كيف أثبت الكاوتش الداخلي المحيط بالأبواب

[khmonir]

الأخوة الأفاضل
معي سيارة بولونيز ، وعندما اشتريتها وجدت أجزاء من الكاوتش الداخلي للأبواب مخلوع وأريد أن أثبته ولكن لا أعرف ماذا أستخدم للصقه
أرجو الإفادة

شكراً

[SeaShark]

عادة المفروض ان كاوتش الابواب مش بيتلزق بس بيكون في حرف حديد و الكاوتش بيكون مشقوق بحيث ان الكاوتش بيركب علي الحديد ده بس انا عمري ما شوفت الكاوتش ده بيتلزق ابدا.....ممكن يكون مفكوك عشان الكاوتش دايب و مش مشاسك في الحديد و في الحالة دي هتحتاج تغيره.

ممكن توديها لواحد بتاع ابواب هيظبطلك الدنيا دي كلها

[khmonir]

عادة المفروض ان كاوتش الابواب مش بيتلزق بس بيكون في حرف حديد و الكاوتش بيكون مشقوق بحيث ان الكاوتش بيركب علي الحديد ده بس انا عمري ما شوفت الكاوتش ده بيتلزق ابدا.....ممكن يكون مفكوك عشان الكاوتش دايب و مش مشاسك في الحديد و في الحالة دي هتحتاج تغيره.

ممكن توديها لواحد بتاع ابواب هيظبطلك الدنيا دي كلها

أخي الفاضل
أشكرك على الرد ، لكن أنا لم أقصد الكاوتش الذي على الباب نفسه ، ولكن الكاوتش المحيط بتجويف الباب في صالون السيارة
فجزء صغير منه مخلوع والباقي مثبت في جزء معدني محيط بتجويف الباب لذا فقد سألت عن نوع اللاصق المستخدم ، لأني أعتقد أن الموضوع سهل لا يحتاج إلى صنايعي متخصص

شكراً مرة أخرى

[SeaShark]

أخي الفاضل
أشكرك على الرد ، لكن أنا لم أقصد الكاوتش الذي على الباب نفسه ، ولكن الكاوتش المحيط بتجويف الباب في صالون السيارة
فجزء صغير منه مخلوع والباقي مثبت في جزء معدني محيط بتجويف الباب لذا فقد سألت عن نوع اللاصق المستخدم ، لأني أعتقد أن الموضوع سهل لا يحتاج إلى صنايعي متخصص

شكراً مرة أخرى

أنا عارف ان انت تقصد الكاوتش المحيط المثبت في جسم العربية نفسه و هو زي ما انا قولت بيركب في الجزء المعدني اللي انت شوفته و المفروض انه مش بيتلزق و لو في جزء منه مش ماسك في الحديد يبءي الكاوتش نفسه في تاكل.

عندك حل من الاتنين اما انك تغير الكاوتش و تجيب واحد جديد يركب في مكانه مظبوط
او انك تلزق الاجزاء اللي وقعت دي بغرة سريع بيتباع عند محلات مواد البناء و الغرة السريع ده كويس جدا و هيلزقه كويس
انت بس ادهنه علي الكاوتش و الحديد و سيبه ينشف 5 دقايق كده و الزق هتلاقيه بءي تمام

[khmonir]

شكراً أخى وجزاك الله كل خير

[keko]

عموما المتر ب 7 جنيه و لو مزنقه معاك انبوبة كله واديها

[khmonir]

اﻷخوة اﻷفاضل
هو تركيب الجلد ده سهل ممكن أنا أعمله بنفسي أصلي سألت واحد قاللي تكلفة عمل الكاوتش للأبواب 250 جنيه فبصراحة استغليت المبلغ على شوية كاوتش
فلو العملية سهلة أشتري أنا الكاوتش وأركبه بنفسي ، ويا ريت حد يقول لي أشتريه منين وأسعاره ايه دلوقتي

[Mr.R]

اﻷخوة اﻷفاضل
هو تركيب الجلد ده سهل ممكن أنا أعمله بنفسي أصلي سألت واحد قاللي تكلفة عمل الكاوتش للأبواب 250 جنيه فبصراحة استغليت المبلغ على شوية كاوتش
فلو العملية سهلة أشتري أنا الكاوتش وأركبه بنفسي ، ويا ريت حد يقول لي أشتريه منين وأسعاره ايه دلوقتي

هاته من التوفيقيه المتر هيكون ب 7 و ب6 وانت وشطارتك والباب بياخد 3 متر داير بس خد جزء من الكاوتش القديم علشان تجيب زيه بالظبط لانه متشابه مع ال131 وال 132 وممكن يبيعلك اى حاجه وهوا مش فاهم وانت مش عارف :) وتركيبه زى ما هتفك القديم هتركب الجديد وتدقدق عليه بشاكوش صغيييير او بنسه هتلاقى الكاوتش من جواه فى حديد متى >> بيدخل فى الحديد ولما يدق عليه بيمسك بالقايم بتاع الباب ..

موفق ان شاء الله ..

تحيــاتـــــى .

[michohat]

ممكن تلزقه ب كله واحسن نوع فيها هو الشعله
تحط الكله على الجزئين المراد لزقهم ومش تلزقهم ع طول سيبهم شوية دقيقتين كده في الهوا وبعد كده اكبس الجزئين ع بعض
ده لو الكاوتش سليم ومش دايب وبس مفكوك من حلق الباب