خرطوم القايظ

[thedeveloper87]

السلام عليكم ورحمة الله وبركاته
كل عام وأنتم والأمة الإسلامية كلها بخير
أنا خرطوم الفايظ اللي واصل بالعمة عندي بيجيب زيت هل ده طبيعي ولا لأ؟ وهو أصلا وظييفته ايه؟

[samirayad]

كل سنه وأنت طيب
خرطوم الفائظ وظيفته التهويه والتنفيس عن باطن المكنه (منطقة الكرتير )
حيث يقوم بنقل الضغوط والأبخره الخفيفه الى عمة المحرك
وظهور زيت كتير من خط الفائظ ( من عند العمه ) مؤشر على بدء تفويت خفيف من شنابر المحرك لغازات أحتراق نازله للكرتير
وبتاخد معاها أجزاء من الزيوت وهى فى طريقها الى عمة المكنه

وده أنت حتلاحظه من معدل نقصان الزيت على المقاس
لو مبتزودش زيت بمعدل كبير
يبقى لسه الموضوع بتاع التفويت فى أوله
أما لو بتزود زيت بمعدل ملحوظ فهنا يجب التفكير فى عمل طقم شنبر للمكنه

[maka]

ياريت تفك الخرطوم من العمة علشان ميزيتش الفلتر

[thedeveloper87]

أنا غيرت الفلتر القديم وكان مزيت فعلا والفلتر الجديد ابتدا يزيت برضه.

بس هو الطبيعي إن خرطوم الفائظ ده مايجيبش زيت خالص؟؟

[thedeveloper87]

ومعلش سؤالين يا باشمهندس سمير ،
- المكنة ماشاء الله بتجري معايا ، ممكن الموتور يكون الأداء بتاعة كويس وفي نفس الوقت مفوت؟
- وبما إن فيه مؤشر إن المكنة فوتت تنصح بإيه علشان أحافظ علي الموتور لحد ماربنا يكرمني ويبقى معايا فلوس أعمل نص العمرة؟

[HATEMHANY]

الخرطوم ده لازم مايجبش زيت خالص

انا عندى 128 و الخرطوم ده مش بيجيب زيت خالص

[samirayad]

- وبما إن فيه مؤشر إن المكنة فوتت تنصح بإيه علشان أحافظ علي الموتور لحد ماربنا يكرمني ويبقى معايا فلوس أعمل نص العمرة؟

ياريت تفك الخرطوم من العمة علشان ميزيتش الفلتر

وعلشان مفيش بخار زيت يدخل لغرف الحريق ويلوث شحنة الهواء والبنزين النظاف ويأثر على عزم المكنه
بس أهم شىء تتابع مقاس الزيت دائما
لحين تغيير طقم الشنبر
وممكن تستعمل زيت شنبر حيقلل التفويت ويظبطلك الأمور شويه لحين عمل طقم شنبر

[thedeveloper87]

وعلشان مفيش بخار زيت يدخل لغرف الحريق ويلوث شحنة الهواء والبنزين النظاف ويأثر على عزم المكنه
بس أهم شىء تتابع مقاس الزيت دائما
لحين تغيير طقم الشنبر
وممكن تستعمل زيت شنبر حيقلل التفويت ويظبطلك الأمور شويه لحين عمل طقم شنبر

جزاك الله خيرا يا باشمهندس تاعبين حضرتك معانا دايما. وألف شكر لكل اللي شاركوا في الموضوع.

[smsm_cato]

سؤال ايه هو زيت الشمبر ده مش الزيوت اللى بنحطها للمكنة ولا مختلف انا بحط ايسو

[ahmatar]

طول الخرطوم خليه يرمى على الارض
حتى لاتنسد البيكات لتحافظ على الكربرتير
------------------- الدكتور

[bmw323]

طيب أنا فى واحد زميلى معاة عربية أبيزا فيها موتور 1300 الفايظ بتاع الزيت بيرمى على العمة وحاولنا نشوفلها حل بحيث نركب الفلتر الصغير ألى شبة فلتر الهواء لاكن منفعش لأن الفلتر كبير والمسافة بين البوز بتاع الفايظ والعمة حاجة بسيطة جدااا والبوز حديد وصغير فا راح لواحد ربنا يسامحة بقا ركبلة خرطوم والخرطوم كان متنى وقافل أى مجال لتخريج الفايظ رحت قطعت الخرطوم بسرعة
بس لحد الأن مش لاقيين حل حد عندة حل ؟؟؟!!!

[bmw323]

ههههههههههههههههههه وانتا من أهلة

[future_aya]

عزيزى ارجوا

1- استخدام زيت ذو لزوجة اعلى مع تسخين المحرك قبل بدء الحركة ( شل ) او (موبيل ) او ( اسو ) ويكون خاص بمحركات البنزين
2- يتم تغير الزيت قبل الوصول الى الحد الادنى ( الحد الذى يحتاج عندة للتزويد )
3- يتم تغير فلتر الزيت مرة ومرة ( اى كل غيارين زيت )
4- نزل خرطوم الفايز ( المركب بفلتر الهواء ) باستخدام وصلة اخرى الى اسفل بمعرفة ميكانيكى
5- عدم القرص على السيارة وعدم زيادة الحمولة واستخدام اسلوب القيادة الحكيمة السلسة
6- سيتحسن اداء المحرك وسيظل يعمل معك حتى تقرر عمل العمرة او عمل ما يلزم او تركيب محرك اخر جديد او جيد
7- تجربتى وتجربة من اعرفهم مع زيت الشنبر كانت غير ناجحة

وشكرا

[maka]

طيب أنا فى واحد زميلى معاة عربية أبيزا فيها موتور 1300 الفايظ بتاع الزيت بيرمى على العمة وحاولنا نشوفلها حل بحيث نركب الفلتر الصغير ألى شبة فلتر الهواء لاكن منفعش لأن الفلتر كبير والمسافة بين البوز بتاع الفايظ والعمة حاجة بسيطة جدااا والبوز حديد وصغير فا راح لواحد ربنا يسامحة بقا ركبلة خرطوم والخرطوم كان متنى وقافل أى مجال لتخريج الفايظ رحت قطعت الخرطوم بسرعة
بس لحد الأن مش لاقيين حل حد عندة حل ؟؟؟!!!

الحل انك تطرد الفايظ بره العربية وتريح دماغك

[HATEMHANY]

هو ايه المشكله انك تسيب الخرطوم مفكوك بس كده ولا هو بيقع فى الارض