إعـــــــلان

Collapse

.

,
See more
See less

أنا هارش العربية آخر كلام

Collapse
X
 
  • Filter
  • الوقت
  • Show
Clear All
new posts

  • أنا هارش العربية آخر كلام

    بصراحة بقى أنا اتخنقت من موضوع فبريكة وبره وجوة ده
    العربية أصلا موتور كويس وعفشه كويسة بعد كده بقى أبقى ابوص على الصالون والرش

    وبعدين مش عشان أقول العربية فبيركة يبقى أمشي بيها معفنة

    أنا دلوقتي موعود بالاغبيا أبقى واقف في أمان الله وطريق واقف ألاقي اللي بيحكيلي المراية أنزل من الشغل ألاقي العربية مخبوطة فالرفرف وخبطة يعني لو قاصد ماكانش هيعملها كده والنهاية إن العربية متجراحة كتير وعايزة تترد وبصراحة أنا عايز اروشاها كمان ماهو أنا أروح أرد عالبارد ويبقى لسة فالعربية عضعضه كده ولو الدهان متشال فحته هيبقى برده شكلها زبالة
    ولما يبقى يجيلها نصبها وتيجي تتباع ياياخدها واحد فاهم يعني عربية أصلا يا إما تقعد معايا مش بايعها انما اللي ينزل العربية 5000 جنيه عشان دهان الشركة ده اسمه هبل وشغل تجار سفاحين وبعدين هو عايز يشوف عربية شكلها نضيف ولا يشوفها متنيلة

    المهم بقى أنا مش عارف أعمل الكلام ده إزاي
    1-يعني المفروض أروح للسمكري الأول عشان يرد العربية ويظبطها وبعدين أروح لبتاع الدوكو
    2-طب أنا عربيتي نبيتي متلك هو بتاع الدوكو ده هيعرف يجيب نفس درجة اللون والمفروض عاجبهله أنا ولا إيه عشان أنا أعرف إنهم بيعدوا يضربوا فالوان بايديهم عشان يجيبوه اللون ؟؟
    أنا مش هارش العربية كلها
    3-أنا هارش الرفارف بس وممكن ارش باب واحد بس أو 2 بالكتير بس أنا كده كده مش عايز ارش الكابوت ولا السقف
    طب لو راشيت كده هيبقى فيه فرق في اللون

    4-ولما ارش أصلا العربية هتيجي على الصاج ولا هيرش علي اللي موجود فيها أنا شايف إنه مش لازم يكاحتها ويمعجنها كلها يعني

    5-أنا شفت عربية مرشوشة قبل كده تاكسي وكان خارج من عند بتاع الدوكو والدهان كأنه معمول بفرشة شكله نيلة قوي
    إزاي ارش العربية ومايبانش فيها أنا أسمع عن حاجات اسمها فرن ومش عارف إيه كده إيه الكلام ده

    من الآخر كده أنا عايز العربية من بره زيرو و وفنفس الوقت مش عايز يتعمل عليها شغل كتير

    6-الكلام ده ياخدله وقت اد إيه مع العلم إنَّ أنا مش هفور العربية أنا هاظبطها بس


    يارييت يا جماعة لو حد عنده افادة يفيدني بيه اللي المفروض أعمله

  • #2
    هاتودي العربيه للسمكري الاول يظبطلك الخبطات و يسحقها و ينزل الدهان اللى في الحتت المخبوطة
    مصنعيه ماتزيدش عن 75 جنيه
    وبعدين تروح للبوهيجي
    الشغل اللى عندك بالكتير اوي مصنعيه يكلف 200 جنيه
    المون ياريت انت اللى تجيبها و ماتخليش البوهيجي يجبها عشان معظمهم بيستعبطوا و بيضربوا على الباقي
    خليه يكتبلك المون و روح عن بتاع البويات بتاعت العربيات و هوه هناك هايضربك اللون و يطلعه زي العربيه بالظبط
    المون تخشلها في 300 الى 400 جنيه حسب نوع البويه
    و الفرن بيكلف 50 جنيه
    و نصيحه تاني مره اتفق مع البوهيجي على المصنعيه بس و قوله مالكش دعوه بالمون انا هاجيبها و مالكش دعوه بحساب الفرن انا هحاسب برده
    و ان شاء الله تبقى زي الفل
    [CENTER] [img3]http://www.wathakker.net/designs/images/7amla14.gif[/img3]
    [B][FONT=Arial][SIZE=4][URL="http://www.nilemotors.net/Nile/187496-a.html"]أرخص و أسهل تعديل[/URL][/SIZE][/FONT][/B]
    [SIZE=4][URL="http://www.nilemotors.net/Nile/147374-a.html"][FONT=Arial][COLOR=DarkRed][B]ازاي نحافظ على الفتيس الاوتوماتيك[/B][/COLOR][/FONT][/URL][/SIZE]
    [FONT=Arial][SIZE=4][COLOR=Blue][B][URL="http://www.nilemotors.net/Nile/182370-a.html"]كيف تختبر مكونات السيارة-الجزء الأول[/URL]
    [URL="http://www.nilemotors.net/Nile/185560-a.html"]كيف تختبر مكونات السيارة-الجزء الثاني[/URL][/B][/COLOR][/SIZE][/FONT]
    [/CENTER]

    Comment


    • #3
      أولا شكرا على سرعة الرد والتفاصيل
      معلش بس هو إيه الفرن ده أصلا ولازمته إيه وأصلا بيبقى عامل إزاي
      إيه الفرق في نوع البوية ولو تعرف نوع كويس ياريت تقولي عليه
      لو تعرف حد نضييف أعمل عنده الكلام ده ياريت تقولي ولو هو قريب من المعادي يبقى كده تمام قوي

      Comment


      • #4
        انا عملت عربيتى فى الزاوية الحمرا فى هناك ورش كويسة ومحترمة فى سمكرى اسمة بهجت وبهويجى اسمة مصطفى والى ماسك الورش اسمة ابو جنة لو عاوز ابعتلك رقم التليفون على الخاص
        [B][I][/I][/B]mohamed fathy[FONT="Comic Sans MS"][/FONT][SIZE="5"][SIZE="5"][/SIZE][/SIZE]

        Comment


        • #5
          المشاركة الأصلية كتبت بواسطة mailo مشاهدة المشاركة
          أولا شكرا على سرعة الرد والتفاصيل
          معلش بس هو إيه الفرن ده أصلا ولازمته إيه وأصلا بيبقى عامل إزاي
          إيه الفرق في نوع البوية ولو تعرف نوع كويس ياريت تقولي عليه
          لو تعرف حد نضييف أعمل عنده الكلام ده ياريت تقولي ولو هو قريب من المعادي يبقى كده تمام قوي
          الفرن ده عباره عن غرفه حديديه مغلقه فيها ضبط حراره و ضغط
          الاول العربيه بتاخد سخن وبعدين بتاخد بارد علشان البويه تمسك في العربيه
          والضغط علشان البويه تنزل علي العربيه متتطايرش في الجو
          والفرن بيبقي لازم في حاله الالوان الميتالك بس مش عارف ليه هو بتاع دوكو قالي كده
          والفرن بيبقي انضف علشان العربيه بتبقي داخل غرفه مغلقه مفيش تراب يجي علي البويه والبويه لسه منشفتش
          احسن انواع البويه اسكيلز او اسكينز مش عارف الاسم بالتحديد بس دي غاليه الكيلو منه بيوصل 900 جنيه بمشتملاته(الورنيش والاضافات الاخري)
          وهي دي البويه اللي ممكن يقال عليها انها زي بويه الفبريكه بس للسف كل الصنيعيه بيشتغلو بانواع تانيه ارخص
          منها الاوميجا والافريقي ودي ممكن الكيلو فيها يوصل 300 جنيه او اكتر شويه
          بس الافضل ممكن تجيب البويه الاوميجا او الافريقي وتجيبلها باقي الخامات(الورنيش والاضافات الاخري) اسكينز او اسكيلز هتديك شغل حلو
          بس الاهم تروح عند واحد يكون بيضرب الوان كويس علشان متفرقش عن لون البويه التانيه
          ومتخافش من حكايه ان باقي العربيه مش هيبقي نفس اللمعه واللون علشان المفروض الصنايعي بياخد العربيه وش تلميع علشان تبقي كلها ميه واحده زي ما بيقولو
          ممتنع عن المشاركه

          Comment


          • #6
            انا كان ممكن تتعايش مع العربية علي ماهي عليه سيبها مترشهاش ولا تصلحها.........عشان انت في مصر المحروسة وعرضة لاي خبطات وحكات وخرابيش في اي وقت حتي بعد ما ترش العربية وتسمكرها..........ده غير ان عربيتك لسه جديدة حاتنزل قيمتها فعلا لو حبيت تبيعها ..........نصيحتي طنش وابتسم لاي حاجة في العربية ادام بسيطة
            https://t.me/pump_upp

            Comment


            • #7
              مش هزود على كلام الناس غير ان كود لون عربيتك مكتوب على غطاء تنك البنزين او صدر العربية

              محل البويات بيطلع اللون على اساس الكود بس فى حاجة بياخد بالة منها كويس

              --> لون عربيتك الاصلى و الى نفس درجة الكود اتغير نظرا للعوامل الطبعية (غسيل - شمس - تراب- الخ)

              البيحصل انة بيطلع اللون الاصلى و بعد كدة بيجرب يرش على الصاج حاجة بسيطة و العربية واقفة فى الشمس (كل دا عند المحل عندة مكنة رش بسيطة) و بيمسح البوية تانى و يضرب اللون و يجرب لحد ما يوصل لدرجة اللون الطبيعية

              (دا علشان انت مش هترش كل العربية)
              فى حالة رش العربية كلها هتجيب بالكود منغير تجربة

              [URL=http://www.trippytext.com/][img]http://www.trippytext.com/gen/54/822/095ad67de2e5c7d359a04f3a78e94695.gif[/img][/URL]

              Comment


              • #8
                ذرات التراب بالفعل بتبوظ البوية عشان كده الفرن اسلم شيء

                Comment


                • #9
                  يعم رشها وسيبك من كلام التجار الزبالين ولما تيجي تبيعها بيعها لحد فاهم مش حافظ ... الواحد من حقة يشوف عربيته جميلة والا هيجيله اكتئاب
                  [SIZE="5"][COLOR="SeaGreen"][B][CENTER]سبحان الله وبحمده ... سبحان الله العظيم[/CENTER][/B][/COLOR][/SIZE]

                  Comment


                  • #10
                    انا عربيتى موديل 1997 وجبتها من حوالى عشر شهور مكنش فيها خدش دلوقت
                    تعالى افرج على الكبوت مكتوب عليه شتائم للصبح والشنطة متبهدلة
                    لو هترشها اهتم بيها لما تروح الشغل او اى مكان غطيها وشغل الانذار
                    ولو معملتش كدة هتتجرح تانى

                    Comment


                    • #11
                      المشاركة الأصلية كتبت بواسطة waleedrahmy مشاهدة المشاركة
                      انا كان ممكن تتعايش مع العربية علي ماهي عليه سيبها مترشهاش ولا تصلحها.........عشان انت في مصر المحروسة وعرضة لاي خبطات وحكات وخرابيش في اي وقت حتي بعد ما ترش العربية وتسمكرها..........ده غير ان عربيتك لسه جديدة حاتنزل قيمتها فعلا لو حبيت تبيعها ..........نصيحتي طنش وابتسم لاي حاجة في العربية ادام بسيطة
                      أنا معاك إن طبيعي العربية تبقى مخبوطة من البلاوي بتاعت كل يوم بس أعمل إيه يعني العربية شكلها مش حلو خالص وأي رد عالبارد بـتسيب مكانها معضعض وشكله وحش

                      المشاركة الأصلية كتبت بواسطة zakiali مشاهدة المشاركة
                      يعم رشها وسيبك من كلام التجار الزبالين ولما تيجي تبيعها بيعها لحد فاهم مش حافظ ... الواحد من حقة يشوف عربيته جميلة والا هيجيله اكتئاب
                      أنا فعلا عايز أعمل كده بس برده خايف أعملها عاد واحد ملوش فيها وساعتها اكتشف إن شكلها منيلة كان أحسن من اللي عملته فيها

                      المشاركة الأصلية كتبت بواسطة sherif khalifa مشاهدة المشاركة
                      مش هزود على كلام الناس غير ان كود لون عربيتك مكتوب على غطاء تنك البنزين او صدر العربية

                      محل البويات بيطلع اللون على اساس الكود بس فى حاجة بياخد بالة منها كويس

                      --> لون عربيتك الاصلى و الى نفس درجة الكود اتغير نظرا للعوامل الطبعية (غسيل - شمس - تراب- الخ)

                      البيحصل انة بيطلع اللون الاصلى و بعد كدة بيجرب يرش على الصاج حاجة بسيطة و العربية واقفة فى الشمس (كل دا عند المحل عندة مكنة رش بسيطة) و بيمسح البوية تانى و يضرب اللون و يجرب لحد ما يوصل لدرجة اللون الطبيعية

                      (دا علشان انت مش هترش كل العربية)
                      فى حالة رش العربية كلها هتجيب بالكود منغير تجربة
                      شكرا على التوضيح ده . دي كانت حاجة عايز أسأل عليها برده

                      Comment


                      • #12
                        باشا فين السمكرى اللى فى الزاوية الحمراء دة ؟؟؟والف شكر ليك
                        [B][FONT=Arial Black][SIZE=6][COLOR=darkred]من كان الله معة فمن علية ؟؟[/COLOR][/SIZE][/FONT][/B]

                        Comment


                        • #13
                          بالتوفيق ان شاء الله وابقى تابعنا بالتطورات وور للعربية قبل وبعد
                          خلينا نفرح معاك يا باشا

                          Comment


                          • #14
                            المشاركة الأصلية كتبت بواسطة m.zaher مشاهدة المشاركة
                            هاتودي العربيه للسمكري الاول يظبطلك الخبطات و يسحقها و ينزل الدهان اللى في الحتت المخبوطة
                            مصنعيه ماتزيدش عن 75 جنيه
                            وبعدين تروح للبوهيجي
                            الشغل اللى عندك بالكتير اوي مصنعيه يكلف 200 جنيه
                            المون ياريت انت اللى تجيبها و ماتخليش البوهيجي يجبها عشان معظمهم بيستعبطوا و بيضربوا على الباقي
                            خليه يكتبلك المون و روح عن بتاع البويات بتاعت العربيات و هوه هناك هايضربك اللون و يطلعه زي العربيه بالظبط
                            المون تخشلها في 300 الى 400 جنيه حسب نوع البويه
                            و الفرن بيكلف 50 جنيه
                            و نصيحه تاني مره اتفق مع البوهيجي على المصنعيه بس و قوله مالكش دعوه بالمون انا هاجيبها و مالكش دعوه بحساب الفرن انا هحاسب برده
                            و ان شاء الله تبقى زي الفل
                            باشا معلش يعنى فرن اية دة اللى بياخد 50 جنية وفين مكانة دة اقل سعر للكبينة لما تكون شغالة على طول وفلاترها عيانة 80 جنية

                            Comment

                            Working...
                            X