السقف

[loaytotti]

يا جماعة أنا عندى مشكلة إن السقف إجرب و شكله وحش أوووى فحد يعرف حل ليه غيير رشه

[loaytotti]

إيه يا جماعة مفيش حل ولا إيه

[loaytotti]

شكل كده مفيش حل غيير الرش

[إبراهيم المصرى]

ممكن تجرب تلمعه بالكمبوند كويس وبالبولش ممكن يكون فيه امل بالاخص لو اللون مش ميتالك لان الميتالك لو طبقة الورنيش اتكلت يبقى مفيش فايده وفيه كمان مكنة تلميع عند بعض بتوع الدوكو بتسهل التلميع

[ahmedsrs]

سيبه بخيره لو هتبيع العربية قريب

[loaytotti]

شكراااا ليك يا أ.ذ إبراهيم و أنا فعلن عملت كده و راح شويه و مره مع مره هيروح وبالنسبة للأستاذ أحمد هو أنا لسه شريها مبئلهاش 6 شهور و مكنتش بيها

[إبراهيم المصرى]

اى خدمه يا زعيم هى المعلومه ممكن تكون مش جديده بس هو ده اللى انا عارفه وكلنا بنستفيد من بعض وربنا يوفقك بس خلى بالك متغسلش العربيه وهى سخنه ولا فى الشمس ولا بمسحوق زى السافو او التايد علشان الصودا بتحرق البويا احسن حاجه فى الغسيل بليل والعربيه بارده او الصبح بدرى ولو مسافر بلاش الناس اللى فى الريست يخلوك تبعد ويرموا عليها ميه _ الكبوت بالاخص بيكون سخن فالبويه بتطفى جامد وممكن كمان تشقق والمشكله اللى محدش بياخد باله منها وخطيره جدا ان الميه على الكوتش وهو سخن خطر وبالاخص تيل الفرامل والطنابير
احسن حاجه فى الغسيل جردل الميه تحط عليه فنجان جاز وبعد التنشيف تسيب الفوطه المتزفره بالجاز تنشف وتمر بيها على العربيه هتلاقيها لمعت وبقت مرايه كام مره على كده الناس هيفتكروك لسه راششها فرن والبويه جديده

[loaytotti]

شكراااااااااااااا ليك جدا أ.ذ إبراهيم على المعلومات المفيدة و أنا غلتطى إنى كذا مره أغسل العربيه و هيا فى الشمس و سخنه فممكن يكون هو دا اللى عمل كده بس أنا لو عملتها بالميه و الجاز هتلمع و طبقه الطافيه دى هتروح و أغسلها الأول بميه و صابون و بعد طدا أنشفها و أعملها بميه و جاز ولا الجاز بس أحسن

[loaytotti]

و هل الفوطة اللى إتزفرت بالجاز دى بعد ما أنشف و كل حاجة بعد طدا ممكن أنظف بيها العربية كل يوم الصبح عادى يعنى أشيل بيها التراب من على العربيه عادى ولا أستعمل الزفره التانيه بتاعت الميكانيكى

[إبراهيم المصرى]

شكراااااااااااااا ليك جدا أ.ذ إبراهيم على المعلومات المفيدة و أنا غلتطى إنى كذا مره أغسل العربيه و هيا فى الشمس و سخنه فممكن يكون هو دا اللى عمل كده بس أنا لو عملتها بالميه و الجاز هتلمع و طبقه الطافيه دى هتروح و أغسلها الأول بميه و صابون و بعد طدا أنشفها و أعملها بميه و جاز ولا الجاز بس أحسن

لا شكر على واجب يا باشا كلنا بنستفيد من بعض هو يا باشا تملى جردل ميه وعليه فنجان جاز وبلاش الصابون خالص وان كان ولا بد صابون يبقى فيه صابون بيتباع فى البنزينه من غير صوده زى الشامبو بتباع فى زجاجات لتر وجراكن ويبقى كل فتره كبيره شهرين ثلاثه سته وتتأكد ان الصاج بارد وتشطف بسرعه وان شاء الله لما تغسلها بالميه والجاز وطوقها بالفوطه المتزفره بالجاز هتلمع تانى ان شاء الله وممكن تبقى تلمعها بالبولش او بالشمع

[إبراهيم المصرى]

و هل الفوطة اللى إتزفرت بالجاز دى بعد ما أنشف و كل حاجة بعد طدا ممكن أنظف بيها العربية كل يوم الصبح عادى يعنى أشيل بيها التراب من على العربيه عادى ولا أستعمل الزفره التانيه بتاعت الميكانيكى

انا اعتقادى الفوطه المتزفره بالجاز احسن اللى هى غسلت بيها العربيه ونشفتها من الميه والجاز ومبحبش فوطة الميكانيكى لانها بتبقى وسخه اوى وبتلم تراب وبتوسخ العربيه مش بتنضفها وبتبقى مش عارف تحطها فين من كتر ما لمت تراب واتوسخت وممكن الفوطه الزفره اللى غسلت بيها تكون فوطه صفراء من اللى بتتباع عند بتوع الاكسسوار او بالجمله دسته فى التوفيقيه وتقف عليك رخيصه او فانله بيضاء قطن قديمه بتكون احسن لما تعمل بيها كما سبق بيتبقى كويسه وبتلمع جدا

[إبراهيم المصرى]

00000000000000000000000000000000000000000000000000 00000000000000000000000000000000000000000000000000 00000000000000000000000000000000000000000000000000 00000000000000000000000000000000000000000000000000 00000000000000000

[loaytotti]

أنا مش عارف أقولك إيه يا أ.ذ إبراهيم بجد شكرااااااااااااا ليك على المعلومات الكتيييير اللى إنت أفدنى بيها دى و هجرب أغسلها زى ما إنت بتقول كدا و يارب تلمع كلها لأن فعلن فى حتت كتييير فى العربية بئت مطفيه و مبتلمعش و شكرااااااا

[إبراهيم المصرى]

العفو يا زعيم وبالتوفيق ان شاء الله

[loaytotti]

إنهاردة نزلت غسلت العربيه زى ما قولتلى جردل ميه و عليه شويه جاز بس كان عندى إستفسار صغير بعد ما أغسل أنشف بقماشه تانية على طول ولا أعملها بميه الأول و بعد كده أنشف لأن أنا عملتها بميه و بعد كده نشفت فحاسس إنها غلت