نقطتين مهمين لينا كلنا..تلميع الكاوتش و علاج الشروخ.

[SeaShark]

سلام عليكم و كل سنة و انتم طيبين

انا عندي مشكلة و هي اني بحب دايما يكون الكاوتش اسود و بيلمع و ده بيخليني اشتري الفوم ابو 30 جنيه ده كتير و طبعا كده الموضوع مكلف اوي
مفيش اي حد جرب او عنده اقتراح لاي حاجة ممكن تلمع و تسود الكاوتش غير موضوع الفوم ده انا دورت في المنتدي علي موضوع يكون كده بس مش لاقي ملقتش غير ان في ناس بتقترح صابون غسيل الاطباق

النقطة التانية انا بشوف كتير اوي علي النت في سايتات امازون و اي باي و يو تيوب منتجات كتير جدا بتعالج الخدوش حتي العميقة هو احنا ليه مش عندنا في مصر منتجات زي دي ولو في ممكن نجيبها منين
صدقوني فعلا في منتجات كتير اوي و انا شوفت فيديوهات بتخلي حتي الشروخ العميقة تحتفي تماما يا ريت نجمع كل الاراء و الخبرات و التجارب عشان موضوع الخدوش ده نلاقيله حل

[kh_talaat]

سلام عليكم و كل سنة و انتم طيبين

انا عندي مشكلة و هي اني بحب دايما يكون الكاوتش اسود و بيلمع و ده بيخليني اشتري الفوم ابو 30 جنيه ده كتير و طبعا كده الموضوع مكلف اوي
مفيش اي حد جرب او عنده اقتراح لاي حاجة ممكن تلمع و تسود الكاوتش غير موضوع الفوم ده انا دورت في المنتدي علي موضوع يكون كده بس مش لاقي ملقتش غير ان في ناس بتقترح صابون غسيل الاطباق

كنت قريت هنا على المنتدى عن استخدام ورنيش الجزم الأسود في تلميع الكاوتش (الورنيش الجاف مش السائل)

وجربته فعلا والنتيجة كانت مبهره وبيعيش فتره طويله والتكلفة طبعا اقل كتير

النقطة التانية انا بشوف كتير اوي علي النت في سايتات امازون و اي باي و يو تيوب منتجات كتير جدا بتعالج الخدوش حتي العميقة هو احنا ليه مش عندنا في مصر منتجات زي دي ولو في ممكن نجيبها منين
صدقوني فعلا في منتجات كتير اوي و انا شوفت فيديوهات بتخلي حتي الشروخ العميقة تحتفي تماما يا ريت نجمع كل الاراء و الخبرات و التجارب عشان موضوع الخدوش ده نلاقيله حل

في النقطة دي عندك حق فعلا حتى انواع الكومباوند المستورد بتبقى جاية كدة وممكن تيجي مره وخلاص متجيش تاني ولو رحت اي محل وسألته هتلاقيه مش فاهم هو بيبيع اية اصلا راميهم على الرف وخلاص

انا مثلا كنت اشتريت كومباوند من محطة بنزين في الدقي وجربته وكان زي السحر وطلع معايا خدوش كتير مكنتش اتخيل انها ممكن تروح ورجعت اجيبه تاني بعد ما العلبة خلصت ملقيتوش خالص ودورت عليه في محلات كتير وفي التوفيقية وفي كارفور وحتى الآن مش لاقيه

وعملت موضوع على المنتدى هنا ومحدش دلني الاقيه فين وجربت انواع تانية كتير لكن معملتش اي تأثير ودي صورته

[ramyar]

[كنت قريت هنا على المنتدى عن استخدام ورنيش الجزم الأسود في تلميع الكاوتش (الورنيش الجاف مش السائل)

وجربته فعلا والنتيجة كانت مبهره وبيعيش فتره طويله والتكلفة طبعا اقل كتير


طيب طالما حضرتك جربت الورنيش بتاع الاحذيه ياريت تشرحلنا نعمله ازاي

[/QUOTE]

[kh_talaat]

طيب طالما حضرتك جربت الورنيش بتاع الاحذيه ياريت تشرحلنا نعمله ازاي

هتجيب قطعة قماش ناشفه وتاخد من علبة الورنيش جزء وتدعكة في جسم الكاوتش لحد ما تغطي بيه العجلة بالكامل وهتلاقي الكاوتش بيمتص الورنيش ويتغلغل فيه وكل ما هتدعك اكتر هيزداد لمعان زي تلميع الجزمة بالظبط

بس هاتلك علبتين ورنيش عشان هتلاقي العجلة الواحدة بتاخد نص العلبة

[ramyar]

هتجيب قطعة قماش ناشفه وتاخد من علبة الورنيش جزء وتدعكة في جسم الكاوتش لحد ما تغطي بيه العجلة بالكامل وهتلاقي الكاوتش بيمتص الورنيش ويتغلغل فيه وكل ما هتدعك اكتر هيزداد لمعان زي تلميع الجزمة بالظبط

بس هاتلك علبتين ورنيش عشان هتلاقي العجلة الواحدة بتاخد نص العلبة

الف شكر يا فندم هجرب الموضوع ده في الاستنبن او في كاوتش قديم واشوف

[Tayer]

مستنى نتيجه التجربه يا رامى

[titooooasg]

النتيجه ايه يا جماعه ؟؟؟ انا كوتشاتى لسه جديده وخايف

[accent2010]

حد جرب الموضوع ده يا رجالة

[M.Nasr]

ألف شكر على الموضوع الجميل ده وهجرب موضوع الورنيش الناشف ده

[elwaworld]

الناس اللى جربت حد منهم يقول النتيجة علشان نعرف اخبار الحل ده اية

[mohamedrefaat]

وضع عليها شوية wd40 او اى شيء مثله ستشاهد تلميع فائق يدوم

[akmm]

متابع ...................

[أحمد عبدالله]

متايع

[أحمد جاد]

متابع

[ozy2026]

يا رجاله احسن حاجه بتلمع الكاوتش وأرخص حاجه
أغسل الكاوتش عادى وبعدين حط شويه بريل (الصابون مش اللى بيتشرب) على السفنجه وبلها ميه ولمع بيها الكاوتش وسي الصابون ع الكاوتش
وممكن فى حاجه تانيه انك تغسل الكاوتش عادى وبعدين رش عليه بيبسى (ببخاخه مثلا) وسيبه
والطريقه دى أجمد بكتييير وبتفضل فتره ونتيجتها هايله