أسعار ابواب النيو اكسنت

[firstknight216]

الله يسامح اللي دخل الموتوسكيلات الصيني في مصر
موتوسكيل محترم قطع الباب الشمال الخلفي زي علبة السمنة بمعنى ان شق الباب من اسفل
الباب بيفتح ويقفل كويس لكن الشق كبير
المهم
كان في 3 اختيارات
[OVERLINE]الأول [/OVERLINE]سمكرة الباب ومش عارف اذا كانت ح ترجع زي الأول ولا لأ ايضا ح تقبليني مشكلة الدهان بعد كده ومش عارف ح تكلف كام
[OVERLINE]الثاني [/OVERLINE]شراء باب مستعمل من الحرفين اسود نفس لون السيارة بديل واكتشف ان سعر الباب فقط ولم اجد اللون 1000
[OVERLINE]الثالث [/OVERLINE]شراء باب جديد ولا اعرف سعره ولا الدهان
أفيدوني يا أهل الخبرة

[A.Saad]

متابع

[firstknight216]

لسه محدش عنده خلفية عن الموضوع ده ياشباب؟

[samirsaid1]

لو الفتح فى الصاج الداخلى للباب يبقى سمكرى نظيف هايظبطة ومش هايبقى فية فرق خالص
والدهان هايغطى ومش هاتبان خالص

لانه بيلحم وبعدين يسمكر كان الصاج حته واحدة

وربنا معاك

[samirsaid1]

وبعدين احسن من فك الابواب وفك البرشام بناعها

[firstknight216]

شكر يا أستاذ سمير على رد حضرتك
بس اعتقد انه في جميع الأحوال الباب ح يتفك لأن الباب وحده واحدة
المشكلة ان السمكري بيقول 1000 جنيه سمكره ودهان مش عارف الرقم ده كتير ولا قليل
شكراً

[samirsaid1]

1000 مبلغ مبالغ فية جدااااااااااااااا

هو مش حضرتك بتقول انه قطع فى الصاح يعنى هايكون ايه طولة متر ولا حتى 2 متر مش حاجة يعنى دة لحام

دة انا عربيتى اللى قبل الاكسنت غيرت الدواسات كلها و غيرت العتب وظبت الكارتيرات لانها كانت معدن وافتكر ان الراجل خد تقريبا على ما افتكر 300 جنية او أقل بشوية بس أنا اللى كنت جايبلة الصاج
وهانقول عشان عربياتنا جديدة بس دة باب ايه اللى فية من الصاج اكيد مساحة صغيرة واسال حد تانى افضل

وبالنسبة للدهان انا رشيت الكصدامات امامى وخلفى واجناب الابواب خد 350 جنية بالخامات بكله

وهل قوايم الباب فيها حاجه ولا الصاج بس لان لو الصاج بس حاول ماتخلهوش يفك الباب عشان مايفكش البرشام بتاع الباب لانه بيبقى مكبوس كبسة تمام

وربنا يهديك للصواب
والله اعلم

[firstknight216]

والله ياسمير يااخويا الراجل ده قالي كده
وطبعا الكل بيلعب على نوع الدهان الأصلي والتقليد