كومباوند نوع نضيف

[kh_talaat]

سلامي لكل شباب نايل موتورز الجدعان


الحقيقة في انواع كومباوند كتيرة في السوق وأسعارها بتتراوح من 5 جنية لغاية 50

ووظيفة الكوباوند للي ميعرفوش هو ازاله الخدوش من على جسم السيارة

المشكله ان الأنواع الموجودة في السوق معظمها مضروب وملوش اي لازمه حتى لو كان ب50 جنية (أوعى تتخدع في السعر)

يا ريت لو حد جرب نوع معين من الكوباوند وجاب معاه نتيجة حقيقية يقولنا على اسمه وتمنه واشتراه من فين

انا عن نفسي اشتريت مره نوع كومباوند كان زي السحر فعلا ازال معايا جروح كتيره لكن للأسف اختفى من السوق ومش لاقيه

دي صورة العلبة





كان تمنه 17 جنية فقط ، يا ريت فعلا لو حد شافه في اي مكان يدلني عليه لأنه فعلا سحرررررررر

[abdo_general]

ياريت فعلا لان كنت عاوز اشتري كمباوند لاول مرة وفعلا فت كذا حاجة
ومش عارف الفرق
وانهي الكويس وانهي الي لاء

والنوع انت حاطه هادور عليه ولو لقيته هقولك علي طول

[EZABY]

ياجماعه كومباوند ميدو اللي هو العادي المصري ده ابو 6 جنيه تقريبا انا لسه عامل بيه العربيه وشايل مش خدوش ده شال جرايم كانت على الصاج عندي

[kh_talaat]

ياريت فعلا لان كنت عاوز اشتري كمباوند لاول مرة وفعلا فت كذا حاجة
ومش عارف الفرق
وانهي الكويس وانهي الي لاء

والنوع انت حاطه هادور عليه ولو لقيته هقولك علي طول

شكرا لأهتمام حضرتك بالموضوع

[kh_talaat]

ياجماعه كومباوند ميدو اللي هو العادي المصري ده ابو 6 جنيه تقريبا انا لسه عامل بيه العربيه وشايل مش خدوش ده شال جرايم كانت على الصاج عندي

حضرتك دة شكله اية وجبته منين لأني جبت الكوباوند العادي بس مش فاكر اسمه وكان برضه ب6 جنية بس معملش حاجة خالص

[EZABY]

حضرتك ده اللي العلبه بتاعته عباره عن برطمان بلاستيك صغير لونه دهبي واسمه ميدو وبيتباع عند الناس بتوع الدهانات

[devilishtigers]

طيب هو ده بيشيل الخدوش اثر الاحتكاك (يعني لو رصيف عالي وانا بركن عمل خط رفيع يشيله)
في حاجة تانية اللمعة بتاعة العربية بدأت تروح يا ترى في حاجة ممكن اشتريها وترجع اللمعة بتاعة اللون

[A.Saad]

اللمعة ممكن ترجع بشمع
WAX

هات
armor all
لو مش هتلاقيه وده غالبا يبقى
formula 1

http://www.nilemotors.net/Nile/121764-a.html

[A_A_ELAZIZ]

مشكور على الموضوع وفى انتظار نوع الكومابوند المناسب

[kh_talaat]

طيب هو ده بيشيل الخدوش اثر الاحتكاك (يعني لو رصيف عالي وانا بركن عمل خط رفيع يشيله)
في حاجة تانية اللمعة بتاعة العربية بدأت تروح يا ترى في حاجة ممكن اشتريها وترجع اللمعة بتاعة اللون

بالنسبة للنوع اللي انا حاطط صورته فهو فعلا بيشيل آثار الخدوش بنسبة ميه في الميه للخدوش الغير عميقة زي اللي بتتعمل بمفتاح

لدرجة اني مره واحد ابن حرام عملي حرف x كبير بطول الكبوت كله وقدرت امحي أثره بالكوباوند دة

والخدوش الكبيرة بيشلها بنسبة معقوله خصوصا لو كانت على الصاج مش الأكصدام لكن المشكلة اني مش لاقيه حاليا في السوق

وبالنسبة لتلميع السيارة فتقدر تستعمل البولش بس عايز مجهود في الدعك

[devilishtigers]

الف شكر ليكم على سرعة الرد وإن شاء الله اجربهم في اقرب فرصة

[mohamedwahid]

الف شكر ليكم على سرعة الرد وإن شاء الله اجربهم في اقرب فرصة

بص يامحمود انت روح للموان وهات من عندة علبة بولش وعلبة كمبوند البولش للتلميع والكمبوند لازالة الخدوش
لوعزت تشيل خدش تاخد بصباعك من الكومبوند وتحط على مكان الخد ش وتدعك بقطنة وبعد كدة تحط البولش وتلمع مكانها
اما التلميع فقط فابلبولش فقط تحط على العربية بصوابعك فى الاماكن المراد تلميعها وتدعك بالقطنة
ملحوظة للجميع : تكرار التلميع كثيرا بالبولش مش كويس للورنيش بتاع البوية بتاع العربية يعنى ابقى خلوة للضرورة

[devilishtigers]

متشكرين على المعلومة يا حمادة

[bkr]

المعلومه في افاده احسن انوا الكمبوند المجود في السوق ميدو عادي وده سعره 4 جنيه وفي ميدو برضه بس في برطمان اسود وسعره من 12 الي 15 جنيه وده احسن طبعا وفي نوع اسمه g3وده نوع ممتاز وسعره من 45 ال 50 العبوه الصغيره واي نوع كمباوند بيشيل الخدوش السطحيه فقط مش اكتر وبالنسبه للتلميع بولش ميدو وده تمنه 5 جنيه و بالتوفيق