ينفع أرش الأكصدام من غير فلر؟؟؟؟

[ahmed_h_g]

معلش أنا سؤالى غريب شويه
أنا غيرت الأكصدام الخلفى بأخر جديد
المشكله انى كل ما برشه بعد شهر أو شهرين بالكتير أغسل العربيه فى بنزينه بالمسدس لون الأكصدام ينزل رقع وشكله طبعا" مش محتاج وصف
روحت لبوهيجى غيره قاللى الأكصدام ده زفر بس أنا هظبطهولك
سنفره وغسله وأشترى فلر نضيف ورشه فلر بعد كده رشه اللون وأخيرا" الورنيش
برضه يعدى شهر أو شهرين البويه لو أتكحتت كحته أو خدشه بسيطه تسرح على الأكصدام كله
عايز حل يخلى الأكصدام زى زمان
يعنى لو أتخدش خدش بسيط البويه اللى فى مكان الخدش بس هيه اللى تضر ومتسرحش على باقى الأكصدام .

[weka_sa]

انا اول مرة اسمع كدة
بس ممكن افيدك حط طبقة معجون الاول وبعد كدة ال فلر وبعد كدة الرش بس يستحسن اوى ان يكون فرن عشان الاتربة وكدة ماتجيش فى الرش ويبقى الرش محبب

[mzzzika1]

رشة فرن وشوف

[ahmed_h_g]

أنا دايما" برشه فرن
عايز جديد

[ahmedzizo131]

بسم الله الرحمن الرحيم
صعب جدا اللون يثبت على البلاستيك بتاع الاكصدام
للاسف ملهوش حل مهما اخترعوا و قالو مثبت
لازم يقشر مع الحك ولو اتحط علية بردو معجون مع تريح العربية هيقشر

[weka_sa]

من الاخر روح عند واحد بتاع دوكو كويس ويكوووووووووون بيفهم ما انا راشش الاكصدام الامامى اللى عندى وزى الفل ومابيحصلش خاااالص اللى انت بتقول عليه دة ولونة عادى خالص انا عربيتى فضى ولون الاكصدام زى الفبريكة بتاع دهان العربية الاصلى

[ahmed_h_g]

المشكله ان الأكصدام الجديد تايوانى مضروب والبوهيجى بيقول مصنوع هنا فى مصر من الأكياس النايلون يعنى أى كلام
قاللى عايز ترشه ويبقى زى الأصلى أشترى واحد استيراد وأرمى المضروب اللى مركبه

[mo7a_mo7a]

جرب نوع ممتاز من البوية الماني مثلا وفرق السعر مش كتير لانك حتحتاج كمية صغيرة وان شاء الله تلاقي نتيجة مرضية