حصلتلي كارثة .. ممكن حد يطمني

[nibiru]

انا لسه مبتدئ في العربيات واول مرة اغير فردة كاوتش المهم كنت ماشي لقيت فردة نايمة فحطيت الكوريك لكن للاسف مكنتش اعرف ان الكوريك المفروض فيه جزء بيتركب عليه عشان يحمي جسم العربية من تحت المهم حطيت الكوريك ورفعت وغيرت الكاوتش ونزلت لقيت الكوريك خرم العربية من تحت وعمل خطين كل واحد حوالي 5 سم وكنت عاوز اطمن هل ممكن تكون اثرت علي حاجة مع العلم اني كنتي بغير العجلة الامامية شمال (ناحية السائق) ومشيت بالعربية عادي بس عاوز اطمن ولو كدة ممكن تتلحم من تحت ولا مش هتفرق اسيبها كده (نوع العربية لانوس 2009) ودي صورة للعربية من تحت

[m_adeleid]

مش حتفرق خالص متقلقش
مفيش حد بيتعلم ببلاش
ربنا يباركلك و يستر طريقك و طريقنا جميعا

[sammor_28]

اعتقد انها لو خرمت الصاج يبقى لازم تتلحم عشان ماتدخلش مياه وتعمل بارومه

اما لو مجرد تطبيق في الصاج عادي ماتحطهاش في دماغك

وفي كلتا الحالتين خير وماتقلقش ماحدش بيتعلم ببلاش

وربنا يستر طريقنا جميعا

[nibiru]

شكرا لردودكم هو المكان بالظبط تحت رجل السائق الامامي في الجزء اللي فيه التقاء الباب الامامي مع الرفرف الامامي وجوه حوالي 10 سم بعيد عن العتب (ده ممكن بكون فيه اي مكونات سواء كهربيه او ميكانيكية)؟

[nibiru]

في واحد نصحني اشتري انبوبتين لحام حديد(معجون حديد) واسد بيها الفراغ هل ده هيفي بالغرض ويمنع البارومة؟؟؟

[nibiru]

الحمد لله المشكلة اتحلت بمعجون اللحام ودي صورة ليها من تحت

[momo44]

انا حصلى الموضوع ده
بس اتفتحت على فوق
اعملها كده احسن ولا الحمها عند السمكرى

[A.Saad]

لو فيه فتحة على الكابينة
اعملها علشان ما تدخلش مياه فى مطر او فار

[ehabpopo]

انا حصلى الموضوع ده
بس اتفتحت على فوق
اعملها كده احسن ولا الحمها عند السمكرى

اعملها بلحام الايبوكسى ( لحام الحديد ) .. بعد ماتنظفها كويس من التراب واللذى منة ... وماتقلقش اللحام هايعيش كتييييييييير لانة كويس وفى نفس الوقت المكان دة مش علية اى احمال او حركة