البارومة

[abo_lamar]

السلام عليكم ورحمه الله يا شباب
لو ظهرت بارومة في جسم العربية ايه العلاج ؟

[Ahmed Galal]

على حسب مكانها انا كان عندى بارومة فى اخر العتبة ورا عند الرفرف الخلفى و ده مكان مشهور اوى عشان العجل اللى ورا و هوا بيلف و ينطر المية و الطين فى الرفرف الخلفى رحت للسمكرى قطع الحتت اللى فيها البارومة و لحم حديد مكانها و معجنت و رشيت طبعا الحتت من جوه الرفرف و فى الشفة عشان كده ينفع تتلحم بصاج تانى لو بقا البارومة فى حتت زى الابواب و الشنطة بيتهيا لى لازم تغيير لان اى علاج للبارومة غير البتر يعتبر علاج مؤقت و بالمحافظة الدورية على تنظيف السيارة مش هاتشوف بارومة خالص انما المشكلة ان الواحد بينسى الموضوع ده لغاية ما يتفاجىء بيه

[M.Osman]

طب و دي بتقى بارومة ولا صدأ ؟؟ ولا مفيش فرق

http://www.nilemotors.net/Nile/133871-a.html

[Ahmed Galal]

لا ده صدى عادى البارومة اللى كانت عندى تمسك الصاج تلاقيه بيطلع فى ايدك زى البسكوت و يتفرفت بس طبعا المنظر ده مش تمام خالص كل الجزاء المعدنية للعربية بتتغطس فى حمام من مادة مانعة للصدا و فيه مجال كهربى بيمر يخلى المادة ديه تلزق فى الصاج و ما تطلعش ده طبعا قبل عملية الدهان لكن فى مصر مش موجود النظام ده الا فى مصانع قليلة هيونداى مش منها و ده فيديو للعملية ديه

YouTube - Golf production factory Wolfsburg - paint bath

[M.Osman]

لا ده صدى عادى البارومة اللى كانت عندى تمسك الصاج تلاقيه بيطلع فى ايدك زى البسكوت و يتفرفت بس طبعا المنظر ده مش تمام خالص كل الجزاء المعدنية للعربية بتتغطس فى حمام من مادة مانعة للصدا و فيه مجال كهربى بيمر يخلى المادة ديه تلزق فى الصاج و ما تطلعش ده طبعا قبل عملية الدهان لكن فى مصر مش موجود النظام ده الا فى مصانع قليلة هيونداى مش منها و ده فيديو للعملية ديه

youtube - golf production factory wolfsburg - paint bath

تمام كلام حضرتك
للأسف انا مش هنصح ان حد يشتري عربية تقفيل غبور تاني
بس برضه هيونداي ازاي تسيب حاجة زي دي تحصل..
انا بعت ميل للشركة الأم عشان اشوف الموضوع دا... و مستنى الرد خاصة اني لسة في الضمان

[A7MED_PHARMA]

غبور بقت سمعته زي الزفت
ودي مش أول مرة حد يشتكي منه..


حسبي الله ونعم الوكيل