إعـــــــلان

Collapse

.

,
See more
See less

سمكرة و بيتومين و رش دوكو

Collapse
X
 
  • Filter
  • الوقت
  • Show
Clear All
new posts

  • سمكرة و بيتومين و رش دوكو

    كنت محتاج مساعدة منكم لانى اول مرة اعمل دوكو للعربيه مع سمكرة شامله
    وحاسس انى بكع فلوس وانا مش فاهم حاجة
    انا هقولكم على اللى اتعمل فى العربيه و تقولولى تكلفته معقوله ولا مبالغ فيها
    للعلم العربية مازدا 323 موديل 82 اخضر ميتاليك

    سمكرة:
    1- حرق العربيه كلها على الصاج لانه قال ان المعجون اللى فيها كان زيادة اوى و مشقق (ماعدا السقف)
    2- بارومة فى العتب اليمين
    3- بارومة تحت دواسة السواق
    4- بارومة فى الكرتيرة اللى هى الدوران اللى تحت الباب (مش اللى فى الشنطة) اليمين و الشمال و دول قصهم وركب غيرهم
    5- غير باب السواق بباب استيراد (الباب تكلفته 200 ج فاضى)
    6- عمل بلاك تحت العربيه

    مصنعيه السمكرة:
    750 ج سمكرة
    60 ج سيليكون للشنطة و الكبوت
    150 ج بلاك
    اية رايكو؟؟؟

    الدوكو:
    طبعا العربيه على الصاج و هتاخد معجون كتير

    1.5 ك بوية (بيقول ماكس ماير انضف حاجة) ميتاليك
    1 ك مصلب
    1 ك مثبت
    1 ك ورنيش
    بيقول دول 750 ج

    معجون - فيلر - سنفرة وفرن 250 ج
    مصنعيه 400 ج
    يعنى الدوكو كله على بعضة يكلف 1400 جنية

    مش عارف حاسس انه كتير
    وكمان السمكرة و البلاك

    يعنى كدة العمليه 2400 ج من غير تمن الباب
    السمكرة هروح استلمها بكرة عشان كدة قلت اسالكم و اعرف لو فى حاجة ممكن ابص عليها وانا بستلم و كمان عشان اعربن بتاع الدوكو

    شكرا مقدما
    EGYPT

  • #2
    ربنا يعينك على الصناعية وعلى المصاريف ويوقفلك ولاد الحلال .
    وانا شايف ان السعر ده معقول علشان كنت عامل تقريبا زيه من خمس سنين

    انا كنت عامل اللي حضرتك قلت عليه تقريبا من خمس سنين بس محرقتش العربيه علشان سمعت انه بيضعف الصاج ومكنتش مستاهله حرق
    المهم
    كان فيها برومة في العتب والاربع ابواب والشنطه والكرتيرتين اللي خلف والرفر اليمين
    الراجل السمكري اخد 600 جنيه اجرة ايده بالصاج الخرده طبعا اللي ركبه وللأسف البرومة بدأت تظهر تاني في نفس الاماكن مع المحافظة الشديدة .

    ثانيا الدوكو والفرن مش فاكر اخدو كام بس تقريبا 1200 جنيه

    وشكلي كان مضحوك علي ايامها وربنا ينتقم من الظالم

    خلي بالك قوي قوي قوي بكره وانت بتستلم العربيه من السمكري في الحاجات الي هقولك عليها :
    انا للاسف مستلمتش منه علشان بتاع الدوكو كان جنبه وقلتله ابقى سلمهالو اصل انا مكنتش فاضي

    1- الابواب شوف هتقفل بشويش ولا رزع ده حصل معاي ان الابواب بعد مارشيت فرن بيقيت ارزع الابواب في الدخله والطلعة.

    2- شوف الخلوص بين الابواب والعتب من تحت ((( مهم جداًً))) لو كان عندك ببومة في الابواب وقص وعمل صاج تاني هتلاقي في فرق قيمة صباع بين الباب والعتب وانت قاعد جوه (( مش حابك )) وده هيدخل عفار وهيعمل طين وهتسمع صوت هوا وانت ماشي للاسف ده حصل معاي ومخدتش بالي الا بعد ما ارتشت وللاسف مش هينفع التعديل بعد الرش وحسبي الله ونعم الوكيل لكن انا لزقة جلد في الفرغات دي وكاني معملتش حاجة بس اهو سدادان نمر

    واخيرا ربنا يوفقك
    استغفر الله الذي لا إله إلا هو الحــي القيوم وأتوب إليه

    Comment


    • #3
      الف شكر ليك يا ريس
      مش عايز اقولك بسمع من اصحابى برة على امانه الصنايعيه و اشوف الحال اللى احنا فيه هنا
      ربنا يرحمنا

      كان ليا سؤال تانى بخصوص البلاك
      المفروض البلاك يتعمل قبل الدوكو ولا بعد؟ ومين اللى مفروض يعمله؟ بتاع الدوكو ولا السمكرى؟
      لانى فوجئت ان السمكرى بيقولى عملتها واحنا مكناش اتفقنا عليها
      وكمان بيقولى العربيه خدت ب 150 ج بلاك
      حاسس ان دى اكبر اشتغاله لان دة بلاك ازاى يبقى ب 150 ج
      والمفروض العربيه تاخد اد اية و سعر الوحدة منه كام ك او جالون؟

      والمفروض ان الشنطة تترش بردة ولا دة يعيب العربيه؟ لانه متهيالى رشها

      والف شكر لنصايحك القيمة
      EGYPT

      Comment


      • #4
        المفروض اساسا
        االللي بيرش البلاك البوهيجي
        وبعدين هو رش الفجااوي ولا العربية من تحت ؟
        [CENTER][media]http://www6.0zz0.com/thumbs/2011/09/14/04/347541799.jpg[/media]
        MY BMW 2500CC
        :tumb:
        [/CENTER]

        Comment


        • #5
          انت بتقول العربيه على الصاج وحتاخد معجون كتير
          المفروض انها كانت واخده معجون كتير لأن السمكرى ساب المطبات فى الصاج زى ما هى فبتاع الدوكو اداها معجون استوك علشان يملا المطبات دى وده اكبر غلط
          لازم بتاع الدكو يستلم العربيه من السمكرى ويكون الصاج زى لوح الزجاج
          يعنى فايده الحرق انه يشيل المجون فى الأماكن الواطيه ويظبها هو مش يسبها لبتاع الدوكو يملاها معجون تانى

          Comment


          • #6
            المشاركة الأصلية كتبت بواسطة hdmrdash مشاهدة المشاركة
            انت بتقول العربيه على الصاج وحتاخد معجون كتير
            المفروض انها كانت واخده معجون كتير لأن السمكرى ساب المطبات فى الصاج زى ما هى فبتاع الدوكو اداها معجون استوك علشان يملا المطبات دى وده اكبر غلط
            لازم بتاع الدكو يستلم العربيه من السمكرى ويكون الصاج زى لوح الزجاج
            يعنى فايده الحرق انه يشيل المجون فى الأماكن الواطيه ويظبها هو مش يسبها لبتاع الدوكو يملاها معجون تانى
            معااااااااك
            المعجون الكتير دلاله أكيده على عدم كفاءة السمكري
            ودلاله برضوو على عدم أمانه بتاع الدوكو ..عشان كان لازم يراجع على السمكري ويقولوه على الحتت الي يراجع عليها تاني
            [rmade]http://im58.gulfup.com/qswdwL.jpg[/rmade]

            Comment


            • #7
              أكبر غلط انك تخلى السمكرى يسلم العربيه لبوهيجى تبعه
              علشان أكيد هيغطوا على عيوب بعض وأنته مش دريان
              يعنى حتة غلطه فى سمكرة الصاج هيرسمها البوهيجى بحتة معجون ورش يا عم الحاج وخلص الموضوع .
              تانى حاجه الخامات أنته اللى كنت المفروض تشتريها وتسلمهاله وأحسن بويه وورنيش فى السوق هيه الأسكنز ويليها الكابسى .
              تالت حاجه البوهيجى لما بيجيب عبوة البلاك اللى ب15 جنيه وبيجيب تنر ب 6 جنيه وبيجيب فرشه بويه ب10 جنيه وبيقص الفرشه من نصها علشان ينقر بيها البلاك بياخد فى الأربع رفارف حوالى أقل من 50 جنيه خامات و قول 30 جنيه مصنعيه يبقى ليه كده ؟؟؟
              معلش سؤال
              كيلو البويه حسبهولك بكام ؟؟
              [SIGPIC][/SIGPIC]

              Comment


              • #8
                المشاركة الأصلية كتبت بواسطة magyver مشاهدة المشاركة
                المفروض اساسا
                االللي بيرش البلاك البوهيجي
                وبعدين هو رش الفجااوي ولا العربية من تحت ؟
                اية الفجاوى دى؟
                وانا عرفت منه انه رش حتت من الشنطة و العربيه من تحت واحنا اصلا مكناش اتفقنا عليها و انا فوجئت انه بيقولى انه عملها عشان يكسب وقت

                المشاركة الأصلية كتبت بواسطة hdmrdash مشاهدة المشاركة
                انت بتقول العربيه على الصاج وحتاخد معجون كتير
                المفروض انها كانت واخده معجون كتير لأن السمكرى ساب المطبات فى الصاج زى ما هى فبتاع الدوكو اداها معجون استوك علشان يملا المطبات دى وده اكبر غلط
                لازم بتاع الدكو يستلم العربيه من السمكرى ويكون الصاج زى لوح الزجاج
                يعنى فايده الحرق انه يشيل المجون فى الأماكن الواطيه ويظبها هو مش يسبها لبتاع الدوكو يملاها معجون تانى
                المشاركة الأصلية كتبت بواسطة a7med_pharma مشاهدة المشاركة
                معااااااااك
                المعجون الكتير دلاله أكيده على عدم كفاءة السمكري
                ودلاله برضوو على عدم أمانه بتاع الدوكو ..عشان كان لازم يراجع على السمكري ويقولوه على الحتت الي يراجع عليها تاني
                انا اقصد ان لما تكون العربيه على الصاج هتاخد معجون بحجم العربيه حتى لو المفروض انها طبقه صغيرة بس اكتر من لو هيعمل حتة فى العربيه وبعدها يرش

                المشاركة الأصلية كتبت بواسطة ahmed_h_g مشاهدة المشاركة
                أكبر غلط انك تخلى السمكرى يسلم العربيه لبوهيجى تبعه
                علشان أكيد هيغطوا على عيوب بعض وأنته مش دريان
                يعنى حتة غلطه فى سمكرة الصاج هيرسمها البوهيجى بحتة معجون ورش يا عم الحاج وخلص الموضوع .
                تانى حاجه الخامات أنته اللى كنت المفروض تشتريها وتسلمهاله وأحسن بويه وورنيش فى السوق هيه الأسكنز ويليها الكابسى .
                تالت حاجه البوهيجى لما بيجيب عبوة البلاك اللى ب15 جنيه وبيجيب تنر ب 6 جنيه وبيجيب فرشه بويه ب10 جنيه وبيقص الفرشه من نصها علشان ينقر بيها البلاك بياخد فى الأربع رفارف حوالى أقل من 50 جنيه خامات و قول 30 جنيه مصنعيه يبقى ليه كده ؟؟؟
                معلش سؤال
                كيلو البويه حسبهولك بكام ؟؟
                هى المفروض تاخد اد اية بلاك لو هيرش ال 4 رفارف و العربيه من تحت؟
                هو قالى الماكس ماير دى المانى وانضف حاجة فى السوق وبتفضل تلمع على طول
                قالى كيلو ونص مع التحابيش ب 750 ج
                و الباقى اللى هو المعجون و الفيلر و معرفش اية 250 ج
                ومصنعيه 400 ج
                كله على بعضة 1400 ج
                واضح ان انا زبون صح؟
                EGYPT

                Comment


                • #9
                  السؤال الفنى بقى

                  البيتومين او البلاك او الشيش لوك
                  البلاك اسود والشيش لوك ابيض؟

                  يا ترى اية المستخدم دلوقتى؟

                  والسمكرى بيقولى انه عايز يحط بيتومين تحت الكراسى كمان من جوة العربيه

                  وبيقول هتاخد 6 جالون (الجالون 2 ونص كيلو) لجوة العربيه و تحت العربيه و الرفارف

                  مش عارف اية اللى مفروض اعمله

                  والكلام دة يتعمل قبل الدوكو ولا بعد ما الدوكو يخلص
                  EGYPT

                  Comment


                  • #10
                    هو البلاك ليه أنواع وبيلمع ومش بيلمع ؟؟؟
                    هتفرق فى ايه؟
                    [SIGPIC][/SIGPIC]

                    Comment


                    • #11
                      المشاركة الأصلية كتبت بواسطة ahmed_h_g مشاهدة المشاركة
                      هو البلاك ليه أنواع وبيلمع ومش بيلمع ؟؟؟
                      هتفرق فى ايه؟
                      يفرق البلاك ابيض ولا اسود لانه هيبان اللى تحت الرفارف و العربيه واقفة
                      ومش عارف بقى انهى اية اللى بيترش و اية اللى بيدهن بالفرشة
                      EGYPT

                      Comment


                      • #12
                        معااااااااك
                        المعجون الكتير دلاله أكيده على عدم كفاءة السمكري
                        ودلاله برضوو على عدم أمانه بتاع الدوكو ..عشان كان لازم يراجع على السمكري ويقولوه على الحتت الي يراجع عليها تاني
                        اتفق معاك ان بتاع الدوكو لازم يستلم العربيه من السمكرى تكون مفهاش حاجه فى الصاج
                        لكن طبعا عندنا هنا الصنايعيه بتفوت لبعض ويطرمخو على بعض على حساب الزبون
                        [CENTER][SIZE=5][COLOR=sienna]القطه بتاكل اولادها ........ ياترا الدور على مين ؟[/COLOR][/SIZE][/CENTER]
                        [CENTER][SIZE=6][FONT=Courier New][COLOR=#ff8c00]الحمد لله[/COLOR][/FONT][/SIZE][/CENTER]
                        [CENTER][SIZE=4][COLOR=#ff8c00][URL="http://www.qorankarim.com/"]القرأن الكريم كامل[/URL][/COLOR][/SIZE][/CENTER]

                        Comment


                        • #13
                          سعر البوية غالى

                          انا اعرف ان الكيلو الاسكينز ب 600
                          الماركات الالمانى ب 270
                          وبعدين
                          البلك بيترش فى البنزينة
                          اسال فى اى بنزينة عليه بكام



                          A.Saad

                          Comment


                          • #14
                            الموضوع مكلف ليه كده ؟

                            Comment


                            • #15
                              رحت امبارح ابص على السمكرى لما قال انه تقريبا خلص
                              لقيته لسة مقصش الكرتيرة الشمال و قالى دى لسة بكرة
                              و كمان بارومة فى الفوانيس الامامية

                              والمفاجأة انى لقيته لسة محرقش الصاح (مع اننا متفقين على الحرق) او على حسب كلامه ان العربيه هتنزل على الصاج
                              ولقيته بيقولى دى شغله بتاع الدوكو وانه مش هيحرق بالبشبورى ولكن بتاع الدوكو هيحط على مادة معينه و بطاس و يسيبها فى الشمس يومين عشان البوية اللى عليها تنزل

                              بصراحة حاسس انها افتكاسة و ان دة ملوش علاقة بموضوع ان العربيه تيجى على الصاج
                              ولا انا غلطان؟ لان دى اول مرة اشتغل دوكو و سمكرة فى عربيه باشكل دة

                              وبالنسبة للبلاك او البيتومين قالى انها هتاخد 8 علب (العلبه كيلو) * 15 جنية
                              + 30 مصنعيه

                              بس
                              طبعا انا هقول لبتاع المعجون قبل ما يبدأ يمعجن اروح ابص عليها بس يعنى هيبقى على ادى

                              يا ترى اية رأيكم؟؟؟
                              EGYPT

                              Comment

                              Working...
                              X