السمكرى بيشتغلنى ..............حد يفيدنى

[bashmohands]

السادة الاعزاء.....بكل بساطة حاسس ان السمكرى بيشتغلنى

اولا : العربية تويوتا كريسيدا ....موديل 1979.....عربية طويلة و فيها شغل و انا عارف
وديتها للسمكرى قالى.... اولا البوية كتير مفرقعة و ده نتيجة أن العربية واخدة معجون كتييير....
فالحل علشان اعمل شغل نضيف .....لازم أحرق العربية على الصاج و نشتغل فيها على نضيف....
فيها طبعا اجزاء فى الابواب فيها بارومة و عاوزة تتظبط..... المهم السمكرى قالى كده هو ده الشغل المطلوب و عليه المطلوب ......3000 جنيه شغل سمكرة بس

بصراحة انا مستكتر قوى قوى قوى الرقم ده......
فمن فضلكوا أفيدونى أولا هل كلام السمكرى ده على موضوع الحرق و ان احنا نجيب العربية على الصاج...ده كلام صح و لا اشتغالات.....
بفرض ان كلامه مظبوط و هايعمل الشغل الصح........و هايحرق و يجيب على الصاج و كل الفلم اللى هو قاله ده.....هل ده ممكن يوصل ل 3000 ......برجاء الرد و الافادة

و لو فى سمكرى نضيف و معروف فى منطقة الجيزة او الهرم او العمرانية اى مكان قريب ....ياريت يقولنا و افيدونا


شــــــــــــــكــــــــــــرا

[AHMEDCAR]

ياريت لو فى صور للعربيه علشان نقدر نفيدك
و فعلا لو فى معجون كتير يفضل انك تجيبها على الصاج الاول

[amrelsaqqa]

الراجل بيتكلم صح بس انت ممكن تفاوضه في المبلغ
لو العربية استيشن اعتقد ممكن يكون 3000 مناسب خصوصا ان فيها بارومة ومحتاجة حرق عشان المعجون ، بس اهم حاجة المبلغ اللى هتتفقوا عليه تشترط انه ما يزيدش بأي حال من الاحوال شامل كل حاجة عشان ما يبدأش شغل ويرجع يشتغلك بقى بجد بعدها ويمسكك من ايدك اللى بتوجعك

وربنا معاااااك

[bashmohands]

الراجل بيتكلم صح بس انت ممكن تفاوضه في المبلغ
لو العربية استيشن اعتقد ممكن يكون 3000 مناسب خصوصا ان فيها بارومة ومحتاجة حرق عشان المعجون ، بس اهم حاجة المبلغ اللى هتتفقوا عليه تشترط انه ما يزيدش بأي حال من الاحوال شامل كل حاجة عشان ما يبدأش شغل ويرجع يشتغلك بقى بجد بعدها ويمسكك من ايدك اللى بتوجعك

وربنا معاااااك

يا باشا الف شكر على الرد......بس هى سيدان مش استيشن.....يعنى السعر ده انت شايف انه معقول و لو هافاوضه هيكون لغاية كاااااااام؟؟؟؟؟؟؟؟؟؟؟؟؟؟؟؟

[amrelsaqqa]

يا باشا الف شكر على الرد......بس هى سيدان مش استيشن.....يعنى السعر ده انت شايف انه معقول و لو هافاوضه هيكون لغاية كاااااااام؟؟؟؟؟؟؟؟؟؟؟؟؟؟؟؟

لا ما قدرش اقولك رقم بالظبط لسببين انى طبعا مش متابع اوى
وتانى سبب انى ما شفتش حالة العربية والوصف مش هيدينى صورة كاملة عن حالتها
يعنى ممكن يكون فيها بارومة في حتت كتير وهتحتاج تقويات وصاج كتير وممكن لا
وممكن تكون هتغير رفارف اوابواب واكصدامات وعتب .. وممكن لا
وخلى بالك هو لما هيفك هتظهر حاجات جديدة كمان ما كانتش باينة ، يعنى العملية ليها كذا معيار والموضوع ما بيبقاش واضح حتى للسمكرى نفسه وعشان كدة بيقولك رقم كبير عشان يبقى في الامان

بيتهيالى انسب حل دلوقتى انك تسأل كذا واحد
وتشوفهم بيتكلموا في رينج كام

انا لما كان معايا البيجو وكنت بفكر اعملها السمكرى قاللى 2000 جنيه او اقل شوية ومكنش هيعمل الشغل نضيف اوى
يعنى دى كان معتبرها لمة كدة للعربية مش شغل على اصوله ، والعربية عندى كانت واخدة معجون كتير برضه وكدة ..

بس في الاخر لقيت نفسى هصرف كتير اوى ومحتاج وقت جامد وفي الاخر شغل الصنايعية مش هيطلع زي اللى كان في دماغك وفي الاخر هتلاقى نفسك صرفت على عربيتك قد تمنها ولسة زي ما هى بنفس مشاكلها ، مش ناعمة وبتاكل بنزين و مش امنة ومش مريحة ...
على ايه ..

قمت بايعها واللى كنت هصرفه عليها هحطه على تمنها وازود كمان شوية واركب حاجة نضيفة ان شاء الله

والعفو يا باشا لا شكر على واجب

[bashmohands]

لا ما قدرش اقولك رقم بالظبط لسببين انى طبعا مش متابع اوى
وتانى سبب انى ما شفتش حالة العربية والوصف مش هيدينى صورة كاملة عن حالتها
يعنى ممكن يكون فيها بارومة في حتت كتير وهتحتاج تقويات وصاج كتير وممكن لا
وممكن تكون هتغير رفارف اوابواب واكصدامات وعتب .. وممكن لا
وخلى بالك هو لما هيفك هتظهر حاجات جديدة كمان ما كانتش باينة ، يعنى العملية ليها كذا معيار والموضوع ما بيبقاش واضح حتى للسمكرى نفسه وعشان كدة بيقولك رقم كبير عشان يبقى في الامان

بيتهيالى انسب حل دلوقتى انك تسأل كذا واحد
وتشوفهم بيتكلموا في رينج كام

انا لما كان معايا البيجو وكنت بفكر اعملها السمكرى قاللى 2000 جنيه او اقل شوية ومكنش هيعمل الشغل نضيف اوى
يعنى دى كان معتبرها لمة كدة للعربية مش شغل على اصوله ، والعربية عندى كانت واخدة معجون كتير برضه وكدة ..

بس في الاخر لقيت نفسى هصرف كتير اوى ومحتاج وقت جامد وفي الاخر شغل الصنايعية مش هيطلع زي اللى كان في دماغك وفي الاخر هتلاقى نفسك صرفت على عربيتك قد تمنها ولسة زي ما هى بنفس مشاكلها ، مش ناعمة وبتاكل بنزين و مش امنة ومش مريحة ...
على ايه ..

قمت بايعها واللى كنت هصرفه عليها هحطه على تمنها وازود كمان شوية واركب حاجة نضيفة ان شاء الله

والعفو يا باشا لا شكر على واجب

شكرا ياباشا على الافادة

[bkr]

شوف يا سيدي موضوع انه يجبها علي الصاج ده فعلا مضبوط علشان يظبط الصاج كله وده يحتاج صنعه وجهد وبالنسبه 3000 جنيه انا شايف انه كتير شويه لو العربيه مفيهاش شغل صاج يتغير وربنا يوفق

[kar!m]

روح لسمكري تاني و تالت و شوف هيقولوا لك ايه .. و من كلامهم تقدر تحدد.

للأسف كل السمكرية اللي أعرفهم في الزقازيق.

[MASERATI]

السلام عليكم و رحمة الله و بركاته

أنا عملت عربية بيجو 505 فى يناير 2006 بالشكل اللى أنت بتقول عليه ده بالظبط, السمكرى أخد 1500 جنيه و أنا كنت شايف أنهم بالنسبة للشغل اللى اتعمل فى العربية معقولين, الكلام ده من أكتر من 6 سنين طبعا, الأسعار أكيد بتزيد, فلو نزلت معاه ل2500 يبقى تمام أوى, بس , مايزيدوش بعد مايبدأ الشغل و الشغل يتعمل كله تمام التمام و ماتشتريش صاج و اتفق معاه من دلوقتى و مايجي بعد مايفتح فى الشغل, يقولك, احنا يا أستاذ عاوزين 4 أبواب و مش معنى كده أنه عشان هيشتغل فى الصاج للى فى العربية كله و مش هيغيير, أنه يطلع شغل مش مظبوط و معووج و العربية تطلع مشوهة, يعنى أنا السمكرى أخد منى 1500 و ماشتريتش صاج, الا يمكن شنب تحت الاكصدام و رقعة معمولة بدوران معين عند ورشة فيها تناية صاج, عشان أقفل فتحة السقف و تبقى الرقعة واخدة نفس دوران السقف, ماتبقاش الرقعة مسطحة 100% و السقف من حواليها فيه curve خفيف, كانوا بحوالى 150-170 جنيه, لكن كل الأعتاب و الأبواب من تحت كان فيها بارومة و السمكرى قطع و رقع و عمل كووووووووول حاجة و ماقاليش لا عاوزين 4 أبواب و لا رفارف و لا أى حاجة و فى نفس الوقت الشغل طلع مظبوط, لأن دايما السمكرى أما يلاقى الأبواب و الأعتاب و الرفارف فيها شغل كتير و هتحتاج قطع و لحام كتير, يقوم مستسهل و قايلك نغيرهم و خلاص.

و أنا من رأيى, أنك تشوف سمكرى فى الزقازيق و يكون نضيف أوى و شغله مظبوط أوى و توديله العربية, هيطلب أقل من ال3000 و السمكرية فى الزقازيق و المنصورة و نبروه و شربين, متخصصين فى شد العربيات القديمة و ايديهم تتلف فى حرير.

بالتوفيق ان شاء الله.

[momo44]

كتيييييييييييييير
موضوع الصاج طبعا صح بس مش هياخد مجهود كبير
فى واحد معانا هنا جاب عربيته على الصاج بنفسه باستخدام صاروخ وقرص صنفرة والرفرف بياخد حوالى 10 دقائق