دهانات السيارات

[baaaeldinn]

لو سمحت كنت عاوز اسال حضرتك على البويا المط والبرن بالنسبة للتكلفة لكل منهم؟
وبالنسبة لى انا شغال محاسب فى شركة نقل وبنصدر بضاعة لشركة ميدوا فانا على علاقة قوية بمديرين الركة وكل اللى شغاليين هناك هل دول ممكن اطلب منهم حاجة معينة حضرتك تقولهالى ؟؟؟ وشكرا لحضرتك

أنت تعرف مين هناك

[wlelw2003]

اهلا بيك الاستاذ/ بهاء
ونحن متابعين مع حضرتك

[reamoz]

الله ينور عليك يا باشا و الله انت 100 100 بكره تتعلم وتبقي تمام بص أول فاعده تتعلمها في البويات وهي
1-دهان قوي علي دهان قوي تمام
2- دهان ضعيف علي دهان قوي تمام
3- دهان ضعيف علي دهان ضعيف تمام
الخطأ الشائع بقي
4- دهان قوي علي دهان ضعيف وهي دي الكارثة سبب كل المشاكل تقريبا
فيلر سريع (ضعيف) + بويه اكريلك فرن ( قوي) = باطل
المفروض كنت تاخد فيلر بطيء بالمصلب و تستني لما ينشف و بعدين تدهن البويه

ربنا يكرمك ياباشا أهو أدينا بنتعلم بس انا كنت فاكر إن الفلر السريع ده أحسن من البطيئ بس تمام اهي معلومة جديدة دخلت الحصالة
إنشاء الله المرة اللي جاية نعمل بالنصايح دي (ربنا مايجيب مرة جاية )
والف شكر على المعلومات الغالية ربنا يجعلها في ميزان حسناتك

[zocor742]

استاذ بهاء الدين مكنت طالب منك خدمة صغيرة كمان انا من الاسكندرية زيك وممكن تفيدنى فى استفسار.
دلوقتى انا مدخل العربية سمكرة ورش وقربت استلم العربية من السمكرى وبكرة ان شاء الله هعدى علية اشوفة وصل لأاية.
المهم انا عشان متعملتش فى سمكرة ورش قبل كدة معرفش لا بوهيجى ولا فرن نظيف فى الاسكندرية وخايف السمكرى اسئلة يبعتنى لحد ويطلع سكة. فالو حضرتك تعرف صنايعى كويس وابن حلال ياريت تدلنى عالية.
اخر طلب من حضرتك اية انظف انواع واسعارالدوكو او حاجة كويسة اسمع ان الالمانى هو التوب فى الميتاليك .
والف شكر لحضرتك

[hamada05]

أنت تعرف مين هناك

اعرف الاستاذ سعيد مدير المشتريات واستاذ اشرف مدير الحسابات

[lido_pink2000]

لو سمحت ان شاريه لادامن اسبوعين و فيها خرابيش كتير و عايزة ارشها و يتعملها سمكرة هو الرش يتكلف كام عشان الراجدل ميضحكش علية و هو انا بجيب البوية ولا هو و يكون نوعها يه؟

[baaaeldinn]

ممكن رقم تليفونك لو ممكن
هو الراجل الصنايعي اللي حايشتري كل حاجة انتي مالكيش دعوة
التكلفة بتكون حسب حالة العربية والشغل اللي فيها

[A.Saad]

ممكن رقم تليفونك لو ممكن
هو الراجل الصنايعي اللي حايشتري كل حاجة انتي مالكيش دعوة
التكلفة بتكون حسب حالة العربية والشغل اللي فيها

انا شايف ان الافضل ان صاحب العربية يشترى الخامات منعا لغش الصنايعية وقيامهم بشراء خامات رخيصة او تبديل الخامات من المحل بعد الشراء
فايه راى حضرتك

[amgadfigo]

السلام عليكم

دى اول مشاركه ليا فى المنتدى وكنت عاوز استفسر عن تكلفه الدكو والرش لعربيه 128 لسه طالعه من سمكره انا عارف انها بتفرق فى نوع الدهان يا ريت حد يفدنى ما التكلفه تقريبا ان كانت 1- دهان عادى او ميتالك وايه الاحسن يارت السعر ؟؟؟ وايه هى الخطوات التى يبدا بها الصنايعى (فيلر-دوكودهان) للعلم بلشىء

[amgadfigo]

فبن الخبراء والناس ذو الخبره

محدش عاوز يفدنى فى الموضوع ده ولا ايه

[hemeds82]

السلام عليكم

دى اول مشاركه ليا فى المنتدى وكنت عاوز استفسر عن تكلفه الدكو والرش لعربيه 128 لسه طالعه من سمكره انا عارف انها بتفرق فى نوع الدهان يا ريت حد يفدنى ما التكلفه تقريبا ان كانت 1- دهان عادى او ميتالك وايه الاحسن يارت السعر ؟؟؟:zb_sor1[1]: وايه هى الخطوات التى يبدا بها الصنايعى (فيلر-دوكودهان) للعلم بلشىء

نورت المنتدي ياباشا

عندك اختيارين يا اما اكريلك (سادة ) او ميتاليك ودة يبقي داخل فيها

الالوان الفضي ودي موجدة تقريبا في العربيات الحديثة وهي شيك

بالصراحة ولو هترش سادة يبقي مش محتاج ورنيش ترشة بعد اللون

وبالنسبة لعربية في حجم عربية حضرتك ممكن يكون 2 كيلو

(سعر الكيلو من 70 ج للكيلو وانت طالع دة بتاع كابسي حسب

اللون بتاع العربية ) يرشولك العربية بالكامل اما لو هترش ميتاليك

يبقي لازم ترش ورنيش زجاجي وهتاخد برضة 2 كيلو تقريبا 120

جنبة بتاع كابسي وانا رايي الشخصي انك لو هترش العربية بالكامل

رش سادة لانة اقوي من حيث المقاومة للاحتكاك وانك تجيب اللون

والورنيش وبعد كدة تحاسب الصنايعي علي ايدة بس (بالنسب لاجرة

الصنايعي ممكن ياخد منك من 1300 الي 1800 حسب ماهتتفق معاة لان الفلرات هواللي بيجيبها )

[hemeds82]

لو سمحت ان شاريه لادامن اسبوعين و فيها خرابيش كتير و عايزة ارشها و يتعملها سمكرة هو الرش يتكلف كام عشان الراجدل ميضحكش علية و هو انا بجيب البوية ولا هو و يكون نوعها يه؟

انا رايي انك تجيبي البوية كلها وتحاسبية فقط علي المصنعية لان فية كابسي وفية ناشيونال وفية sickens ودة سعر ودة سعر تاني ومش هتعرفي تفرقي ما بينهم ونفس الحال بالنسبة للورنيش فية كابسي الكيلو 60 جنية تقرببا بالنسبة للمصنعية من 1000 الي 1500 حسب الاتفاق اذا كان هيجيب الفلرات من عندة ولا انتي اللي هتجيبيها بالنسبة للبوية انا شايف ان كابسي من افضل شركات البوية في السوق اما لو الميزانية بتاعتك عالية استخدمي sickens

[baaaeldinn]

مش أي حد ينفع يروح يشتري الخامات اللازمة لدهان السيارة لأنه لو معندكش خبرة أو مجربتش قبل كدة ممكن التاجر يضحك عليك أو الصنايعي علشان كده لازم نسأل .
مش كل نوع بوية أو فيلر أو معجون أو بوليش بيستخدمة الصنايعي يكون هو أحسن نوع (علشان في تظبيط)

[amgadfigo]

شكرا حامد باشا على اهتمامك والافاده

انا فهمت من كلامك ان السعر الكيلو من 70 :؟؟ والمصنعيه من 1000 الى 1500 والساده احسن من الناحيه العمليه والمقومه(يعنى 2140 وصنعيه + خامات) وعلى حسب نوع اللون ازاى؟؟!! انا عربيتى بيضاء وكنت بفكر انى اعملها لونين اى رايك؟؟ ولو يوجد فرق فى التكلفه؟؟ وايه الخطوات اللى لازم اكون عامل حسابى عليها فى حاله انى اعمل نص العربيه ازرق سماوى فى رمادى فاتح

[amgadfigo]

الصنايعي ممكن ياخد منك من 1300 الي 1800 بس مش ده سعر غالى شويه تقريبا ! ويايت لو حد يعرف اسعار اخرى يفدنا