اعمل ايه في الخدوش دي ؟

[romeo_6887]

دلوقتي العربيه محتاجه وش نضافه ضروري
بس انا مش مستعد ارميها في الحرفيين عشان تترش
فهل في حل بسيط للخدوش ؟ مثلا الكومباوند هيقوم بالليله ؟
و لا اجيب علبه بويه بنفس اللون العربيه و اعالج العيوب بنفسي ؟
و بعدين التابلوه شكله يقرف لونه باهت فاعمل معاه ايه ؟

[khalid9411]

حاول مع البولش والكومباونت بس هترمى عضلات من الدعك على البويه علشان عايز قوة وصبر مع القطن طبعا
ولو فى حاجات بسيطة ما طلعتش روح لبتاع البويه يعملك ثمن من نفس اللون واعمل بالقلم
والتابلوة جرب كده بالليل بعد تنظيفه تجيب علبة فازلين من الصيدليه وتدعكه كله بيه وحط على قدر الامكان واتركه للصباح وشوف النتيجة

[hemeds82]

دلوقتي العربيه محتاجه وش نضافه ضروري
بس انا مش مستعد ارميها في الحرفيين عشان تترش
فهل في حل بسيط للخدوش ؟ مثلا الكومباوند هيقوم بالليله ؟
و لا اجيب علبه بويه بنفس اللون العربيه و اعالج العيوب بنفسي ؟
و بعدين التابلوه شكله يقرف لونه باهت فاعمل معاه ايه ؟

الكمبوند تستخدمة لو الخدوش ماجاتش في البوية يعني لو علي الورنيش بس من الاخر الكمبوند بيجيب نتيجة ممتازة في حالة ان البوية بتاعة العربية اللي حكت عربيتك موجودة انا شايف ان الحل بتاع الاستاذ خالد بتاع القلم ممتاز بس في الاخر استخدم بوليش

[khalid9411]

جرب واخبرنا بالنتيجة

[dr.hany]

بس الفازلين بيلم تراب

تجيب علبة فازلين من الصيدليه وتدعكه كله بيه وحط على قدر الامكان واتركه للصباح وشوف النتيجة

[khalid9411]

بس الفازلين بيلم تراب

ما انا قلت يسبه من الليل الى الصباح علشان يشرب الفازلين ويلين ويرجع لحالته الطبيعيه
وفى الصباح يتم مسحه طبعا

[romeo_6887]

هجرب اقتراحتكوا ان شاء الله
و هقلوكوا علي النتيجه

[helo1]

انا ليه تجربه مع الخدوش خاصه الا لون العربية التى حكت فى عربيتى وهى ببساطة واحسن من البولش زز قطعة من القماش ولتكن فوط مبللولة ماء وتغمس فى تراب ناعم او رملة ناعمة ثم تدعك مكان الحك ويكون بلطف والله نتجته 100 % ثم تدعك بالبولش بعد الغسيل الجيد وبالهنا والشفا

[romeo_6887]

العربيه فيها حتت اتشال منها البويه خالص
اعل فيها ايه ؟

[bishoo33]

عادى مفيش فى مصر سيارة تخلو من الخدوش
بالعكس دى الخدوش بتدى العربيه منظر ولا أجمل ولا أروع من كده
حافظ على الخدوش
لأن خدش تعرفه أحسن من خدش ما تعرفهوش بعد النظافه

[hemeds82]

انا ليه تجربه مع الخدوش خاصه الا لون العربية التى حكت فى عربيتى وهى ببساطة واحسن من البولش زز قطعة من القماش ولتكن فوط مبللولة ماء وتغمس فى تراب ناعم او رملة ناعمة ثم تدعك مكان الحك ويكون بلطف والله نتجته 100 % ثم تدعك بالبولش بعد الغسيل الجيد وبالهنا والشفا

الرملة الناعمة اللي حضرتك بتقول عليها هي دي تقريبا تركيبة الكمبوند(واكس + صنفرة ) ولو حضرتك حطيت بين صوابعك هتحس بالرملة الناعمة وبعدها بوليش

[hemeds82]

العربيه فيها حتت اتشال منها البويه خالص
اعل فيها ايه ؟

الحتت اللي اتشال منها البوية مش هينفع لا بوليش ولا كمبوند ممكن حضرتك تروح لاي حد بتاع دوكو وتجيب شوية من اللون بتاع العربية بتاعتك وتمشي علي الحتت دي بالقلم الدوكو (انا ماجربتهاش ومعرفش حاجة عنها انا قريتها من عضو في المنتدي وجابت معاة نتيجة حلوة )

[baaaeldinn]

بسم الله الرحمن الرحيم
بالنسبة لجسم السيارة لو الخدوش صغيرة جدا ( شعره ) يبقي الكومباند بعد صنفرة 2000 ميته وبعدهم البولش كده تكون إنشاء الله تمام ولو ايديك وجعتك ممكن تستخدم ماكينة التلميع .
بالنسبة للتابلوة ممكن تستخدم لمعة الاحذية الشفافة

[hemeds82]

بسم الله الرحمن الرحيم
بالنسبة لجسم السيارة لو الخدوش صغيرة جدا ( شعره ) يبقي الكومباند بعد صنفرة 2000 ميته وبعدهم البولش كده تكون إنشاء الله تمام ولو ايديك وجعتك ممكن تستخدم ماكينة التلميع .
بالنسبة للتابلوة ممكن تستخدم لمعة الاحذية الشفافة

يا مهندس بهاء هو بيقول ان فية حتت بوية متاكلة عمر الكمبوند ما هيعمل فيها حاجة لانة مش هيدي اللون اللي راح

[baaaeldinn]

باشا والله مخدتش بالي
انا كلامي علي الخدوش الرفيعة فقط