الحمد لله اتخبطت ومحتاج مساعدتكم لأن نفسيتى فى الحضيض

[wael30003]

الحمد لله الذى لا يحمد مع مكروه سواه
طبعا فى بلاوى اشد منى وانا عارف بس عشان العربية جديدة وبالتقسيط ولسه حتى مكملتش ال10000كم حوالى 7200 كم هنزلكم الصور عشان تحكموا عليها ازاى اصلحها لأنى مش مأمن بس هاحكلكم شوية تفاصيل عشان ممكن حد يساعدنى لأنى مش عايز اروح لواحد يجرب فيا
التفاصيل
لوجان 2012
استلام 30/10/2011
اتخبطت 31/3/2012
الخبطة فى الباب اليمين الامامى
الزجاج وهو طالع بيحك فى الباب عشان الخبطة
كنت عايز اعرف سمكرى كويس لأنى مش هاقدر على تكاليف التوكيل
ويا ريت تردوا عليا بسرعة لغاية اما انزل الصور..
واحد متخلف طالع من شارع جانبى بعربية قديمة ومتهالكة على الآخر وخبط العربية ووالدىكلمنى بالتليفون وانا فى الشغل الراجل دفع 150 جنيه بعد ما الناس قدروا الخبطة ب 300 جنيه وانا النصف وهو النصف وطبعا هاتتكلف اكترمفيش حاجة اسمها 150 جنيه
والحمد لله انا احسن من غيرى فى ناس بلاءها اكبر من كده
بس يمكن عشان الواحد مش ناقص اصلا كفاية قسطها الشهرى
والعربية لسه جديدة زى ما انتوا عارفين
وجزاكم الله خير

[wael30003]

متابع

[engwms]

قدر الله وما شاء فعل والحمد لله انها جت على قد كده

[wael30003]

شكرا على اهتمامك
عقبال الباقى لو حد يعرف ورشة محترمة

[نينو]

انت ساكن فين طيب

[wael30003]

انا فى القاهرة الجديدة التجمع الثالث

[nicegypt]

الف سلامة عليك دى اهم حاجة الاول وان شاء الله خير
فية اخ وصديق معانا ف المنتدى معروف عنة اتقانة ف عملة ما شاء الله
واشتغل فى كذا لوجان حاطط صورهم فى الفيس عندة
دور على جروب العقيد خالد او قولي وابعت لك البيانات ع الخاص
دة مننا وعلينا وراجل مشهود لة بالكفاءة . وان شاء الله خير وسهلة متقلقش
وحاول تطلع زكاة لله الفترة دي

[wael30003]

الف سلامة عليك دى اهم حاجة الاول وان شاء الله خير
فية اخ وصديق معانا ف المنتدى معروف عنة اتقانة ف عملة ما شاء الله
واشتغل فى كذا لوجان حاطط صورهم فى الفيس عندة
دور على جروب العقيد خالد او قولي وابعت لك البيانات ع الخاص
دة مننا وعلينا وراجل مشهود لة بالكفاءة . وان شاء الله خير وسهلة متقلقش
وحاول تطلع زكاة لله الفترة دي

جزاك الله خير على اهتمامك وردك الجميل
ياريت تبعت لى بياناته عالخاص
وجزاك الله خير للمرة الثانية

[inspiron]

يا سيدي الفاضل هون علي نفسك...أنا كنت عامل موضوع عن عربيتي فانتازيا 2010
استلمتها زيرو وعملت بيها حادثة تاني يوم الصبح ووشها كان كله بايظ :) والحمدلله رب العالمين في ظرف 4 أيام رجعت زي ما كانت بالظبط لدرجة إن توكيل غمرة في صيانة الـ 10000 كم معرفوش انها مخبوطة :)
عملتها عند مركز مطر في جسر السويس ( المركز ده توكيل مرسيدس بيبعت له العربيات اللي عاوزة سمكرة و دوكو ) ومن مميزاته انه بيقيس أبعاد العربية علي مقاسات الفابريقة..بحيث متقدرش تعرف أصلا انها كانت مخبوطة...فعايز أقولك متزعلش.والحمد لله انها جت علي قد كده.وأنا تحت أمرك في أي إستفسار.

[wael30003]

الحمد لله
انا خلصت العربية ورجعت زى الاول الحمد لله
عند العقيد خالد شغله كويس وعملت الدوكو عند واحد تبعه اسمه سمير هو غالى شوية بس مش كتير
الموضوع كله اتكلف 450 سمكرة و 300 دوكو يعن 750 جنيه

[hzem]

معلش هو فين العقيد خالد ده عنوانه

[nicegypt]

معلش هو فين العقيد خالد ده عنوانه

هبعتة لحضرتك برايفت

[bashmohands]

هبعتة لحضرتك برايفت

ممكن تبعتلى انا كمان عنوانه على الخاص ....لأنى محتاج سمكرى ضرورى

[egyptiandiver]

قدر الله وما شاء فعل

[elpasha1]

يا ريت تبعت لى عنوان العقيد خالد ورقم تليفونة ان امكن