هل تكلفة الدهان معقولة ام غالية

[amro1965]

السلام عليكم ورحمة الله وبركاتة
سيارتى ريجاتا نوفا
الرفرف اليمين محتاج يتحرق ويتسمكر
اشتريت بابين يمين لونهم مختلف عن لون العربية
بالاضافه لبعض الخرابيش
السمكرة والبوهيه لجنب السيارة اليمين كله التكلفه 700 جنيه نزلم الى 550 جنيه
هل التكلفة ده معقوله ولا اشوف غيرة
برجاء المشاركة لما لكم من خبرة

[Shmiser]

انا شايف انو كتير جدا، انا هرش نصف 128 ازرق ميتالك هتاخد كيلو الا ربع و الكيلو 200 ج و شوية معجنة خفيفة هياخد 300 جنيه، مبالك انت بقي البوية بتعتك عادية الكيلو بتعها ب 80 جنيه و انت هنحتاج حوالي نصف كيلو. لف لفة كمان كدة علي صنايعية تنيين

[FunnyMickey]

هيا الدهانات بتاعت السيارات دي بتتباع فين
لو حبيت انقي لون معين
اروح فين
هل فيه محلات زي بتاعت يوتن وسايبس كده يعملوا الوان ؟؟؟؟؟

[Shmiser]

ايوة بظبط كده في محلات بتاعت خامات دهان، و بيبقي عندهم مكنة ضرب الالوان ممكن تختار اللون اللي انت عايزه و تجيب رقمه و تدهوله و هو هينجزك علي الكمبيوتر

[Karim_Monir]

الموضوع مابيتحسبش بالكيلو اطلاقا
الموضوع بيتحسب ان في شغل قديم وحش ف يالعربية لازم يتحرق ويتعاد سمكرته
وده بياخد مجهود اكتر من فني الدهان عشان يوفي الصاج حقة
معجون وسحق وغسل وبطانة وسحق وغسل وبعد كدة رش وبعد كدة ورنيش
طبعا كل حاجة من دول بتاخد وقت وشغل
مش مجرد كيلو بوية ب 80 ولا 100 ولا 200
نوع الصنايعي الي بيشتغل فيه صنايعي يوميته 30 والتاني 50 وفيه صنايعي يوميته ب 100 جنيه
عشان كدة بقولك ما بتتحسبش كدة اطلاقا

وعامة تمن رش جنب عربية 550 طبعا دي تعتبر مافيهاش سمكرة يدوب دقات خفيفة كويس جدا
وكمان المكان بيفرق يعني لو في الحرفيين مع الاجور العالية والايجارات المرتفعة مستحيييييل تعملهم بالتمن ده

[nicegypt]

الموضوع مابيتحسبش بالكيلو اطلاقا
الموضوع بيتحسب ان في شغل قديم وحش ف يالعربية لازم يتحرق ويتعاد سمكرته
وده بياخد مجهود اكتر من فني الدهان عشان يوفي الصاج حقة
معجون وسحق وغسل وبطانة وسحق وغسل وبعد كدة رش وبعد كدة ورنيش
طبعا كل حاجة من دول بتاخد وقت وشغل
مش مجرد كيلو بوية ب 80 ولا 100 ولا 200
نوع الصنايعي الي بيشتغل فيه صنايعي يوميته 30 والتاني 50 وفيه صنايعي يوميته ب 100 جنيه
عشان كدة بقولك ما بتتحسبش كدة اطلاقا

وعامة تمن رش جنب عربية 550 طبعا دي تعتبر مافيهاش سمكرة يدوب دقات خفيفة كويس جدا
وكمان المكان بيفرق يعني لو في الحرفيين مع الاجور العالية والايجارات المرتفعة مستحيييييل تعملهم بالتمن ده

لية كدة يا استاذ كريم .. دي العربية جاية لحضراتكم فى الحرفيين تتـشــمس .. لية سيرة الاجور العالية
ربنا يستر ف التكلفة ,, احم احم

بالنسبة للاستاذ عمرو .. السعر كدة كويس .. انا رشيت رفرف يمين وباب واحد للانسر ميتاليك طبعا بـ 300 ج بعد الفصال بدون سمكرة
والشغل معجبنيش واللون بعد فترة بدء يختلف عن لون العربية والسبب زي مقال استاذ كريم كل صنايعي وحسب خبرتة ودقة عملة وصنعتة . لكن السعر كويس

[mohamedsaber2]

كلام الأستاذ كريم صحيح, انا حصلت معايا خبطه في الباب الشمال ورا, و عملتها سمكره و رشيت فرن و اشتريت الخامات دخلت معايا في 530 لـ 550 جنيه.

[Karim_Monir]

باشمهندس حسين تنورنا طبعا وماتخافش من الاسعار

باب ورفرف ميتالك ب 300 جنيه معقول طبعا لانه من غير سمكرة
بس فرق اللون يجي من حاجتين
البية ماضربش اللون كويس
او استرخص في الخامات وبعد الوقفة في الشمس اللون يفتح

[aymangalal510]

الله ينور عليكم يا استاذ كريم
حضرتك جبت الزيتونة

[adamlion]

مع احترامى لموضوع الاجور والخامات .
الاجمالى السعر مرتفع كتير حتى لو فى جودة. ادم

[Shmiser]

مع احترامى لموضوع الاجور والخامات .
الاجمالى السعر مرتفع كتير حتى لو فى جودة. ادم

اهو هو ده اللي بقوله، مع احترامي للاخرين الخامات كلها علي بعض متعديش 150 جنيه ياخد هو 400 مصنعية. و بعدين ب العقل كدة انت نزلت معاه من 700 ل 550 في حد هيرضي ينزل كل ده لا اذا كان هو مغلي من الاول ؟؟؟؟