حل سقوط الدوكو

[elshinzawy]

زوج اختى معاه لانوس فيى مناطق زى الكبوت والرفرف الامامى فيها نقط الدوكو واقع منها وبحس انى شايف صاج العربيه ايه الحل الامثل للموضوع ده مع انه مش عاوز يرش العربيه يعمل ايه
فى حاجه تانيه هو كان غير مفصلات الكبوت بس للاسف مكنش لاقى لون العربيه فجابهم لون تانى وركبهم ينفع يترشوا وهما راكبين بس من غير ما يبهدلو العربيه وياريت لو فى حد فى طنطا يقولى افضل مكان فيه دوكو فين

[Hany A Fattah]

سبب التقشير ده ان المكان ده اترش قبل كده وفيه طبقه معجون كبيره علشان كده المعجون بيطقطق
و الحل اعدة الرش بس بعد ازاله كل الدهان لقديم ويتعمل بنضافه
اما بخصوص المفصلات من الافضل يترشوا بره ويركبوا تانى

[karimfahmy99]

زى ما قال الاخ الفاضل . تقشير البوية او المسمى الصح ليها البوية طقطقت بسبب اعمال تمت فى تلك المنطقة و السمكرى لم يصلح العيب بما يكفى او هناك عوائق منعتة من ذلك زى عضم الكبوت مثلا فبتاع الدوكو بيضطر يملا معجون ستوك مع الوقت و الشمس و ممكن زفارة اثناء معجنة العربية بيؤدى لطقطقة البوية و بيحصل كتير . طبعا الحل الامثل بس دا هيفتح شغل انة يتم ازالة المنطقة دى كلها اما بالحرق او بالصاروخ و محاولة اصلاح عيب السمكرة اذا امكن او عمل معجنة من جديد و رش الكبوت كلة

اما موضوع المفصلات فى حل بس طبعا حل يمشى بس الصح يترشوا برة . بس ممكن تجيب لون العربية و اى بتاع دوكو يعملها او انت تعملها بالقطنة كحل مؤقت عشان المنظر بس يفضل بتاع دوكو يعملها ايدهم مظبوطة حتى بالقطنة

[elshinzawy]

طبعا متشكر جدا لمشاركتكم بس عاوز اقول ان العربيه مترشتش قبل كده هى فابريقه والنقط اللى فيها دى مش مكان رش ولا حاجه

[karimfahmy99]

و الله اذا كانت العربية لسة فى الضمان تروح التوكيل و يشوفوا دا عيب اية . عيب رش و لا مادة اتحطط على البوية

[elshinzawy]

متشكر جدا لحضرتك بس دى موديل 2003 مش فى الضمان خالص والمهم دلوقتى هو حل الكلام ده مش ايه السبب فيه