سمكره شاسيه عربيه

[amraction]

السلام عليكم . ازيكم يا شباب ..


ابن خالتى عمل حادثه ..لقا كارو طالع مره واحده ف نص الطريق والدنيا ليل فخد شمال جامد ودخل ف الخرسانه اللى بتبقا فى نص الطريق .. العفشه بالسلامه والرفرف و الكبوت .. بس فيه مشكله .. على حسب كلامه .. لما قطرها لميكانيكى معرفه قاله ان القنطره فارقت من البطاحه ف الشاسيه .. وهتبقا محتاجه لحام ورش حوالى 10 سم كده داخلى ..

فهو محتار جدا ومش عارف يوديها لمين سمكرى شاطر جدا يعملهاله ..

انتو ايه اقتراحاتكو بقا ؟؟ مين يكون سمكرى شاطر ف موضوع ظبط الشاسيه والدواخل

[amraction]

37 مشاهده وولا واحد رد .. منتدى اغانى ده ولا سيارات !!!

[eng.m7md.ali]

الف سلامة عليه وقدر الله وماشاء فعل

احسن واحد ممكن يعمل كدة في الحرفيين .. " سمير علي " بس غالي شوية اوي

[amraction]

الحمد لله على كل شئ .. ابوه مش راضى يبيعها وراسه والف سيف لتتصلح ..

سمير على ده فين بالظبط ف الحرفيين .. وغالى ازاى يعنى؟ الشغلانه ام جنيه بياخد فيها عشره .. مثلا ولا ايه ؟؟

[eng.m7md.ali]

انا معرفش اسم الشارع اللي فيه بس ممكن اوصفه .. ده غير انه مشهوووووور جداً هناك واي ورشة او محل هيدلك عليه

هو غالي اه بس شغله نضيف جداً .. بس مش لدرجة 1 : 10 جنيه :)