.... مش عارف اعمل ايه ....

[essa]

السلام عليكم جميعا
أولاٌ
عيل وانا راكن فى الجراج خد جنب العربيه كله بمفتاح او بعجله الله اعلم لأن السايس ما يعرفش !

الفكره ان انا حاولت على قد ما اقدر اني اضيع الخدش ده وعملت كـ الأتي :
اشتريت بولش ولون العلبه ابيض مش بني واشتريت قطن واشتريت قلم دوكو اسود بـ لون السياره وقولت احاول يمكن يطلع !
هو الخدش جاى من عند الكشاف الامامى لحد الكشاف الخلفى بطول السياره
اللى عند الرفرف الامامى طلع او بمعنى اصح مش باين
واللى عند باب السائق عملته وفجأه يا جماعه لقيت البويه بهتت جامد والباب كـ انه مرشوش !
والباب الخلفى والرفرف الخلفى عملتهم بـ القلم الدوكو بس مش غير بولش لاني خوفت الباقى يبهت هو كمان
مع العلم ان السياره لسه زيرو ومعملتش 5000 كيلو متر على بعض ! يعنى البويه بتاعتها لسه بلمعتها وماطفتش علشان كده فرق البولش ظاهر اووى
فـ بجد مش عارف اعمل ايييييه ؟ ؟ ؟

ثانياً

امبارح خبطت عربية خالى فى الجراج ( سوناتا ) الخبطه مكانها الرفرف والباب الخلفى يمين
الرفرف فيه نغزه لجوه اما الباب فيه سطر كده بطول 10سم ( كانى جبت صوباعى وقشرت بيه البويه والصاج كأنه واخد كام غرزه كده ! ) وشويه خدوش بقى على قد ما ربنا يقدر عد
جبت البولش من عربيتى ونفس القطن ونفس قلم البويه
طلعت خدوش كتييييير بـ البولش
والبويه اللى اتقشرت عملتها بقلم الدوكو( الاسود ) مع ان العربيه لونها نبيتى محروق بس مش باين من بعيد
عايز ارد الخبطه اللى فى الرفرف دي ( او بمعنى اصح الحته اللى داخله لجوه كأنها بومبيه بس لجوه مش بره )
و عايز اعمل حتت البويه المتقشره بنفس اللون ينفع اجيب قلم بنفس درجه اللون ولو ينفع اجيبه منين ؟
انا سمعت ان فى حاجه اسمها شفط بس ايه هو وفين مكانه معرفش ! ده بالنسبه للخبطه
...................
انا أسف جدااا على الاطالــه , بس معلش اعزرونى

[zocor742]

طيب ماتروح لبويجى نظيف احسن يلقط الحاجات دى
اعتقد هيكون عندة الخبرة اكتر وحرفية انة يرممها احسن مننا

[essa]

طيب ماتروح لبويجى نظيف احسن يلقط الحاجات دى
اعتقد هيكون عندة الخبرة اكتر وحرفية انة يرممها احسن مننا

انا بخاف جداا من البويه دى لان مره كان فى عندي شويه خدوش كده فى الفيرنا اللى كانت معايا الاول وجاب قطن وعملها بهدلها خالص وبعد كده حاول يطلع اللى عمله بـ تـنـر بهدلها اكتر واطريت ارش الباب كله بسبب الحركه دي !
هى كل الفكره اني محتاج بس حتى قلم يكون بيتباع بدرجه اللون انا نزلت سألت قالى لا مفيش اقلام لازم اضربلك شويه فى علبه !
بعد كده قولت اعمل زى ما بيقولى واعملها انا بقطنه , رجعت قولت لا هسأل فى مكان تانى يمكن الاقى الاقلام دي
ياريت حد يكون عنده فكره عنهم او بتتباع فين
انا لما عملتها بقلم الدوكو الاسود ده بيطلع بردو ! مع الغسيل بس انا عملها بيه موقت علشان الباروما لحد ما اعملها كلها
..................
اما بالنسبه لعربيى انا فـ مش عارف اعمل ايه
الباب شكله وحش اوووى وهو مطفى كده كأنه مرشوش ! والعربيه لسه بكيسها !
عايز اى حاجه للتلميع يا جماعه وترجع اللمعان بتاع العربيه زى ما كان
افيدونى ارجوكم ..

[A.Saad]

ممكن تششوف على النت اقلام بتبقى باسم المصنع ونفس كود لون عربيتك

موضوع القطنة هيبقى باين
ممكن تفضى قلم دوكو وتحط فيه اللون وتمشى بيه
هيكون اخف من النقطة شوية