سحب الماتور أنخفض!!!!

[anwarnono]

السلام عليكم
عربيتى سوفيت مو 93 1300 cc
المشكله تتلخص أن فى الشتاء الى فات كان سحب العربيه هائل وانا كنت مستغرب جداا وبمجرد شعرة بنزين خفيفة العربيه بتجرى،الموضوع دة استمر فترة.
وبعد كدة حصلى مشكله انه دخل فى بيك السلانسيه تراب بسبب ان الفلتر اتخرم مش عارف من ايه بس كان مش اصلى،فكانت العربيه بتبطل كل شويه وانا ماشى فطبعا روحت لميكانيكى فى الطريق ومعرفش عمل ايه بس هو قالى انا علتلك العربيه لغايه لما ترجع من مشوارك علشان هتأخذ وقت وهى هتمشيك(طبعا انا كنت مستعجل علشان كنت رايح الشغل).
وروحت للميكانيكى بتاعى وقلبلى البوجيهات وقعدت تطقطق علشان تتطلع اى تراب،والعربيه أتظبطت.
وبعد فترة غير البوجيهات الارديوم وجبت فلترk&n مكان الاصلى الاوريجنال،وبهتم جدا بتغير زيت الماتور و تنظيف الكربراتير بأسبراى خاص به امريكى كل فترة.
وانا أحيانا بضبط خلوص الدبرياج كل فترة.
بس العربيه حسيت ان سحبها قل بمعدل ملحوظ بالرغم من التعديلات ديه،والميكانيكى بتاعى بيقولى حالة الماتور عندك ممتازة.
أرجو الافادة.

[samirayad]

طيب لو سمحت أدينا البيانات اللى بتناظر الموضوع ده عندك
علشان نجمع شوية بيانات مبدئيا

http://www.nilemotors.net/Nile/75775-a.html

[thedeveloper87]

حضرتك جبت فلتر k&n للكاربيراتير؟ منين وبكام؟ وهل رفع الأداء شوية معاك ساعتها؟ وبيعمل صوت ولا لأ؟

[anwarnono]

1- سوزوكى سويفت مو 93
2-عدد الكيلومترات المقطوعه 100000 كم
3-الزيت بغيرة كل 3 الاف شل الاصفر،وبحط اضافة زيت اوميجا 909
4-لون العادم عادى خالص
5-البوجيهات اريديوم ix عامل بيهم 3 الف ولسه من كام يوم الميكانيكى نظفهم بالبنزين والهواء المضغوط وقالى كويسين وركبهم تانى.
6-فلتر البنزين بقاله معايا 3 الف،والزيت بغيرة كل مرتين تغير زيت،والهواء جايب k&n مكان الفلتر الاصلى تماما.
7-استهلاك البنزين جوه المدينه 200كم فى الصفيحة وبمون 92 دائما.
8- الشكمان سالك.
9- الفرامل كويسه ومغير طنابير اصلى جداد وتيلهم من اسبوع.
10-السيور كلها مغيرها من 3 الف كم وكلها اصلى.
11-موقف البطاريه جيدة والشحن زى الفل.
مشكلتى انى ماببخلش على العربيه خالص زى ما أنتم شايفين وأكتر من مراتى.هههههههههه

[anwarnono]

انا جبتة من العضو ايمن مومو،ومن موقع k&nبتشوف الفلاتر كلها للعربيات وبموديل السنه والسعه اللتريه وبتقوله على كوده وهو بيقولك على سعره وبيجبهولك.وكان ب 450ج

[samirayad]

وانا أحيانا بضبط خلوص الدبرياج كل فترة

حناخد الأقتباس ده معانا
على ماتجاوبنى على الأسئله دى
1- هل أنت أول مالك للسياره
2- هل عمرت الدبرياج من قبل
3- هل لاحظت علو صوت المكنه بدون أستجابه فى السحب والتسارع للعربيه مع الضغط على دواسة الأكسراتير

[anwarnono]

1-انا ثانى مالك للسيارة.
2-من سنه غيرت أسطوانه الدبرياج والقديمه كانت حالتها مش وحشه.
3-( هل لاحظت علو صوت المكنه بدون أستجابه فى السحب والتسارع للعربيه مع الضغط على دواسة الأكسراتير)
لا.
بالنسبه لدواسه الدبرياج أنا بضبطها كل فترة علشان لما بيكون واطى بحس بالسحب بيزيد شويه ولما بيعلى بيقل شويه(ممكن يكون ده مش سبب طبعا)بس انا بحس بكده.

[thedeveloper87]

ما قلتليش ياباشا الفلتر k & n عمل معاك فرق في السحب ساعتها ولا لأ؟ وبيديك صوت زي أصوات فلاتر السبور التانية ولا لأ؟
معلش أسف على الإزعاج وألف شكر

[samirayad]

،وبحط اضافة زيت اوميجا 909

فايدتها أيه أضافة زيت أوميجا دى
- وياريت تعمل ترصيص بالمره للعجل علشان تطمن على البلى
لو البلى تقيل حيأثر على سحب العربيه بلاشك

[anwarnono]

ديه اضافة كانت عليها موضوع فى المنتدى العام انها بتنظف الماتور وبتحافظ على الزيت 3 اضعاف،وكان الاستاذ كريم منير جايب العرض ده من الشركه.
بس انا بقالى 4 شهور فقط بستخدمها.
وان شاء الله انا كنت هشترى 4 فرد كاوتش الاسبوع القادم وهرصص طبعا.
وبخصوص البلى عندى بحاله جيدة كل العجلات.
وشكرا جدا لاهتمامك الكبير يابشمهندس وجعله الله فى ميزان حسناتك.

[anwarnono]

عمل فرق فى السحب معايا بعد 3000 لفه ،يعنى السحب حلو اوى بعد كده،والصوت عالى بسيط بس لما بقرص على الماتور،وخد بالك لو الماتور حالته وحشه مش هيفرق معاك كتير،وكمان انا العربيه كربراتير وفلتر اسبور مكان الاصلى جوه العمه مش خارج من العمه علشان الصوت مش فارق معايا أوى.

[samirayad]

يعنى زى زيت الشنبر مثلا

[anwarnono]

هو مجموعه من الاضافات التخلقيه لتنزيف الماتور من الرواسب الكربونيه ولتحسين لزوجه الزيت،ومش عارف يابشمهندس لو زيت الشنبر زيه كده ولا لا؟
بس فى ناس كتير بتحطه فى عربيات زيرو لتحسين الزوجه.