حاجة تحرق الدم

[wael30003]

اخوانى الافاضل

النهارده كان يوم عالمى بالنسبة لى

وانا رايح الشغل

باخد الدائرى وبعدين بانزل طريق السويس فى اتجاه الماظة

وبعد ما نزلت طريق السويس بحوالى كيلو متر

العربية اللى قدامى هدت سرعتها جامد

وانا كمان عملت كده وفرملت

لكن الفرينا اللى ورايا مش عاجبها الموضوع قامت لبسه فيا ؟؟؟؟؟؟

طبعا الدنيا اسودت فى عينيا وما بقت عارف اتكلم

ركن شمال لنى كان فى ملف يو ترن على شمالى عشان اتجنب العربيات المسرعة

وزلت اشوف الخيبة اللى حطت عليا قين الناحية اليمين من الاكصدام داخلة لجوه

وغطا القطرة الصغير وقع على الارض

والعاكس اليمين مش موجود اصلا

وحاجة نكد اسود مع حالة من الخرس التام والذهول

لانى مش ناقص من الاخر كده انا مش ناقص

والفيرنا ركن على الشمال امام سيارتى

ونزل وقالى شوف انت عايز ايه وانا اعمل هولك قلت له صلح لى الاكصدام فى التوكيل

( 23000 كم موديل 2012 لوجان بلاك لاين )

قالى مش هاقدر على اتوكيل شوف السمكرى بتاعك فين ونروح ونصلح هناك وانا متحمل التكاليف

قلت له ماشى وانا فى قمة الحزن والنكد وطلبت حاجة ضمان عشان ما يهربش منى

ادانى رخصة العربية و قال لى من اتلف شيئا فعليه اصلاحه بمنتهى الهدوء

على فكرة هو شاب محترم محاسب فى بنك بعد شغلى بحوالى 5 كم

هو كان رايح شغله اعتذر وانا اتصلت بيهم فى الشغل اعتذرت

وقلنا نبدا اليوم من اوله خدته ورحت الحرفيين عند ورشة العقيد خالد

طبعا هو ما بيجيش فى واحد اسمه احمد هو اللى بيعمل الشغل اتصلت بيه قللى امامى ساعة وجى

الكلام ده كان الساعة 8.30صباحا بتاريخ 11/2/2013

المهم قال لى تتكلف 350 جنيه وطبعا ضقت ليهم العاكس ب 60 جنيه انا عارف تمنه من الاول

طبعا الشاب اللى خبطنى قالى انا معايا 400 جنيه دلوقتى خدهم ولو احتجت اى تكالبف اضافية اتصل بيا

اقابلك واديها لك فى اى وقت وخد بعضه ومشى راح شغله

طبعا انا زعلت على الشاب لانى لاقيته ذوق وفعلا نفذ اللى قال لى عليه

صلحت الاكصدام بنسبة 85 % عند بتاع الفيبر وليس السمكرى

واشتريت العاكس وضميرى انبنى فى باقى الفلوس

قلت هو لازم ارش الاكصدام

هو لونه كويس بنسبة 95 % بلاش افترى

ولا هو عشان طلع ذوق تصرف ال 400 جنيه كلهم

المهم صرفت 215 جنيه ولغيت رش الاكصدام لأنى خليت السمكرى يمسه ببولش منعند اى بويجيى جمبه

والاكصدام بقى كويس بنسبة معقولة

واتصلت بيه بلغته انه ليه فلوس معايا عشان اردها له

قال ان فى ميتنج دلوقتى

هاقبلك بالليل الكلام كان السعة 11.30 ظهرا

المهم الساعة 4 مساء اتصل بيا وقالى انا فى الطريق

الساعة 4.30 قابلته وردته الباقى وشكرته وشكرنى

ايه رايكم وبعد كل ده وبعد ما روحت بيتى الساعة 12.00 ظهرا

ابن الجيران التيت عملى على الرفرف الخلفى 111

بعد ما طلعت البيت ب 10 دقائق لقيت جارتنا فى العمارة بتنده لنا وتقول الحقوا العيال بيجرحوا عربيتكم

طبعا كدب على وخلانى كنت هتخانق مع ناس تانيه لولا انى اكتشفت الحقيقة فى الوقت المناسب

تخيل كل ده فى نفس اليوم

وطلبت من اهلهم يصلحوا الخرابيش على حسابهم ووافقوا

ولو ما كانوش وافقوا انا كنت هاطين عيشتهم

ما عرفش ازاى بس كنت هطينها على دماغهم

انا مش ناقص حرقة دم

حاجتين يحرقوا الدم

[walidzakzok]

ربنا يعينك

[aldesha989]

لا حول ولا قوة الا بالله الله يعين والله العظيم على القرف

الناس فاكره ان اللى معاه عربيه مستريح هو اكتر واحد متعذب
يعنى اه بتستريح من الاسطى بعجر وحمو على الصبح وقرف الانتظار وزفت بس الواحد مش بيستريح من اخطاء الغير ولعب العيال والفلوس اللى ليل ونهار طالعه علشان بس نستريح

قدر الله وما شاء فعل وانتا ابن حلال انك رديت ليه باقى الفلوس يمكن ماعهوش غيرهم وربنا يجزاك كل خير ويعوضك خير

[akmm]

لا إلله إلا الله ...... ربنا معاك ومعانا فى النكد اليومى من استهتار ولامبالاه الكثيرين .

[AHMED_HAMDY]

ربنا يكون في عونك بجد

انا كنت راسم رسمه على الاكصدام الي قدام اه مش حلوه قوي بس عادي ده زوقي

ركنت طلعت اتغدى ونزلت وكانت الرسمه بوهيه مش استيكر تلت ساعه وزلت لقيت الاكصدام متجره والرسمه متشوهه وبوهيه الاكصدام متجرحه اسئل كل اللي واقفين ولا واحد ينطق

وفي الاخر وحد قالي واحد شيخ اللي عمل كدا ؟؟؟؟؟ !!!!!!

حسبي الله ونعم الوكيل على حرقة الدم بجد بسبب الناس اللي بتبوظ حاجه الناس اللي تعبانه فيها بجد

[ahmed_h_g]

معلش بسيطه وكويس ان الراجل اللى خبطك عنده ضمير

[wael30003]

معلش بسيطه وكويس ان الراجل اللى خبطك عنده ضمير

وجارى اللى ساكن جنبى ما عندوش ضمير

[manfromegy]

وااضح ان اللي يجيب عربيه جديده في مصر غلطان.الناس مش هاتسيبه في حاله إزا كان قريب ولا غريب.الله يعينك و بقدرك علي حرقه الدم.بس الله يفاديك و يسترها معاك