شرخ فى التانك (عربية بولونيز)

[aymansaad]

كنت مسافر الاسكندرية من السويس وعند قليوب كان فى حجارة صغيرة وقعة من عربية نقل واسمع صوت كانه طلقة رصاصة ولما نزلت اطمن ملقتش حاجة ولما وصلت الاسكندرية وركنت لقيت واحد جارى بيتصل بيا وقالى ان البنزين مغرق الشارع وطبعا رحت الى ميكانيكى قريب قالى ان الوقت تاخر قلتله انا مسافر الصبحفعمل فكرة انه فصل التانك وعملى جركن كبير وقالى لما ترجع صلحه .
اعمل ايه دلوقتى؟وايه الحل لهدا الشرخ؟
اسف للاطالة

[motazgamal]

متابع

[aymansaad]

مفيش اجابات لية يا جماعة؟

[atala]

التنك يتفك ويتغسل من البزين وبعدين يتلحم بالنحاس وتركبه تاني

[atala]

بس اهم حاجة يتغسل كويس قبل ما يتلحم عشان ما ينفجرش

[LORD91]

لو كان من تحت يبقى اسهل فضى البنزين من التنك وسيبه شويه يتهوى
وبعدين نضف مكان الشرخ كويس اوى من بره اتاكد انه نضيف وناشف تماما
هتجيب حاجه بيسموها العجينه السحريه من عند اى حد بتاع اكسسوارات عباره عن صابع عجين لونه اسود ومن جوه اخضر تعجنها كويس اوى بايدك لغايه لما تسجن شويه وتعمل بيها مكان الشرخ
ومتفكرش تانى فى الشرخ ده انا مجرب الحوار دا من سنه ونص وشغال كويس وكمان اعمله بنفسك

[aymansaad]

شكرا على الردود يا شباب
حجب فكرة الاخ لورد91

[tarek_2005]

التانك اما يتلحم قصدير او يتفك ويتغسل ثم يبخر ثم يلحم نحاس او تكبر دماغك من الحورات دي كلها وتجيب واحد استيراد