تجريح العربية

[sasa_eng]

صبحت الصبح والحمد لله على كبوت العربية
وقد رسم عليه أحد الأطفال الأحباء
لوحة سريالية بزلطه أو بإزاز مكسور

الحمد لله

المهم هل فيه حاجه بتلافي موضوع التجريح ده

وبرضه عندي شوية ألوان زيادة على العربية أثار بوية وقعت من أحد العمارات

وجزاكم الله كل خير

[samirayad]

للأسف آثار البويات والاكيهات بتاعة أعمال النقاشه المتطايره بسبب وجود السياره أسفل عماره بتدهن صعب التعامل معها وأزالتها

أما بالنسبه للعب العيال وتجريح الكبوت فده بيعتمد على مدى التجريح وكميته

1- لو تجريح خفيف وغير غائر يمكن المحاوله معه بقطنه والبولش والكمباوند ....وحيجيب نتيجه طيبه إن شاء الله

2- أما لو كان التجريح غائرا ووصل الى الصاج الأساسى وخط أو خطين مثلا
يمكن التعامل بقلم دوكو معبأ ببويه من نفس درجة اللون ( طريقه مجربه بواسطة زميلنا الفاضل / وليد رحمى )
وأفضل كثيرا من أقلام الدوكو العاديه

لأستحالة كون لون الأقلام العاديه بنفس درجة البويه الخاصه بكود بوية السياره


3- أما لو كان العيال ولاد حلال ولعبين السلم والثعبان والشطرنج وكل مالذ وطاب على الكبوت ومبهدلين المنظر العام للكبوت
فللأسف لا يوجد حل إلا التعامل مع الكبوت كوحده واحده بالرش لدى أحد المتخصصين

[hosar]

و انا مع م / سمير

[dark_smoky]

1- لو تجريح خفيف وغير غائر يمكن المحاوله معه بقطنه والبولش والكمباوند ....وحيجيب نتيجه طيبه إن شاء الله

طيب لازم بولش مع الكمباوند و لا بولش بس ؟؟ أصل اسمع ان الكمباود ده مزيل لون فممكن يبقي ليه تأثير سلبي علي بوية العربية .. يعني الواحد يخاف ييجي يكحلها يعميها
فبرجاء الافاده

[samirayad]

يعني الواحد يخاف ييجي يكحلها يعميها

لا تقلق

[sasa_eng]

شكراً بشمهندس سمير
بس اللون الزائد من آثار الإحتكاك ممكن يطلع ولا لأ
وكنت عايز أعرف الفرق بين البولش والكمبوند

[mikeflyer]

متابع بأهتمام

[أبو_يوسف]

شكراً بشمهندس سمير
بس اللون الزائد من آثار الإحتكاك ممكن يطلع ولا لأ
وكنت عايز أعرف الفرق بين البولش والكمبوند

لو تقصد باللون الزائد اي لون عربية اخرى ترك اثار على عربيتك نتيجة الاحتكاك فدا بيطلع بسهولة بالكومباوند..
ولو مفيش كومباوند ممكن فوطة مبلولة وتحط عليها شوية تراب ناعمين وتمسح بها البوية الزيادة