الغيار

[thedeveloper87]

يا رااااااااااااااجل زمان اية بس؟ هي دية عربية يتفرط فيها اوعي تقولي والدك باعها ازعل قوي

بجد عربية احسن من مرسيدس التمانينات كمان بس مشكلتها قطع الغيار

للأسف الشديد ، كنا مقيمين في الكويت ولما والدي قرر ننزل مصر نهائي (ويا ريته ما قرر )
بعنا العربية هناك برخص التراب علشان جماركنا الجميلة كانت هتكلفنا شئ وشويات

[abo_hosni]

ضبطت تاكيهات و تقسيمة النهاردة بعد ما كان الصوت عالي، دلوقتي هادئ جداً
طبعاً الميكانيكي قال لي "سيبها دلوقتي مفتحة لحد الشتاء ما يدخل" قلت له بس صوتها مضايقني و خليته عملها

و دي ملفات سجلتها لصوت الموتور قبل و بعد عشان أحبكها . علماً أن الجراج بيضخم الصوت شوية
قبل الضبط، الكبوت مفتوح و كأنه الديزل
قبل الضبط، الكبوت مقفول


بعد الضبط، الكبوت مفتوح
بعد الضبط، الكبوت مقفول


بالنسبة للكريسيدا كانت أيام، كان معانا واحدة زي دي كل الكماليات أوتوماتيك

و زميلي عنده حالياً الموديل ده

[ziours]

انت بتظبط عند مين ياابو حسني تاكيهات
شكرا

[abo_hosni]

انت بتظبط عند مين ياابو حسني تاكيهات
شكرا

عند أحمد فلة في منيا القمح و ده مكانه بالضبط و انت جاي من طريق بنها داخل على منيا القمح
Wikimapia - Let's describe the whole world!

[Mi3d3]

أحسن واحد بتاع تاكيهات
الحاج حسنى اللى فى شبرا
ودا شغال من زمااااااااااان والناس كلها عارفاه

[hoda9999]

التكهات هى مفاتيح الصبابات من فوق وهى المسءولة عن تدخيل الوقود وخروجة بالتوالى وهى شبية بسوستة جانب منها باين وجانب غير باين بداخل المتور و طبعا بتتلين بالزيت بتاع الماتور ولذلك هناك طرونبة زيت بترفع الزيت من تحت لى فوق لتليين التكهات ولكن مع الاستعمال والتمدد نتيجة الحرارة بيوءدى لوجود فراغات ما بين الصباب والمسمار الى ماسك فى البكرة الى تخت وهو الجزء الداخلى فى الماتور التاكهات صوتها مزعج وبيعمل صوت شك شك وغالبا كل العربيات القديمة الصوت التكهات فيها مزعج ومهما ظبطة عمرة مهيوصل للعربيات الحديثة زى اللنوس مثلا فى عربيات صوت التكهات فيهابيظهر بعد لما تشتريها بشهرين وانا بسميها عربيات ملهاش لزمة زى اللدا الزيرو والشاهين و128 الجديدة كلهم صوت التكهات والماتور عموما عالى ومهما عملت فى مش هيتغير وعلى فكرا مش كل القديم تكهاتة وصوت موءرف لا فى حاجات زى السويفت مثلا القديمة او اللنسر القديمة البونتو القديمة كل دة استحالة تلاقى صوت التكهات او صوت الماتور باين اوى زى القديم و 128 والشاهين والحاجات الى هى بما معناة مبنية على تصميمات الصاج الثقيل والشكمنات الى تبوظ وتعمل صوت وتشخلل والبيبان الى مفيهاش فبر فى البيبان وتعمل صوت والنتا بتأفلها وخلافة

[future_aya]

عزيزى ااحصول على الصوت الطبيعى للمحرك مع فرض سلامة المحرك 1- ضبط التاكيهات 2- جعل عدد اللفات فى السلانسية كما موصى به وهو عادة 850 الى 900 لفة / الدقيقة 2- التاكيد على سلامة قواعد الموتور والفتيس 3- استخدام الجكمان الاصلى للسيارة 4- استخدام البزين الموصى به 4- استخدام زيت الموتور الموصى به وكما ينبغى مع الشكر