مزيل للصدأ ... صناعة محلية ... بأيدى مصرية 100%

[Zing0]

السلام عليكم
طبعاً ده إعلان عن منتج رائع مزيل للصدأ بل و عن تجربة بيحمى الصاج فيما بعد من الباروما (ربنا يكفينا شرها)

المنتج مصرى 100%, و سريع المفعول و سعر العبوة 50 قرش!!!
نقول من الأول: كنت بأعمل شغل سمكرة و العربية طولت عند السمكرى 15 يوم و لاقيتها بدأت تصدّى, حاولت أعملها بالصنفرة بس فيه زوايا و فروقات مستحييييل الصنفرة توصلها.
دخلت و دعبست عالنت على مزيل للصدأ سبراى, طبعاً لاقيت WD40
و لقيت طريقة عمل مزيل صدأ منزلى:
- كيس بيكينج بودر (بتاع الكيك و العجائن و المخبوزات)
- نص ليمونه أو شوية خل
بس كده

- فضّى الكيس فى أى حاجه بلاستيك أو زجاج(بلاش معدن)
إعصر عليه الليمونه أو شوية خل لحد ما قوامها يبقى زى الكريمه (هتلاقيه بيفور)
بفرشاه أسنان قديمة و إدهن المكان اللى فيه صدأ و سيبة لحد ما الفوران ينتهى (بعد 1-3) دقائق.
هيتحول لون الخليط من الأبيض إلى البنى و هيزيل الصدأ بأمر الله و كمان أبقى قابلنى لو صدت تانى.

نضفه بأى حاجه ناشفه.
Video: How to Make a Rust Remover | eHow.com

[MaZaGAngeE]

فكرة تستحق التجربة
شكرا

[ABO MALEK]

نجرب!!!!!!!!

[AHMED_HAMDY]

طيب سؤال اي حاجه بتتنضف ب wd-40 ممكن اعملها كدا

زي حساسات الايدل والبوابه والحاجات دي ولا غلط يا ريت الافاده

[bmya]

دي وصفه حلوه اوي وسهله فعلا
نجرب

[inspiron]

يا باشا مش هنخسر إن شاء الله...نجرب..ولو معملتش نتيجة مش هيخسر..نبقي نعمل بيها صينية بسبوسة

[ahmedzizo131]

بسم الله الرحمن الرحيم
يا بلاش و نجرب

[shaddadfalcon1]

طيب والبرومه بتروح فين ؟ يعني انا عند حتت في الأبواب البرومه اصلا واكله حته في الباب ولو خبطها بايدي هتتكسر
في الحاله دي الحديد كله هيقع ولا ايه ؟ ولا هو الموضوع عشان شوية الصدأ بس اللي قبل البارومه ؟

[Abo Yasso]

شكرا

[hugan]

فكره