اعمل ارضيه جلد بنفسك

[spyman_2007]

سلام عليكم
اللهم صلى وسلم وبارك على سيدنا محمد النبى الامى وعلى آله وصحبه وسلم


انا النهارده جايبلكم موضوع مهم جدا كلنا عرفيين اهمية الارضيه الجلد كفايه جدا سرعة التنظيف و الشكل و المصيف و الخ...........
المهم نيجى للمهم
رحت سئلت عند السروجى بتعمل الارضيه الجلد بكام قالى 250 ج طيب ورينى الخامه عشان اعرف السر فى ال250 دول المهم ورانى خامه عاديه جدا جدا مجرد جلد ملهوش وش من ضهر و ورانى عربيات كان عملها على الكمبيوتر بصراحه الفنش زى الفل بس برضه 250 كتير المهم رجعت هنا على المنتدى دورت لاقيت اقل واحد كان عمله كلفه 150ج المهم ماشى بالصدفه فى التوفيقيه بعدها بيوم لاقيت واحد بيبيع خامت ارضيه جلد جميله جدا وش جلد و الوش التانى موكيت عشان تمسك فى الموكت الاصلى بتاع العربيه و ديه ميزه احسن متعمل لازق و تبوظ الموكت بتاع العربيه الاصلى و المتر ب 30 ج جبت اتنين متر ب 60 بس خالى بالك انا عربيتى صغيره يعنى انت ممكن تحتاج اكتر انت قيس الاول و بعدين روح اشترى المهم نخش فى الموضوع عشان متنموش منى
اول حاجه انت عاوز الحجات ديه و اكيد موجوده فى كل بيت حجات سهله جدا

1-مقص
2-مفتاح عاده و صليبه
3-كاتر (انا كنت شغال بالموس اللى بيجى معى فرخ الفيميه)
4-ومفتاح 14 او حسب المقاسات الى فى عربيتك
5-بنسه
6- wd-40 عشان فى حجات بتعصلج
7-البلستكه الصفره ديه بتاعت فيميه برضه هيه مفيده انك ممكن تدخل بيها الجلد فى الاماكن اللى مش لازم تفكها
نشوف العربيه قبل الجلد

اول حاجه تروح تنظف الارضيه فى البنزينه ب 3ج

طبعا بعد التنظيف تحس انك مش محتاج جلد ولا حاجه بس ده مش بيدوم لمدت ساعتيين

نبتدى بقى الشغل تحاول تعشق الجلد تحت الفبر بتاع العتب و الكونسله و الكنبه الخ.........

طبعا بعد كده هتفتح اماكن مسامير الكراسى و التكيف

و بعدين تركب الكراسى تانى بس خلى بالك لازم تأرط على المسامير كويس جدا جدا جدا
و ديه النتيجه

طبعا لغايت دلوقتى الموضوع متكلف 65 ج و كده هيتوقف على سعر الخامه بس
ولازم احظركم من اصابات العمل
ربنا معاكم
يا رب يكون الموضوع مفيد
و لو فى استفسارات انا فى الخدمه

[aymansaad]

بسم الله ما شاء الله
ممكن تقولى اسم المحل اللى اشتريت منه الارضية ؟

[Shiref_mohamed]

thanx alot

[أبو صلاح]

تسلم ايدك يا زعيم
بس ياريت فعلا اسم المحل
على فكرة لون الجلد اللي انت جايبه ده جامد جدا

[spyman_2007]

سلام عليكم
شكرا جدا على الردود الجميله ديه كده الواحد يحس بتشجيع .
انا مش فاكر اسم المحل ايه بس انا هحاول اوصفهولكم لغايت ما ربنا يسهل و انزل تانى و هجبلكم اسمه بالظبط
المهم اكيد عارفيين سنترال رمسيس فى شارع جنبيه على نصيته كوشك سجاير عدى و خش الشارع اللى ادامه على الصف التانى من نحية التوفقيه هتفضل ماشى فى شارع كله ناس فرشه لغايت متلاقى تقاطع هتلاقيه على الشمال و هو على فكره الوحيد تقريبا اللى عنده جلد ارضيه هتلاقيه حطه بره و على فكره هو اصلا بتاع فرش و ابقو قلولى عملتو ايه

[أبو صلاح]

سلام عليكم
شكرا جدا على الردود الجميله ديه كده الواحد يحس بتشجيع .
انا مش فاكر اسم المحل ايه بس انا هحاول اوصفهولكم لغايت ما ربنا يسهل و انزل تانى و هجبلكم اسمه بالظبط
المهم اكيد عارفيين سنترال رمسيس فى شارع جنبيه على نصيته كوشك سجاير عدى و خش الشارع اللى ادامه على الصف التانى من نحية التوفقيه هتفضل ماشى فى شارع كله ناس فرشه لغايت متلاقى تقاطع هتلاقيه على الشمال و هو على فكره الوحيد تقريبا اللى عنده جلد ارضيه هتلاقيه حطه بره و على فكره هو اصلا بتاع فرش و ابقو قلولى عملتو ايه

تسلم يازعيم

[max_ziro]

تسلم ايدك يا باشا ولله شعللت الفكرة فى دماغى بكرة هعملها انشاء الله
..

[A.Saad]

تسلم ايدك
بس خدوةا بالكم وانتم بتفكوا الكراسى من سلك حزام الامان اللى بتبقى اسفل الكرسى

[smsmxxxxxx]

ما شاء الله جميلة جدا تسلم ايدك

انتا عملت موضوعك دا فى الوقت المناسب لانى بفكر اعمل زيك
وانتا سهلت عليا لما وصفت مكان بيع الجلد

ربنا يبارك لك
----------
محمد سالم

[lody1983]

اية فايدة wd-40
وكمان انت لصقت الجلد على االارضية ولا حطيتوا كدة عليها وبس

[spyman_2007]

اية فايدة wd-40
وكمان انت لصقت الجلد على االارضية ولا حطيتوا كدة عليها وبس

بوص الwd-40 ده عشان كان فيه مسمار مش عاوز يركب فى المجرى بتعته رشات منه فساعدنى و برضه لو فيه مسمار مش عاوز يفك ممكن يسعدك بالنسبه للصق انا ملصقتوش انا اعتمت على ان الارضيه موكت و ضهر الجلد موكت برضو فبيمسكو على بعض و على فكره وانت شغال فى حجات هتبقى برزه شويه يعنى مش جيه ضغرى معاك كمل عليها و هى هتريح بعدين لو هتلصق يبقى انت مستغنى عن الموكت بتاع العربيه و على فكره انا جربت الموضوع تانى فى عربيت واحد صحبى النهرده وكله تمام

[abdo_general]

انا عندي راكب جلد فعلا بس كان بداء يطلع من الاماكن الي متعشق فيها

وكنت متردد

بس انت كده شجعتني

[spyman_2007]

اتكل على لله و لو عوزت اى حاجه انا تحت امرك

[drmahmoud123]

مجهود رائع ونتيجة اروع
وفكرة ممتازة
شكرا لك

[ابو حسين]

ما شاء الله جميلة جدا تسلم ايدك