تحويل عربيه 128 الى كابورليه (فكره مجنونه)

[أبو إياد]

مافيش ياميسو موتور 1300 نزل بفتيس 4 غيار غير 88 وقليل جدا جدا اللى مغيرش الفتيس ل5 غيار
انا المشكله دى واجهتها بعد ما جيبت موتور استيراد والحمد لله رنا وفقنى فيه وكان فوق الممتاز لكن الفتيس هو اللى خانقه وفى الخطه اللى جايه هاشترى فتيس 5 غيار
اما عن مشكلتك لو العربيه فوق 88 يبقا لازم تكون 1300 غير كده يبقا الموتور متغير والفتيس كمان

[misoalex]

انا العربيه عندى ابارث ودى بتنزل 1300
المهم رحت سألت امبارح على الموتور الاستيراد ال 1300 بالفتيس قاالى ان مفيش موتور بينزل بفتيس 5 غيار كله 4 غيار فقط
لو عاوز الفتيس ال 5 غيار ب 1000 جنيه لوحده ليه الاستغلال ده مش عارف حاجه تعكنن والله
مش عارف بقى اعمل ايه اغير الفتيس بس واعمل عمره للموتور ولا اغيره كله بالفتيس مش عارف ايه الى اعمله
انا لو اتأكد ان الموتور بتاعى 1300 يبقى مش حغيره
انت ايه رأيك ماذا تفعل لو كنت مكانى

[أبو إياد]

استنى انا هاسال كده كده على الفتيس فى القاهره سعره كام وابلغك علشان انا هاغيره باذن الله ولو الموتور عندك مش تاعبك خلاص هاتغيره ليه ؟

بس انا اشك ان الفتيس يوصل للسعر ده انا عامله ميزانيه 500ج بالكتير

[misoalex]

وفعلا انا الى اعرفه انه ب 500 بس 1000 جنيه دى اشغاله ده كبيره 600 جنيه بس الراجل كان عاوز يعمل عليا شغل عشان كنت رايحله نضيف وحاطط برفان هههههههههه
الموتور مش عارف مريحنى ولالا هو ساعات كويس وساعات بيستعبط ههههه
بص لما تيجى اسكندريه بص عليه انت وقولى انت خبره اكتر منى
لانى دى اول 128 اركبها وعممممممممرى مركبت 128 عشان اقارن بينهم
لكن ركبنى انت سيات كده وانا اطلعلك كل الى فيها هههههههههه

[أبو إياد]

بس ياعم علشان مراتى لو شافت المشاركه بتاعتك دى هاتشبط عماله تزن عليا مش عارف مين مدخل فى دماغها 126 او سيات وتتظبط كمان >>>>>>>>>>> بذمتك انت ينفع ؟ ههههههههههههههههههه

[misoalex]

بس العربيات دى عاوزه معامله حريمى فعلا متنفعش معانا
انا شفت واحده راكبه 133 لونها بينك ميتاليك تحححححفه بجد معرفش دى عاملاها فين
هى العربيات دى مشكلتها كثره اعطالها زيها زى الفيات فعشان كده متنفعش مع كل الستات
انا عامل رابطه من سنتين لل 133 ولد دلوقتى الناس مستفيده بيها وفرحانه بيها جدا وفيها بنات مشتركه ومعاها سيات 133
بس هى الفكره انك لما هتهادى المدام مش حتهاديها بسيات الا لو حتتعلم عليه السواقه وتبهدلها

[mshmshm3]

سلام عليكم, متهيألى أسهل تجيب جولف كارمن تعملها 20 الف و عربيتك نقول 10 يبقى الفرق قريب جدا من اللى حضرتك حتصرفة, و فى نفس الوقت الجولف اجمل بمراحل و كابريو أصلى و المرور مش حيرخم عليك و مش حتقف على صنايعية فى الشارع وتتعب نفسك

+11111 كلامك مظبوط ال 128 حرام تصرف عليها لكن الجولف من اول الجولف 1 عربية جامدة وتستاهل

[أبو إياد]

كده كده المرور وقف كل حاجه