فين ارش غطاء مرايا ؟؟؟؟ارجو السرعه

[cheetos_892005]

عايز ارش غطاء المرايا ((الكوفر)) بنفس لون العربيه ....
في ناس قالتلي هات اسبراي و رشها ...مرضتش عشان مش هيبقي نفس اللون و الميتالك...
في حد بيعمل الوان في شارع دمشق او معروف او في المناطق ديه ؟؟؟يا ريت بلاش الحرفيين ...
و هتتكلف حوالي كام ؟؟؟؟؟
يا ريت سرعه الرد لاني مش فاضي غير بكره

[ahmed_mido1889]

اي بتاع دوكو هيرشها ويدهالك بعد كام ساعه علشان تنشف

[magyver]

روح عند حد بيبيع بويات
وخلية يضربلك تمن كيلو
وروح لاي بوهيجي وهو هايرشهم مش هياخد 15 جنية

[cheetos_892005]

اي بتاع دوكو هيرشها ويدهالك بعد كام ساعه علشان تنشف

شكرا و بالنسبه للتكلفه؟

[ahmed_mido1889]

مش عارف بس انا كنت رشيت شبكه شاهين والشنب بتاع الفانوس نبيتي ميتالك ب 45 جنيه

[magyver]

ياباشا دول مرايتين
يعني التمن دة هايفضل اكتر من نصة

[cheetos_892005]

مش عارف بس انا كنت رشيت شبكه شاهين والشنب بتاع الفانوس نبيتي ميتالك ب 45 جنيه

هتقل علي حضرتك بقي لو قلتلي رشيتها فين او حد بيقلب لون ؟؟؟

[ahmed_mido1889]

هتقل علي حضرتك بقي لو قلتلي رشيتها فين او حد بيقلب لون ؟؟؟

رشتها عند واحد بتاع دوكو في دار السلام جنب بيتي
والراجل للي بيقلب اللون موجود علي ناصيه الشارع عندي

[harizy]

متهيألى لو مش عايز تخش فى موضوع تقليب البوية ونفس درجة اللون والحوارات دى ممكن إما أنك تجيب ليهم غطاء نيكل وده بيمشى مع كل العربيات وإما أنك تلزق عليهم استيكرز مربعات زى لوحة الشطرنج كده أو أى شكل تانى وده موجود عن كل بتوع الإكسسورات، وتغطى بيه كل الكوفر بتاع المريا، من ناحية شكلة ظريف ومن ناحية بيقلل التكاليف يعنى لو اتخربش أو اتجرح بعد كده أديك عرفت نهايته إيه، ودى طبعاً مسألة أذواق ومتزعلش منى لو رأى معجبكش.