بقع شمع على الكبوت و الازاز مش بتطلع

[mhmdkhamis]

السلام عليكم

من يومين كنت راكن و فجاه انزل الاقى العربيه عليها سائل غريب على الكبوت و الزجاج الامامى مسحته المهم و شغلت المساحات و قلت اكيد اى حاجه مش نضيفه و هتطلع

روحت الجراج و قلت للسايس يغسل العربيه كويس و يشوف الزجاج و الكبوت

تانى يوم الاقى السايس بيقولى ده شمع اللى على الكبوت و مش بيطلع بالميه و كذلك على الازاز و قالى ده عامل زى السائل الى بيتم تلميع الموبيليا بيه

كان عندى شويه واكس خليته يجرب بيهم و برضوا ولا الهوا الكبوت مبقع و ملطع و الازاز البقع الى عليه مش بتطلع بالميه

حد يقدر يفيدنى بحاجه ااقدر اشيل بيها الكلام ده من الازاز و الكبوت من غير ما ابوظ البويه بتاعت العربيه

[mhmdkhamis]

ايه يا رجاله محدش يقدر يفيدنى فى الموضوع

[mhmdkhamis]

[tarek_2005]

جرب قطنة بجاز ابيض

[Khalid_Mostafa]

عندي نفس الكلام و جربت الجاز و البنزين كمان و مفيش فايده
بس انا البقع نتيجة ماسورة صرف صحي في الجراج و مش عارف اطلع البقع برضه

[ecybrarian]

طيب جربت حاجة اسمها polishing compound

[Khalid_Mostafa]

طيب جربت حاجة اسمها polishing compound

انا جربتها و منفعتش برضه

[mhmdkhamis]

المشكله حتى الازاز الكلام ده مش بيطلع من عليه انا جربت السبرتو الاحمر و البولش و لا عملوا اى حاجه

[makarhn]

جرب الأسيتون

[ecybrarian]

كدا بقى يبقى تروح لكار كير محترم او ورشة دوكو..الموضوع محتاج سحق بصاروخ سنفنجة

[drpeter]

استاذى ما سوف اقوله جربته على الهدوم عندما يسقط عليها الشمع فيى تسبب بقع لاتخرج ايضا مهما غسلتها لكنى لم رجبها على زجاجا السيارة

حضرتك بتسخن المكوة وتروح حاطط ورقة جرنان على البقعة اللى عاوز تشيلها وحاطط فوقيها المكوة
المكوة هتسخن الشمع والشمع هيسيح ويلزق في الجرنان

تحياتى