عايز اسوق العربية بدون زجاج امامي ! ارجو المساعدة

[pharmacology]

السلام عليكم

انا معايا لوجان وعملت بيها حادثة من شهر ونص والزجاج الامامي والجانبي عندي اتكسر .. انا من دمياط واقرب حد كويس بيركب زجاج في المنصورة ( حوالي 70 كيلو ) او في العاشر مصنع جريش ( حوالي 200 كيلو ) .. كل اللي بفكر فيه ازاي هسوق العربية بدون زجاج امامي وهمشي المسافة دي .. هل ممكن مثلا احط " مشمع " او اي غطاء شفاف وامشي بيه ولا أأقطر العربية ( ودي هتكلف تقريبا 400 ج لو وديتها المنصورة ) .. هل فيه حد ممكن يفيدني او يقولي اعمل ايه ؟؟؟ وشكرا لكم مقدما

[michohat]

من ناحيه انك تمشي بالعربية فانت المفروض تمشي بسرعه بطئيه او او ف حما عربيه قدامك علشان تفضل متحكم ف العربية وانك لو زودت السرعه العربية هتعمل زي فرامل عكسية بسبب الهوا اللى بتقابله وبيدخل الصالون
ومن ناحيه تانيه خلي بالك من لجان المرور لانك كده بتخالف شروط الامن والمتانه واي عسكري ممكن يوقفك ويسحب العربية
وانتظر برضه اراء الاعضاء الافاضل

[pharmacology]

من ناحيه انك تمشي بالعربية فانت المفروض تمشي بسرعه بطئيه او او ف حما عربيه قدامك علشان تفضل متحكم ف العربية وانك لو زودت السرعه العربية هتعمل زي فرامل عكسية بسبب الهوا اللى بتقابله وبيدخل الصالون
ومن ناحيه تانيه خلي بالك من لجان المرور لانك كده بتخالف شروط الامن والمتانه واي عسكري ممكن يوقفك ويسحب العربية
وانتظر برضه اراء الاعضاء الافاضل

هو ده كده مخالف لقواعد المرور !!!! انا اول مرة اعرف المعلومة دي !!

[michohat]

انت لو ماشي زجاجك مشروخ ممكن يوقفوك لان العربية مفتقده لشرط مش شروط الامن والمتانه

[akmm]

البس نظاره شمس واى حد يوقفك قول له لسه الزجاج مكسور من ساعه ورايح اركب غيره ويا حبذا لوفيه شويه زجاج من المتكسر يكون على ارضيه العربيه كدليل وقتى انه لسه متكسر ... وحيقولا لك توصل بالسلامه .

[eng.m7md.ali]

طيب ماتبعت تجيبه او شوف حد من اصحابك ينزل معاك تجيبه بالعربية وبلاش تسوق عربيتك بالطريقة دي

[bmya]

بص ياباشا بناءا على تجربه بعربيتي القديمه
انا كنت راجع من دمياط الجديده وكنت لسه يدوب معدي كفر سعد راجع المنصوره وفجأه وانا ماشي على 120 وبعدي عربيه نقل الازاز المامي فرقع في وشي والمرايه اللي في النص خبطت في راسي وربناسترها وعرفت اقف وملبستش في حاجه والحمد لله متعورتش كدمه بسيطه من المرايه
المهم اعمل ايه قلت انا معرفش حد بتاع ازاز ومش عاوز البس من اي حد من الطريق روحت مكمل الطريق كله من غير ازاز تجربه رهييييييييييييييبه (وكنت بجري عشان عاوز انجز) العربيه كانت لانسر 99
المهم طبعا على كا وصلت مش المنصوره بقه انا كنت رايح ميت غمر يعني بعد المنصوره ب 50 كيلو كمان :)
اتروقت يومها تراب وقش رز وظلط وحشرات دبان ونحل وكل اللي نفسك فيه كان بيلبس في وشي ههههههههههه العربيه وانا كنا مزبله على ماوصلت
فلو عاوز تسافر مفيش حل تاني يبقى امشي براحتك 80 90 وغطي وشك باي حاجه واعمل حسابك انك هتتروق انت والعربيه زي ما قلت لك اي حاجه طايره هتمسي عليك تراب وقش وزلط وحشرات

[pharmacology]

بص ياباشا بناءا على تجربه بعربيتي القديمه
انا كنت راجع من دمياط الجديده وكنت لسه يدوب معدي كفر سعد راجع المنصوره وفجأه وانا ماشي على 120 وبعدي عربيه نقل الازاز المامي فرقع في وشي والمرايه اللي في النص خبطت في راسي وربناسترها وعرفت اقف وملبستش في حاجه والحمد لله متعورتش كدمه بسيطه من المرايه
المهم اعمل ايه قلت انا معرفش حد بتاع ازاز ومش عاوز البس من اي حد من الطريق روحت مكمل الطريق كله من غير ازاز تجربه رهييييييييييييييبه (وكنت بجري عشان عاوز انجز) العربيه كانت لانسر 99
المهم طبعا على كا وصلت مش المنصوره بقه انا كنت رايح ميت غمر يعني بعد المنصوره ب 50 كيلو كمان :)
اتروقت يومها تراب وقش رز وظلط وحشرات دبان ونحل وكل اللي نفسك فيه كان بيلبس في وشي ههههههههههه العربيه وانا كنا مزبله على ماوصلت
فلو عاوز تسافر مفيش حل تاني يبقى امشي براحتك 80 90 وغطي وشك باي حاجه واعمل حسابك انك هتتروق انت والعربيه زي ما قلت لك اي حاجه طايره هتمسي عليك تراب وقش وزلط وحشرات

كل ده حصلك :) .. والله انا بفكر اني احاول اجيب بتاع الازاز عند الراجل بتاع الدهان ويركب الازاز وهو عنده هيكون احسن ما امشي بيها لان كده فيها مخاطرة كبيرة ... بس هو الازاز فرقع في وشك ليه بدون سبب كده ؟؟؟

[bmya]

والله ياباشا انا مش عارف بس جايز ظلطه من الطريق مانات عارف النقل الله يحرقهم بيمشو يرموا ظلط ورمل على العربيات الملاكي هي المشكله بس ان الزجاج كان طبقه واحد بس يعني مش بيتشرخ وخلاص على كده لاءه اي شرخ تلاقيه اتهرى واتفرفيت ده غير اني كنت ماشي بسرعه فطبعا ساعد ان الازاز يتكسر بسرعه
انا لسه برده واكل ظلطه امبارح عملتلي نقره محترمه وقبلها برده ظلطه عملتلي شرخين حلوين عادي انها مصررر

[pharmacology]

والله ياباشا انا مش عارف بس جايز ظلطه من الطريق مانات عارف النقل الله يحرقهم بيمشو يرموا ظلط ورمل على العربيات الملاكي هي المشكله بس ان الزجاج كان طبقه واحد بس يعني مش بيتشرخ وخلاص على كده لاءه اي شرخ تلاقيه اتهرى واتفرفيت ده غير اني كنت ماشي بسرعه فطبعا ساعد ان الازاز يتكسر بسرعه
انا لسه برده واكل ظلطه امبارح عملتلي نقره محترمه وقبلها برده ظلطه عملتلي شرخين حلوين عادي انها مصررر

يلا بقي معلش هتعمل ايه ربنا يعوض عليك .. عندي سؤال لو تكرمت مين افضل حد بيركب ازاز في المنصورة ؟؟؟؟

[Land_Cruiser]

الافضل ان حضرتك تروح تشتريه مع واحد صاحبك مثلا او بتاكسى حتى و بعد كده شوف اى حد يركبه عندك. ده لان غير أنها مخالفه امن و متانه الموضوع كمان خطر قوى لان الهواء بيبقى جامد و كمان ممكن عربيه نقل و لا حتى عربيه ملاكى تكون بتجرى تطير زلطه عليك تعورك لانها بتبقى مندفعه زى الرصاصه او لا قدر الله تلخبطك و تخليك تفقد السيطرة على العربيه و خاصه أنها مسافه يعنى مش كيلو و لا اتنين