سؤال بخصوص الجريده اللي حوالين العربيه

[jojowork1]

معلش يا جماعه داوشكم بس انهردا نزلت بالعربيه لقيت واحد بيقولي حاسب الجريده هاتقع نزلت لقيت الجريده الكاوتش اللي حوالين العربيه مفكوكه نصها وها تقع مع العلم ان عربيتي دايوا لانوس 1 يعني الجريده عندي جلد وبتتلزق بدبل فيس مش زي لانوس 2 المهم انا جبت الدبل فيس وفكيت الجريده ونضفتها وكل حاجه تمام بس المشكله اني مش عارف اشيل الدبل فيس القديم من علي العربيه هو لازق جامد خالص مش راضي يطلع ولما حاولت معاه جامد حسيت اني هابهدل الدوكو حد عنده حل
شكرا مقدما

[Badrawy]

قماشه مبلوله جاز او بنزين وحاول تشيل اللزق القديم بيها

انا جربتها قبل كده وكانت فعاله

[jojowork1]

جاري التجربه

[محمد الشامي]

انا وقفت ادام نفس المشكله في يوم من الايام وبصراحه حيرتني شويه

في البدايه حاولت احك باقي اللزق على الصاج بموس بارد بس بحيث ان تكون شفره الموس عموديه بالكامل على صاج العربيه فوق اللزق بس كان هيبوظ الدنيا

بعدها جبت كارنيه بلاستيك (زي كارنيه النادي وبطاقه الرقم القومي) وبدأت اتعامل معاه كان هو الموس , وبدأت اشيل بيه اللزق بس على هيئه طبقات , يعني بفضل اعمل كده مره على مره لغايه لما الصاج ينضف , وبصراحه بردو الطريقه دي مكنتش بتنجز اوي

لو عربيتك لونها فاتح ممكن تجرب تبووش اللزق ده بجاز بسيط وتجرب تحكه بالكارنيه البلاستيك

[jojowork1]

انا جربت البنزين هو متعب شويه بس فعلا جاب نتيجه كويسه سيح اللزق وشاله خالص شكرا يا جماعه علي النصايح

[محمد الشامي]

انا جربت البنزين هو متعب شويه بس فعلا جاب نتيجه كويسه سيح اللزق وشاله خالص شكرا يا جماعه علي النصايح

مبروك نجاح التجربه

[tarek_asem]

الحل هو البنزين يا جماعه .. زي ما الاخ الفاضل قال .. بنزين وتدعك الدبل فيس بيها هروح وبسرعه من غير وجع قلب

[محمد الشامي]

الحل هو البنزين يا جماعه .. زي ما الاخ الفاضل قال .. بنزين وتدعك الدبل فيس بيها هروح وبسرعه من غير وجع قلب

انا عن نفسي خوفت اجرب البنزين لانه بيجيير وبيسيب ضوء خفيف , والتنر خوفت اجربه لانه بيسيح اللون

عالعموم طالما الاخ الكريم جرب البنزين ومحاولته نجحت والحمد لله يبقه كده عرفنا الحل خلاص