ايه موضوع الدواسات البيتومين دي !!!!

[Egyp]

الحقيقة العربية عندي الدواسات كلها متاكلة فنا بعملها دواسات وكده و كنت سالت البوهيجي علي حاجة ترحمني من الدواسات دي لانها مقعدتش 3 سنين واتاكلت العربية من تحت مفيهاش صاج خالص

فالبوهيجي قالي اول متخلص الدواسات تتمعجن العربية من تحت وتترش بيتومين ونرش العربية من جوة بيتومين واصبلك 4 دواسات بيتومين فوق كل دواسة

فياريت من اصحاب الخبرة موضوع الدواسات البيتومين ده مفيد لانه قالي الدواسة هتتصب ب 100 جنية فنا عايز اعرف ده صحيح ولا بيشتغلني و لكم جزيل الشكر

ولو في حاجة ترحمني من البارومة اللي بتمسك في العربية من تحت ياريت يقولي ويبقي مشكور

[محمد بازيد]

بسم الله الرحمن الرحيم

أولا قدر الله وماشاء فعل اولا موضوع البرومة دة حاجة مقرفة جدا حصل معانا فى عربية بيجو وكان علاجة كالتالى الراجل السمكرى شال كل العفشة بتاعة العربية والموتور والفرش خلى العربية فارغة فقط وبعدين شال كل الصاج اللى بايظ وعمل مكانة صاج جديد وبعدين عمل معجون وبعدين عمل بتومين رش ومن جوة عمل بتومين الواح وسخنة بس البتومين احنا اللى كونا مشترينة وهو عملة جوة العربية
يارب اكون قدرت افيدك ولو فى اى استفسار تحت امرك

[Egyp]

اولا جزاك الله خيرا وشكرا لرد حضرتك

هو فعلا انا فكيت الفرش وكل حاجة واللي فيه الخير يقدمه ربنا

هو استفسار صغير حضرتك البيتومين اللي جبته ده عادي ولا اندركوت
لان كان في موضوع في المنتدي علي موضوع الاندركوت ده

ولكم جزيل الشكر