لاصحاب الخبرة

[almosecar]

ارجو من اعضاء المنتدى ذوى الخبرة افادتى :هل يتم اصلاح البارومة فى اى جزء من اجزاء السيارة وبدون تأثير على المدى البعيد؟ ولو معروض عليك عربية تشتريها لكن فيها بارومة من الافضل تبعد عنها ام تشتريها بسعر مناسب وتقوم بأصلاح البارومة بعد ذلك مهما كانت درجة البارومة؟؟وجزاكم الله خيراً

[lobna_yaseen]

رد

أنا شايفه انك تشتريها وتصلح البارومه أصل أنا شفتهم وهم بيلحموا البارومه بتبقى كأنها جديده ولو عايز الحقيقه اللى بيتحكم فى كل ده معاك كام علشان تشترى عربيه ولو معاك مبلغ صغير بس يشترى عربيه قديمه أحسن لك من المواصلات ولا ايه؟ وللعلم وأكيد الكل عارف كده ان مفيش عربيه قديمه من غير بارومه اللى يقولك كده بيضحك عليك ده عمر افتراضى يابنى بس أحسن من مفيش وعشان كده الواحد مادام هيشترى عربيه قديمه يبقى لازم تكون سعرها قليل علشان ماتزعلش على الفلوس بس والله مصر كلها ماشيه بعربيات قديمه وقديمه جدا كمان بس هو أحسن منك فى انه معاه عربيه بتوصله بكرامته مش كده برضه يارب أكون أفدتكفكر بس واتكل على الله واشترى بس مش بكتير

[almosecar]

أنا شايفه انك تشتريها وتصلح البارومه أصل أنا شفتهم وهم بيلحموا البارومه بتبقى كأنها جديده ولو عايز الحقيقه اللى بيتحكم فى كل ده معاك كام علشان تشترى عربيه ولو معاك مبلغ صغير بس يشترى عربيه قديمه أحسن لك من المواصلات ولا ايه؟ وللعلم وأكيد الكل عارف كده ان مفيش عربيه قديمه من غير بارومه اللى يقولك كده بيضحك عليك ده عمر افتراضى يابنى بس أحسن من مفيش وعشان كده الواحد مادام هيشترى عربيه قديمه يبقى لازم تكون سعرها قليل علشان ماتزعلش على الفلوس بس والله مصر كلها ماشيه بعربيات قديمه وقديمه جدا كمان بس هو أحسن منك فى انه معاه عربيه بتوصله بكرامته مش كده برضه يارب أكون أفدتكفكر بس واتكل على الله واشترى بس مش بكتير

فعلاً كلامك صحيح 90 % من العربيات القديمة فيها بارومة بس اكيد بارومة عن بارومة بتفرق يعنى مثلا اعتقد ان البارومة لو فى الحوض او الشنطة دا اكيد هيأثر على بيع العربية بعد كده لانها كده هترش دواخل والغريبة ان كل ما بتصل بحد عامل اعلان لبيع عربيته ما يذكرش موضوع البارومة دا اِلاّ بعد الحاح شديد منّى واخيرا يعترف واختلف معاكى ان العربية القديمة ارحم من المواصلات لان المواصلات ممكن تبقى ارحم لو العربية القديمة دى معتبراك انتى المواصلة بتاعتها يعنى علطول بتوصليها للميكانيكى يوميا علشان كده اختيار عربية بدون مشاكل حاجة مهمة جداً وبجد اشكرك على مرورك على الموضوع

[mr_sameh]

البرومه لو في مكان مؤثر او منتشره قوي بلاش خالص

[almosecar]

ايه هى الاماكن المؤثرة فى البارومة؟