ما هى اعراض تلف لو بدأ تلف كنترول المحرك؟

[mikeatef]

انا معايا عربية فولكس فاجن باراتى وديه اول عربية ربنا يكرمنى بيها والعربية الحمد لله كويسة من ساعت لما جبتها ومكنش فيها مشاكل غير حاجات تتغير وانا عملتها وماشية كويس جداً وبعدين قرأت فى المنتدى عن استهلاك البنزين فركزت مع العربية لقتها بتاكل بنزين بطريقة غريبة بتعمل 350 كيلو او اقل فى 50 لتر ولما قريت عن مواصفات العربية المفروض انها تعدى ال 500 كيلو فابتديت اركز مع العربية واقرأ اكتر فى المنتدى وجدت ان الrpm عندى مش بيقل عن 10 مطبعاً ده عالى جداً وساعات بيكون ما بين 10 و 11 ولما اشغل التكيف يبقى على 11 وكتبت عن العربية فى اللينك الخاص بالفولكس وبعدين واحد من المشاركين مهندس والناس كلها بتشكر فيه هناك قالى انه شاكك ان الكنترول باظ بس انا عارف ان الكنترول ميدورش العربية لو بايظ وانا العربية الحمد لله بتدور من اول لمسة حتى لو كانت بارده جداً... ارجو الافاده انا قلقت جدا حتى انا رحت الشغل النهارده بدون العربية علشان انا بركن العربية فى جراج دورين تحت الارض وقلت لو فيها كنترول فعلا خلاص كده مش هاقدر اطلعها... ارجو الافاده سريعا عن المشكله

[wlk_bakka]

هو ممكن يكون الايدل كنترول باظ او عاوز تنظيف انما العربيه تمشي وتدور عادي بس هتبقي المشكله في البنزين الكتير الي بيتسحب علي الفاضي

[mikeatef]

طيب برضو الايدل كونترول ده جوه الموتور نفسه..؟ يعنى لو باظ حيكون غالى جداً؟؟ وازاى اعرف ان الايدل ده فيه مشكلة

[mikeatef]

ارجو الأفادة

[wlk_bakka]

الايدل كنترول راكب علي الماتور من بره انت روح لميكانيكي ينظفه الاول وجرب
هو فكه سهل وبيتنطف باسبري ولو تعرف تنطفه انت ماشي لو ظبط ال rpm مش هتحتاج تغيره
وبالنسبه لسعره اخويا جابه لعربيته هوندا سيفيك استيراد كان عامل ٣٥٠ جنيه

[wlk_bakka]

هو الايدل مش جوه الماتور ده راكب علي الماتور من بره انت نطفه الاول وشوفه قبل متغيره
لو ظبط ال rpm مش هتحتاج تغيره وهو في الغالب هيحتاج نظافه

[M.Mostafa80]

بص ياعزيزى
البوابه والكهرباء لو مش مظبوطين فى العربيه بيتسيبب فى أرتفاع معدل أستهلاك البنزين
والبشمهندس أسامه لما رد عليك وقالك ان الكنترول ممكن يكون بايظ دا لأنه سألك على البوجيهات والسلوك والكلام دا كلو وحضرتك قلتلو تمام مفيهاش مشاكل
أصلا كون الأربى أم عالى عند حضرتك بالمنظر ده دا أكبر دليل على ان العربيه من حقها تاكل بنزين لأن الكهرباء عاليه وعدم ظبط الكهرباء بيؤدى لأستهلاك عالى
السؤال ليه الكهرباء عاليه
لأن ممكن العربيه يكون فعلا فيها مشكله فى الأيدل أيه هو الأيدل
الأيدل دا مسؤل عن ثبات الموتور على عدد معين من اللفات فى حاله الثبات حتى لا تنطفئ السياره وبعض الميكانيكيه بيتلافو هذا العيب من خلال تعليه كهرباء العربه قليلا لرفعه عن العادى الخاص بالسياره فى حاله تلف فى الأيدل أو عدم فهمهم للقطعه المراد الشغل بها أو لعلمهم أنه من الصعب الحصول عليها كماهو الحال فى سيارتك نظرا لعدم انتشارها وعدم تواجدها بالأسواق
فمن الممكن أن يكون الأيدل
من الممكن أن يكون فى الكهرباء
ومن الممكن أن يكون فى طلمبه البنزين زاتها
فأذا ذكر أن كل هذه الأجزاء سليمه من خلال ردودك
فهذا يعطى الشك فى الكنترول الخاص بالسياره لماذا
لأن الكنترول هو المبرمج المسئول عن بس وأستقبال أشارات معينه من مجموعه حساسات موزعه فى الموتور ففى حاله تلف هذه الحساسات أو الخلل فى برمجه الكنترول نفسه قد يحدث ضخ كميه ذائده عن الكم المطلوب من البنزين ويرتفع أستهلاك السياره للبنزين
سؤال أخر مره حضرتك كشفت بالجهاز أمتى
ومتى بدأ ملاحظتك لأستهلاك العالى للبنزين

[mikeatef]

انا اعتقد ان العربية عاليه من ساعت لما اشترتها بس انا مكنتش مركز معاها غير من فتره قصيره واخر مره كشفت بالجهاز كان من حوالى 3 شهور