إعـــــــلان

Collapse

.

,
See more
See less

عندى مشكله مع المياه

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    عندى مشكله مع المياه

    السلام عليكم

    فى البدايه السياره اكسنت 1500

    غطاء قربة الميه بيرمى الميه خارج السياره وممكن يفضى القربه خالص
    غيرت غطا الريداتير بواحد جديد و المشكله فضلت كما هى برضه الميه بتنقص بسبب خروجها من غطا القربه

    روحت لميكانيكى فك غطا الريداتير وبطل العربيه ودورها الميه نطرت لبره قام قالى ده جوان وش السليندر بايظ
    بصينا على الزيت كويس وعلى مية الريداتير و الإتنين كويسين ( مفيش طحينه )

    المهم قولت أتأكد روحت لميكانيكى تانى قالى هجرب اربط وش السليندر الأول كويس ونشوف وفعلا ربط على المسامير جامد وقفلنا الموتور وجربنا موضوع نطر الميه ده فمحصلش الحمد لله

    لكن للأسف المشكله الأساسيه ما زالت موجوده ( خروج الميه من غطاء القربه على فترات متقطعه )
    الميكانيكى قالى هاتلها غطا ريداتير استعمال بيبقى أحسن من الجديد وأصلى اشتريت واحد بالفعل يمكن الموضوع قل شويه لكن برضه موجود

    لو فيه أى اقتراحات يا ريت تشتركوا معايا أحسن أنا خلاص تعبت

    وشكرا لكم جميعا
    الكلمات الدلالية (Tags): 1500, 40, 50, 504, lancer, أحسن, اقتراح, اكسنت, الأولى, المياه, الي, ام, انى, بس, بكرة, بنزين, تغيير, دى, رينو, زيت, ستروين, عربيه, على, عن, عندى, غطاء, غيار, في, قطع, قطع غيار, كل, ما, مشكله, مع, من, موتور, موضوع, مية, ميكانيكى, يا
  • #2
    أى أفكار يا شباب ؟

    وكل عام وأنتم بخير

    Comment

    • #3
      المهم قولت أتأكد روحت لميكانيكى تانى قالى هجرب اربط وش السليندر الأول كويس ونشوف وفعلا ربط على المسامير جامد وقفلنا الموتور وجربنا موضوع نطر الميه ده فمحصلش
      ده أجراء هندسى صح .....
      بس ممكن يكون غير كافىء وبالذات مع أستمرار خروج ميه بضغط من دورة التبريد
      وفيه سؤال جاء على بالى

      هو أنت عندك غطاء للقربه + غطاء للردياتنير
      أصلها غريبه شويه .....وعاوزه توضيح من عندك
      علشان اللى يفكر يفكر صح
      وياريت تبين الوضع الحالى بالضبط

      وكل عام وأنت بخير

      Comment

      • #4
        المشاركة الأصلية كتبت بواسطة samirayad مشاهدة المشاركة
        ده أجراء هندسى صح .....
        بس ممكن يكون غير كافىء وبالذات مع أستمرار خروج ميه بضغط من دورة التبريد
        وفيه سؤال جاء على بالى

        هو أنت عندك غطاء للقربه + غطاء للردياتنير
        أصلها غريبه شويه .....وعاوزه توضيح من عندك
        علشان اللى يفكر يفكر صح
        وياريت تبين الوضع الحالى بالضبط

        وكل عام وأنت بخير
        +10000000
        ده اللي عايز اقوله
        علشان هو بيشتكي من خروج مياه القربه
        وبيغير غطاء الرداتير
        [CENTER]:11_5_14[1]:[/CENTER]

        Comment

        • #5
          المشاركة الأصلية كتبت بواسطة samirayad مشاهدة المشاركة
          ده أجراء هندسى صح .....
          بس ممكن يكون غير كافىء وبالذات مع أستمرار خروج ميه بضغط من دورة التبريد
          وفيه سؤال جاء على بالى

          هو أنت عندك غطاء للقربه + غطاء للردياتنير
          أصلها غريبه شويه .....وعاوزه توضيح من عندك
          علشان اللى يفكر يفكر صح
          وياريت تبين الوضع الحالى بالضبط

          وكل عام وأنت بخير

          الحمد لله فى حد ابتدى يهتم :)

          أيوه بالظبط أنا عندى غطا للريداتير وغطا تانى لقربة المياه

          أنا غيرت غطا الريداتير لإنى فكرت انه ممكن يكون بايظ وده بيخرج المياه من الريداتير للقربه قبل ما توصل لمستوى الضغط الى المفروض توصله قبل الخروج وده يمكن الى بيخلى الميه تنطر من غطا القربه
          يعنى مجرد تفكير :)

          معلومه كمان المياه الى بتخرج من غطا القربه بتكون بارده تماما مش سخنه
          وحرارة العربيه كويسه جدا - طبعا طول ما أنا متابع المياه يعنى مسيبهاش تفضى خالص من القربة و الريداتير

          وتقبلوا تحياتى

          Comment

          • #6
            طيب ....عموما جرب تعمل زى ما الميكانيكى عمل
            أفتح غطاء القربه ودور
            وأدى أمبليهات من عند بكرة الأكسراتير
            لو لقيت نفخ هواء ....مع أستمرار لنطر الميه لخارج القربه
            يبقى حتحتاج تغير جوان وش السلندر ....
            وبرضه أبقى أكشف على أستقامة الوش قبل تغيير الجوان

            Comment

            • #7
              المشاركة الأصلية كتبت بواسطة samirayad مشاهدة المشاركة
              طيب ....عموما جرب تعمل زى ما الميكانيكى عمل
              أفتح غطاء القربه ودور
              وأدى أمبليهات من عند بكرة الأكسراتير
              لو لقيت نفخ هواء ....مع أستمرار لنطر الميه لخارج القربه
              يبقى حتحتاج تغير جوان وش السلندر ....
              وبرضه أبقى أكشف على أستقامة الوش قبل تغيير الجوان

              ان شاء الله هنزل كمان شويه اجرب وربنا يستر

              فيه اى احتمال ان غطا القربه يكون هو الى بايظ ؟

              Comment

              • #8
                فيه اى احتمال ان غطا القربه يكون هو الى بايظ
                حيبيان لما تعمل التجربه اللى قولنا عليها
                لو مفيش نفخ ولا ميه بتخرج وأنت شايل الغطاء
                يبقى الغطاء فعلا بايظ
                وأرجو لك ذلك

                Comment

                • #9
                  أنا جربت الموضوع أكتر من مره الميه ثابته تماما مع بداية الدواره
                  لما بزود بنزين ممكن الميه تفور وتعلى بيتهيألى ده طبيعى ولا ايه ؟

                  Comment

                  • #10
                    لا لو بتفور والميه لسه بارده
                    يبقى مش طبيعى ...وده نفخ بسبب تفويت خفيف من جوان رأس السلندر للميه ......
                    أما لو يتفور مع غليان الميه فده وضع عادى

                    Comment

                    • #11
                      طيب جربت تاخد هوا
                      علشان ممكن تكون دوره التبريد فيها هوا
                      عموما افتح مسمار الهوا
                      ولو فضل النفخ زي ما هو يبقي فعلا ده جوان وش سلندر
                      [CENTER]:11_5_14[1]:[/CENTER]

                      Comment

                      • #12
                        عموما افتح مسمار الهوا
                        ولو فضل النفخ زي ما هو يبقي فعلا ده جوان وش سلندر
                        ياريت توصفلى مكان مسمار الهواء
                        بيبقى فين فى دورة تبريد ....أى مكنه
                        أصل الصراحه أول مره أسمع عنه ....
                        وأكون شاكر ليك طبعا

                        Comment

                        • #13
                          الاكسنت مفيهاش مسمار هواء
                          مهندس سمير كل سنة و انت طيب مسمسار الهواء ده بيكون مسمار في خرطوم من الي رايحين من الريدياتيبر للموتور و بيكون عادتا في العربيات الفرنسية رينو و ستروين و وظيفتة انه يخرج الهواء الزائد من دورة التبريد
                          [CENTER][COLOR=sandybrown]الفورد عربية بشوات[/COLOR][/CENTER]
                          [CENTER][COLOR=#0040ff][B][U]I'm not so Rich [/U][/B][/COLOR][COLOR=#0040ff][B][U]to buy Cheap things[/U][/B][/COLOR][/CENTER]
                          [CENTER][FONT=Arial][SIZE=1][COLOR=orange][B][U]صرفت على 128 ضعف الي صرفتة على فورد في نفس المدة و عجبي[/U][/B][/COLOR][/SIZE][/FONT][/CENTER]
                          [CENTER][URL]http://www.nilemotors.net/Nile/91508-a.html[/URL][/CENTER]

                          Comment

                          • #14
                            المشاركة الأصلية كتبت بواسطة samirayad مشاهدة المشاركة
                            لا لو بتفور والميه لسه بارده
                            يبقى مش طبيعى ...وده نفخ بسبب تفويت خفيف من جوان رأس السلندر للميه ......
                            أما لو يتفور مع غليان الميه فده وضع عادى

                            كويسه جدا المعلومه دى ولو ان معناها انه جوان للأسف
                            شكرا ليكم جميعا على المساعده

                            Comment

                            • #15
                              المشاركة الأصلية كتبت بواسطة ayabooy مشاهدة المشاركة
                              الاكسنت مفيهاش مسمار هواء
                              مهندس سمير كل سنة و انت طيب مسمسار الهواء ده بيكون مسمار في خرطوم من الي رايحين من الريدياتيبر للموتور و بيكون عادتا في العربيات الفرنسية رينو و ستروين و وظيفتة انه يخرج الهواء الزائد من دورة التبريد
                              شكرا وكل سنه وانت طيب

                              Comment

                              السابق 1 2 template التالي
                              Working...
                              X