عملت حادثة جامدة و محتاج سمكري أمين و كويس

[amr1501]

السلام عليكم ورحمة الله وبركاته

الحمد لله علي كل حال و إنا لله و إنا إليه راجعون

حصلتلي حادثة علي الطريق الدائري يوم الأحد إللي فات الطريق الدائري المتجة من كارفور المعادي للأوتوستوراد كان متوقف تماما و انا كنت واقف تماما مستني الطريق يتفتح

جت عربية تريله بمقطورة و طبعا معهوش فرامل و قام داخل في حوالي 6 او 7 عربيات و انا الحمد لله كنت عربية منهم و الحمد لله علي كل حال و اللهم لك الحمد إني طلعت منها سليم

فاللهم أجبرني في مصيبتي و أخلفني خيراً منها

المهم دي صور العربية و التلفيات إللي في العربية







===============================================
التلفيات تقريبا
الجنب اليمين كله -الكبوت-البربريز الأمامي - سربنتينه - رفارف - الربع الشمال - الصدر - تني في القايم اليمين - العتب و إللي انتوا شايفينه في الصور

محتاج سمكري أمين و محترف جداً عشان أصلح العربية فأتمني أنكوا تساعدوني في الموضوع ده و إللي ليه تجارب سابقة و صلح عربيته يفيدني بتجربته

وجزاكم الله خيراً

[m_marmoush]

ربنا يعوض عليك و أهم حاجه إنك سليم و فداهيه العربيه والفلوس

[amr1501]

الحمد لله علي كل حال

[amr1501]

يا جماعة مفيش حد يقدر يفيدني في المشكلة دي ؟؟؟؟

[AHMED1718]

ربنا يعوض عليك والحمد لله انك بخير

نصيحة

مفيش سمكرى ولا بوهيجي امين او صنايعى عمتن حتى لو كان اخوك الا قلة قليلة جداا اللى كلهم بيعتبرو نفسهم من القلة دى

طبعا مهما كان درجه المعرفة لازم المتابعة المستمرة اليومية

انا اتقرصت كتير من سمكرية ولسه اخر مرة ف عربية حمايا وانا اتصدرت وللاسف مفيش ولا زمة ولا ضمير

كسمكرة وبويا خلصت ف شهرين ونص الشغل زى الفل بس تيجي تبص بقا لكل الفبر اللى ف العربية متكسر وضايع ازاز متكسر وحاجة زفت
كلفونى تكاليف ملهاش زى ولسه بحاول اصلح اللى انا بقيت سبب فيه

نصيحة اتنين مهما قالك الصنايعي انه معهوش فلوس متدوش غير نص الفلوس المتفق عليها والباقى يوم متستلم عربيتك دايرة وواقفة مفيهاش حاجة

بالنسبة لعربيتك حاول تحسبها لو جيبت نص امامى من غير ماتور طبعا هتبقا التكلفة كام وقارن بسمكرة وتغيير اللى عندك
وربنا معاك

[Strong]

ربنا يعوض عليك والحمد لله انك سليم

والناس سابوا صاحب المقطورة يمشي عادي كده ؟

[midooz]

بص يا باشا لو رحت عند ميدان الحرية في عين شمس و سألت على مختار السمكري .. ألف من يدلك عليه ... هوة محترف جداً جداً و أمين في شغله و حرَاق شويتين .. بس بيعمل الصح و صح الصح
أمًا تروحلوا قوله أنا من طرف الشيمي بتاع الجولف البيضا و إن شاء الله خير

[mussolini]

السلام عليكم...

الف حمد الله على سلامتك,اهم شىء انك بخير...

اما بانسبة للسمكرى انا اتعاملت معاه شخصيا و الصراحة شغلة ممتاز بس كعادة كل السمكرية لازم تتابعة...

اسمة عيد , مكانة فى الحرفيين و رقمة: 0116240319

[heshamzaky]

الف حمد الله على السلامة و ربنا يعوض عليك و معلش قدر الله و ما شاء فعل
بص فية سمكرى فى عين شمس أنا تعاملت معة قبل كدة عملت عندة شغلانة كدة بص ولد محترف أنت الشغل الى فى عربيتك محتاج واحد يكون بيعرف يشد زرجينة ممتاز علشان يستعدل الكلام دة
السمكرى دة عملى زرجينة و شوفتة و هو شغال بصراحة ممتاز و عندى صور لشكل الزرجينة الى عملها ممكن أوريهالك لو حبيت
هو كان شغال فى مركز لتصليح التيوتا و اليابانى عموما و فتح لنفسة الورشة

[eng.m7md.ali]

لا حول ولا قوة الا بالله
ربنا معاك ويعينك والحمد لله ان انت خرجت بخير منها
ومنهم لله بتوع النقل

[amr1501]

جزاكم الله خيرا جميعا ربنا يبارك فيكم علي ردودكم و مساعدتكم

كان ليا استفسار
شفت في المنتدي كذا موضوع لواحد اسمه العقيد خالد في الحرفيين كنت عايز استفسر هل هوا سمكري و ايه اخباره هل هوا كويس فعلا ولا ايه الأخبار يعني أتوكل علي الله و أتعامل معاه و اسلمه العربية ولا ايه الأخبار

[noga28]

انا اعرف واحد فى ارض اللواء اسمه عماد شغله حلو جدا وامين اوى وجربته بنفسى لو عاوز رقمه قولى ابعتهولك واتفق معاه

[nicegypt]

اولا حمد لله على سلامة حضرتك والف لا بأس عليك
التلفيات جامدة قوي .. عموما المشتريات اللى هتطلب من حضرتك مع اي سمكري الاتى :
2 رفارف امامية + كارتيرات
2 باب شمال
غطا كابوت
اصلاح الاكصدام الامامى عند بتاع فيبر محترم
دى التلفيات اللى ظاهرة حاليا واللى حضرتك هتشتريها .. وواضح ان العربية غير مؤمن عليها
ادعوا الله لك بالتوفيق .. بالنسبة للعقيد خالد انا قابلتة شخصيا ورحت ورشتة .. هما شغلهم ما شاء الله علية ولا غبار علية
لو محتاج اي بيانات او معلومات قولي وياريت تتابعنا بأخبارك اول بأول عشان نطمن عليها وان شاء الله ترجع زي الاول .

[exact]

فيه واحد فالمنصورة

[hugan]

قدر ولطف
ربنا يعوض عليك المهم انك سليم
لكن سواق المقطوره عملت معاه ايه