ممكن حد يقولي اصلح الخبطة دي فين وازاي وبكام؟

[R A N A]

السلام عليكم جميعاً ياآل نايل موتورز الكرام
طبعا استكمالاً لمسلسل الخبطات والحوادث اللي عربيتي النيو اكسنت حبيبة قلب ماما بتلعب دور البطولة فيه
النهاردة عايزة اخد رأيكو في خبطة حصلتلي من فترة كدة ومرضيتش اعملها ولا احكيلكوا عليها لإني خلاص يئست واتعودت اني اتخبط كل شهر فمحبتش ادوشكوا معايا
بس للأسف لاقيت انها مع الوقت ابتدت تكون طبقة صدا خفيفة فخفت لو سبتها اكتر من كدة الوضع يتفاقم وتعمل بارومة مثلا ولا حاجة فقلت ادوشكوا بقي وأمرى لله .
الخبطة بإختصار جت في العتب والباب الشمال بتاع السواق من تحت
وكانت بسبب حجر او بمعنى أصح حجرين كبار من بتوع الرصيف اللي الناس المؤذية اللي منهم لله واللي حسبي الله ونعم الوكيل فيهم بيحطوها عشان يحجزوا بيها مكان لعربياتهم قدام البيوت والمشكلة انهم محطوطين في شارع جانبي مبعديش فيه كتير بس حظي اني عديت فيه يومين ورا بعض بس في اليوم اللي قبل الخبطة كان في عربية مركونة والدنيا بيييس فمكنتش مدية خوانة يعني وداخلة الشارع عادي جدا ، و اذ بي افاجئ بخبطة رهيبة وصوت مُدوّي قمت وقفت العربية ونزلت اشوف في ايه لاقيتهم زراعين حجرين ويمكن تلاتة كمان في نص الشارع ومفيش حد سايق بياخد باله منهم لإنهم مش في مرمى بصر السائق تماماً وكمان نص الحجر مغروز في الأرض فمش باينين تماماً طبعا مبقتش عارفة اقول ايه ولا أعمل ايه بس اتحسبنت ومشيت .
المهم دلوقتي الخبطة شديدة زي ماهو واضح في الصور وهاتحتاج سمكرة ورش للعتب كله والباب مش عارفة بيترش كله ولا لحد الباكتات الجانبية بس ماعلينا.









وفي كمان حكة لذيذة كدة في الرفرف الشمال ورا بسبب عربية نص نقل كان واقفة في مدخل شارع والمكان أصلاً ضيق جدا وكنت مستعجلة وللأسف كان لازم عشان اعدي اضحي يإما اخبط العربية من قدام في حجر في الأرض يإما تتحك من الجنب في النص النقل الحيوانة اللي كانت واقفة في المكان الغبي ده .
بصوا عليها برده وقولولي اعمل ايه فيهم وبكام .





في نقطة كمان اني اتصلت بالتوكيل عشان احاول اشتري اللون بتاع العربية اللي بيرشوا بيها عشان يطلع نفس الدرجة وميكونش مختلف في الشمس بس قالولي انهم مش بيبعوه لإنهم بيستخدموه في الرش
فهل هالاقي نفس الدرجة دي عند السمكري ولا هايخلط هو اللون بالرقم بتاعه وانا وحظي بقي يطلع افتح سنة ولا اغمق سنة ولا إيه.
كمان مش هاينفع اعملها على حساب التأمين لإني كلفتهم في خلال 3 شهور من عمل الوثيقة حادثتين بإجمالي حوالي 7 الاف جنيه دفعوا منهم 5,500 جنيه وانا اتحملت الباقي فمندوب التأمين لما كلمته اصلا كلمني بسخافة وقالي مينفعش وكدة عشان ممكن لو صلحتي دي على حساب التأمين (مش بس مش هايرضوا يجددولك السنة الجاية ) لأك كمان بعد مايعملوها ممكن يبعتولك جواب لإلغاء الوثيقة قبل معاد انتهائها بحجة اني عميل سيئ وحاول يقنعني ان البند ده موجود في الوثيقة وقاللي طالما بسيطة اعمليها على حسابك بقي
فمضطرة دلوقتي اعملها كلها على حسابي بره
في سمكري انا بتعامل معاه في المنطقة الصناعية في مدينة نصر قاللي هاتيها وهاتاخد يومين يوم سمكرة وفيلر وتاني يوم دوكو هو راجل كويس ومحترم لكني معرفش بالنسبة لرش الدوكو ونفس اللون هايكون الموقف ايه لإني جربته في عربيتي القديمة وعملها كويس (بس هي كانت قديمة ومكنتش فارقة معايا اوي تطلع Perfect يعني) بس خايفة اغامر بالعربية الجديدة بقي.
كمان روحت مركز خدمة معتمد من هيونداي بص عليها وقاللي هاتتكلف في حدود الف جنيه (وكده يعتبر كارمني كمان ) ولما قلتله طب لو سمكرتها بره ورشيتها عندك (على اساس انه يقدر يجيب درجة اللون نفسه من التوكيل) قاللي رش بس هايكون 600 جنيه (مرضيتش اقولك 750) لأن القطعة عندي اقل سعر للرش 300 جنيه (مع انها في التوكيل بـ 275 جنيه) ودول 3 قطع عتب وباب ورفرف.
وقال هاتاخد 3 ايام وقت

دلوقتي قولولي اقتراحاتكم بقي اعمل ايه ؟

معلش هاتعبكوا معايا بقي بس اعمل ايه ماليش خبرة

[Ashraf_Ashraf]

معلش يامان قدر الله ومشاء فعل كويس تلحقها قبل الصدا
بص ياسيدى الفاضل فى سمكريه بتفتح تحت العتب من اسفل العربيه فتحه صغيره وترد بيها الخبطه دى وفى منهم كتير فى الحرفيين
بالنسبه للون هيجى عن طريق الرقم بالكمبيوتر فى محل نظيف وان كان برضوا هيحتاج يتظبط شويه علشان اكيد الشمس والجو غيروا شويه فى لونها الاصل

[lada2010]

انتى ساكنة فين يا رانا

[Terrible_DaRsH]

سمكرى نظيف يرجعهالك زى الاول بالظبط ..

[Col. Eng. Khaled]

صدقيني و الله لو في إسكندرية كنت قدرت أساعد

بنجاح ساحق راشش رفرف أمامي للميجان (بعد تغييره بآخر إستيراد من الحرفيين)

بتكلفة إجمالية 200 جنيه لصنايعي الدوكو غير ، مصنعية السمكري فك و تركيب

السمكري بتاعي هناك (بتعامل معاه بقالي 10 سنين) من قبل ما أنقل للقاهرة و حتى

اللآن .

كان عندي قبلها نفس المنظر في العتبة يمين ، السمكري عملها قدامي بدون فتح

للعتب .

[أبو صلاح]

صدقيني و الله لو في إسكندرية كنت قدرت أساعد

بنجاح ساحق راشش رفرف أمامي للميجان (بعد تغييره بآخر إستيراد من الحرفيين)

بتكلفة إجمالية 200 جنيه لصنايعي الدوكو غير ، مصنعية السمكري فك و تركيب

السمكري بتاعي هناك (بتعامل معاه بقالي 10 سنين) من قبل ما أنقل للقاهرة و حتى

اللآن .

كان عندي قبلها نفس المنظر في العتبة يمين ، السمكري عملها قدامي بدون فتح

للعتب .

انا فعلا كمان محتاج حد في القاهرة

[R A N A]

انتى ساكنة فين يا رانا

نواحي عين شمس كده

[R A N A]

معلش يامان قدر الله ومشاء فعل كويس تلحقها قبل الصدا
بص ياسيدى الفاضل فى سمكريه بتفتح تحت العتب من اسفل العربيه فتحه صغيره وترد بيها الخبطه دى وفى منهم كتير فى الحرفيين
بالنسبه للون هيجى عن طريق الرقم بالكمبيوتر فى محل نظيف وان كان برضوا هيحتاج يتظبط شويه علشان اكيد الشمس والجو غيروا شويه فى لونها الاصل

ماهو في ناس قالتلي ببتصلح بطريقتين
يأما بيفتح العتب من جوه زي ماحضرتك قلت بس دي مفضلهاش عشان هاتعيب العربية
يأما بيسخن مسمار باين او بيكون عنده أداه شفط كده بتتلزق ويشد العتب لبره فيتفرد تاني وبعدين يسمكر بقي ويرش.
هي العربية لحقت تغير لونها دي مكملتش 4 شهور لسة؟
عموما ربنا يسهل والاقي حل قريب وميرسي على اهتمامك

صدقيني و الله لو في إسكندرية كنت قدرت أساعد

بنجاح ساحق راشش رفرف أمامي للميجان (بعد تغييره بآخر إستيراد من الحرفيين)

بتكلفة إجمالية 200 جنيه لصنايعي الدوكو غير ، مصنعية السمكري فك و تركيب

السمكري بتاعي هناك (بتعامل معاه بقالي 10 سنين) من قبل ما أنقل للقاهرة و حتى

اللآن .

كان عندي قبلها نفس المنظر في العتبة يمين ، السمكري عملها قدامي بدون فتح

للعتب .

ربنا يخليك ياسيادة العقيد انا عارفة ان حضرتك شخص خدوم بس المشكلة اني بنت ومينفعش اسافر مخصوص لاسكندرية عشان اصلح العربية وكمان هاتاخدلها يومين تلاتة شغل فهايكون صعب.
عموما ربنا يسهل ونلاقي حل كويس في القاهرة.
وميرسي على اهتمام حضرتك جداً

[Mohamed.Ramah]

ربنا يكون فى عونك شكل العربية واخدة عين جامدة شوية قدر ولطف اهم حاجة تاخدى بالك و الاحسن وعن تجربة فى فيرنا فيفا روحى التوكيل افضلك ويبقى شغل انضف علشان متحسيش بفرق ملحوظ فى لون العربية باذن الله ترجع زى الاول واحسن

[tamertamer]

بسيطة مش صعبة خالص انت عيزة سمكرى كويس انا كان عندى نفس المشكلة وعملتها عند السمكرى بتاعى هو ايدة كويسة وبشتغل فى عربيات فخمة وهو قلى عملى عربيتى الاوبل وكمان عملنا عربيات كتير باسات وجتا وبيجو ونوبيرا بصراحة هو كويس فى سعرة وهو فى الاربعة ونص لو عيزة مكانة ابعتلك العنوان بالنمرة وبالنسبة للدوكو انتى بتجيبى ارقام اللون من جوة العربية فى رقم جوة العربية درجة اللون وتروحى تجيبى اللون بالكمبيوتر زى العربية تمام وممكن تجبية اسكنز كمان مش مطفى حسب الدوكو بتاع عربيتك بس انا عن نفسى معنديش بتاع دوكو كويس ورخيص قلى عندى غالى اوى بس نضيف منصحش حد بية فى ناس كتيرافضل منة انا عربيتى كان فيها شغل فى العتب واربع رفارف ووش العربية والرفرفين قلى قدام اتعدلو عشان جبت للعربية فونيس اسبورت خد منة 250 وكمان رشيت العربية سعتها 4 الرفارف والعتب بالكسدمات والمريات خد سعتها 500 والصورة فى التوقيع وربنا ميوريك عضم الاوبل عامل ازاى صعب جدا التشكيل فية من قوتة متعرفش تحرك سنتى متر واحد فية

[WalidAdel]

ممكن تتعمل في الحرفييين طالما حضرتك قريبه منهم بس بلاش ترشي الباب او نص الباب علشان كده كده اللون هايفرق مهما قالوا ممكن ترشي العتب بس و خلاص و الحته اللي في الباب تستعدل و تتساب كده او تتاخد بقطنه من نفس اللون اللي هايترش بيه العتب اصلها حته صغيره اوي و مش هاتبان و طالما حضرتك مجربه السمكري اللي جنبك يبقي هو احسن من غيره بس بلاش ييجي جنب الباب هو يرش العتبه كلها و بس
و ممكن حل اظرف حضرتك ممكن تمشي بيها كده شويه اهي حاجه تاخد العين و كل ماحد ييجي يباركلك علي العربيه تقوليلي شوفت ليسه مخبوطه من عيون الناس بقي و كده

[YaSSerwIN]

اية دة العربية اتخبطت تانى :( :(

ما دام شركة التأمين بتنح تناحة بتناحة ما تعمليها فى التوكيل على حساب شركة التأمين وساعة لما تيجى تجددى رخصة العربية ابقا غيرى شركة التأمين

[N.a.j.d]

بسيطه دي ولا يهمك شوفي حد كويس وشاطر يعملها بس يا ريت ياشباب تقولو تروح فين بزبط ف مكان قريب

[ENG\AHMED]

السلام عليكم جميعاً ياآل نايل موتورز الكرام :ob_mak1[1]:
طبعا استكمالاً لمسلسل الخبطات والحوادث اللي عربيتي النيو اكسنت حبيبة قلب ماما بتلعب دور البطولة فيه
النهاردة عايزة اخد رأيكو في خبطة حصلتلي من فترة كدة ومرضيتش اعملها ولا احكيلكوا عليها لإني خلاص يئست واتعودت اني اتخبط كل شهر فمحبتش ادوشكوا معايا
بس للأسف لاقيت انها مع الوقت ابتدت تكون طبقة صدا خفيفة فخفت لو سبتها اكتر من كدة الوضع يتفاقم وتعمل بارومة مثلا ولا حاجة فقلت ادوشكوا بقي وأمرى لله .
الخبطة بإختصار جت في العتب والباب الشمال بتاع السواق من تحت
وكانت بسبب حجر او بمعنى أصح حجرين كبار من بتوع الرصيف اللي الناس المؤذية اللي منهم لله واللي حسبي الله ونعم الوكيل فيهم بيحطوها عشان يحجزوا بيها مكان لعربياتهم قدام البيوت والمشكلة انهم محطوطين في شارع جانبي مبعديش فيه كتير بس حظي اني عديت فيه يومين ورا بعض بس في اليوم اللي قبل الخبطة كان في عربية مركونة والدنيا بيييس فمكنتش مدية خوانة يعني وداخلة الشارع عادي جدا :b4_048:، و اذ بي افاجئ بخبطة رهيبة وصوت مُدوّي قمت وقفت العربية ونزلت اشوف في ايه لاقيتهم زراعين حجرين ويمكن تلاتة كمان في نص الشارع ومفيش حد سايق بياخد باله منهم لإنهم مش في مرمى بصر السائق تماماً وكمان نص الحجر مغروز في الأرض فمش باينين تماماً :b4_556: طبعا مبقتش عارفة اقول ايه ولا أعمل ايه بس اتحسبنت ومشيت :h_angry[1]:.
المهم دلوقتي الخبطة شديدة زي ماهو واضح في الصور وهاتحتاج سمكرة ورش للعتب كله والباب مش عارفة بيترش كله ولا لحد الباكتات الجانبية بس ماعلينا.









وفي كمان حكة لذيذة كدة في الرفرف الشمال ورا بسبب عربية نص نقل كان واقفة في مدخل شارع والمكان أصلاً ضيق جدا وكنت مستعجلة وللأسف كان لازم عشان اعدي اضحي يإما اخبط العربية من قدام في حجر في الأرض يإما تتحك من الجنب في النص النقل الحيوانة اللي كانت واقفة في المكان الغبي ده .
بصوا عليها برده وقولولي اعمل ايه فيهم وبكام .





في نقطة كمان اني اتصلت بالتوكيل عشان احاول اشتري اللون بتاع العربية اللي بيرشوا بيها عشان يطلع نفس الدرجة وميكونش مختلف في الشمس بس قالولي انهم مش بيبعوه لإنهم بيستخدموه في الرش
فهل هالاقي نفس الدرجة دي عند السمكري ولا هايخلط هو اللون بالرقم بتاعه وانا وحظي بقي يطلع افتح سنة ولا اغمق سنة ولا إيه.
كمان مش هاينفع اعملها على حساب التأمين لإني كلفتهم في خلال 3 شهور من عمل الوثيقة حادثتين بإجمالي حوالي 7 الاف جنيه دفعوا منهم 5,500 جنيه وانا اتحملت الباقي فمندوب التأمين لما كلمته اصلا كلمني بسخافة وقالي مينفعش وكدة عشان ممكن لو صلحتي دي على حساب التأمين (مش بس مش هايرضوا يجددولك السنة الجاية ) لأك كمان بعد مايعملوها ممكن يبعتولك جواب لإلغاء الوثيقة قبل معاد انتهائها بحجة اني عميل سيئ وحاول يقنعني ان البند ده موجود في الوثيقة وقاللي طالما بسيطة اعمليها على حسابك بقي :h_angry[1]:
فمضطرة دلوقتي اعملها كلها على حسابي بره
في سمكري انا بتعامل معاه في المنطقة الصناعية في مدينة نصر قاللي هاتيها وهاتاخد يومين يوم سمكرة وفيلر وتاني يوم دوكو هو راجل كويس ومحترم لكني معرفش بالنسبة لرش الدوكو ونفس اللون هايكون الموقف ايه لإني جربته في عربيتي القديمة وعملها كويس (بس هي كانت قديمة ومكنتش فارقة معايا اوي تطلع perfect يعني) بس خايفة اغامر بالعربية الجديدة بقي.
كمان روحت مركز خدمة معتمد من هيونداي بص عليها وقاللي هاتتكلف في حدود الف جنيه (وكده يعتبر كارمني كمان :o_stupid[1]: ) ولما قلتله طب لو سمكرتها بره ورشيتها عندك (على اساس انه يقدر يجيب درجة اللون نفسه من التوكيل) قاللي رش بس هايكون 600 جنيه (مرضيتش اقولك 750) لأن القطعة عندي اقل سعر للرش 300 جنيه (مع انها في التوكيل بـ 275 جنيه) ودول 3 قطع عتب وباب ورفرف.
وقال هاتاخد 3 ايام وقت

دلوقتي قولولي اقتراحاتكم بقي اعمل ايه ؟

معلش هاتعبكوا معايا بقي بس اعمل ايه ماليش خبرة

مش مستاهلة اوى انها تتعمل
مادام بتقولى كل شوية بتتخبط ريحى نفسك انتى فى مصر

[ابو فرح]

0192266337]ده رقم سمكرى كويس فى الماظه هعملهالكويرجعها زى الجديده وربنا يوفقك اسمه محمد يسرى