كسوه الطاره جلد.........بالفيديو تعالى نشوف

[besso]

شوفت كذا موضوع لناس عايزه تكسى الطاره جلد وبالصدفه وانا بقلب على اليوتيوب لقيت كذا فيديو شارح الطريقه
طلعت سهله جدا جدا جدا ومش انك تروح لحد
اتفرجوا انتوا تعرفوا
Montageanleitung - CLOON LEATHER - YouTube

انت بتقيس محيط الطاره مثلا طلع 1متر
وتقيس قطر المقطع بتاع قرص الطاره هانقول طلع مثلا 5 سم

يبقى تقص الجليد بطول 1متر وعرض 5سم وتزود على المقاسات دى 2 سم زياده يعنى العرض يبقى 8 سم والطول يبقى 1متر و4 سم الزياده دى علشان تعمل حساب التنيه اللى بتبقى فى حرف الجلد زى تفصيل الملابس بالظبط بتلاقى البنطلون او القميص متنى من الحرف بتاعه

بعد كده بتخيط البدايه بالنهايه تبقى زى الطوق يعنى
وتلبسه للطاره بتاعه الدريكسيون
زى كده


تخيطه ازاى بقى ؟؟؟؟؟
الفكره فى انك لما بتيجى تلم الجلد حوالين الطاره الابره مش بتعدى فى الجلد لا انت بتعديها من الغرزه بتاعه التانيه اللى اتعملت فى الاول علشان يبقى ليها شكل

اتفرج وانت تعرف
mr steering- fitting instruction for steering wheel cover on Ebay /2 - YouTube

شوف بتاع audi ده اوضح

Racing Feeling Steering Wheel Cover Installation - YouTube

ده فيدو بقى لشكل الغرز نفسها بتاعه الخياطه وكل واحد وافكاره
Kožený potah volantu CLOON - YouTube

العمليه مش صعبه ومش مستاهله التكلفه اللى بشوفها فى الموضوعات بتوصل لل200 جنيه ؟؟؟؟ ليه بشترى جلد بقره بحالها ههههههههههههههه

فيه عربيات قديمه بقى الطاره بتاعتها بتبقى رفيعه اوى وشكلها وحش والجلد شم هايبقى حلو عليها دى بقى تعمل معاها ايه ...اقوللك هاتص من الجلد شاريط بفيعه عرضها 3 او 4 سم وتلفها حوالين حرف نفسه بتاع الطاره علشان تتخنها شويه زى ما كنا بنلف الشيكرتون بتاع الكهرباء على جادون العجله زمان
وبعد كده تاخد مقاساتك كمان انت ممكن تكسي الدريسكيون بالكامل بس دى عايزه مهاره شويه

الجلد تشتريه من اى كان ممكن الموسكى او فيه محلات بتبيع جلود لوازم الارضيات وفرش السيارات
واشترى الخامه اللى انت عايزها ده شىء يرجعللك وكل ما كان الخامه كويسه كل ما كان الشغل انضف عايز تجيب جلد طبيعى هات

طريقه الخياطه نفسها بقى... اللى عنده مكنه خياطه يعمل بيها واللى معندوش يشتغل بايده بقى كبايه شاى وسجاره وتقد فى البلكونه وقت المغربيه كده وبالابره والفتله واديها هههههههههههههه

لون الخياطه ولون الجلد دى بقى ازواق
ممكن الجلد يبقى اسود الخياطه حمراء
او جلد زرق و خياطه بيضاء
ممكن احمر وخياطه سودا
وممكن تدخل كذا لون مع بعض
واختار الوان تبقى ماشيه مع فرش العربيه


ودى شويه صور لقيتها على النت
دى صوره لطاره دريكسيون


ودى صوره لعصايه الفتيس مكسيه جلد



ودى صوره لطاره لونين


ومش كسوه الطاره وبس ممكن الاكر الداخليه وفرامل اليد الافكار كتيره بس اللى يعمل

بالصدفه بقى وانا بقلب على اليوتيوب لقيت الفيديو ده
واحد عامل مخرطه صغيره
How to make Micro - Mini Lathe - YouTube



ده فيديو بقى لطريقه تصنيع الدريكسيون نفسه
How It's Made - Steering Wheels - YouTube

انا كنت فاكره بلاستيك قوى شويه لكن طلعت معدن


انا لو عندى عربيه كنت نزلت عمتلها

يلا بقى ورونا الشغل

[ابو لؤى]

والله بأذن الله هجربها انت استاااااااااااااااذ تسلم ايدك

[mohamed_e36]

فيديو هات ممتازه وطريقه العمل سهله ومش مكلفه بس عايزه صبر
تسلم ايدك
وان شاء الله ربنا يوفقك وتجيب العربيه اللي نفسك فيها

[besso]

والله بأذن الله هجربها انت استاااااااااااااااذ تسلم ايدك

ربنا يخليك يافندم

فيديو هات ممتازه وطريقه العمل سهله ومش مكلفه بس عايزه صبر
تسلم ايدك
وان شاء الله ربنا يوفقك وتجيب العربيه اللي نفسك فيها

قول يارب انا بحوش فى تمنها اهو هههههههههه

كل حاجه سهله والله بس عايز واحد يشغل دماغه خصوصا ان المحلات اللى بتعمل الكلام ده غاليه اوى اوى اوى على حاجه بسيطه زى دى

[ahmedalaahosny]

متابع بس اما ربنا يرزق بعربية الاول

[besso]

ههههههههههههه زى حلاتى يعنى المفروض الاداره تعمل قسم خاص لينا هههههههههههههههههه

[adelghanem]

والله فكره سهله وخصوصا للى بيعرف يخيط ..ياريت فديوهات زى دى على طول

[ahmedalaahosny]

ههههههههههههه زى حلاتى يعنى المفروض الاداره تعمل قسم خاص لينا هههههههههههههههههه

تصدق فكرة مافيش قسم اللي راكبين تاكسي بعد معاناه ف المنصورة بتوع التكسيات عندنا بيستهبلوا اساسا مافيش رابطة حائزي الاديدس ولا بوما ولا حتي شبشب بصباع .

[besso]

هههههههههههه احنا دايما مظلومين هههههههههه طب يعملوا حسابنا فى حصص البنزين المدعم حتى ههههههههههه

[besso]

والله فكره سهله وخصوصا للى بيعرف يخيط ..ياريت فديوهات زى دى على طول

من عنيا يافندم اليوتيوب مليان الواحد لو ركز معاه ممكن يضيع يوم بحاله عليه

[Dr/ P.K.Sh]

برنس

[hossam_elwani]

موضوع ممتاز بس حتتصدم بالحرفه اليدويه الى كلنا صفر فيها فى عمل حاجه زى دى

[besso]

ههههههههههههه ليه يعنى وبعدين دى بسيطه
فيه حد مابيعرفش يخيط ... ممكن تتمرن فى قماشه قديمه بره وازاى تساوى بين مقاسات الغرز يعنى متبقاش غرزه كبيره وغرزه صغيره

المهم تكون مقاساتك مظبوطه وبالمللى

عارف المشكله ايه فعلا ... انه عايز واحد باله رايق ويكون صبور يعنى ما يزهقش لما الخيط يتقع منه ولا لما الابره تتكسر ههههههههههههه بدل ما يرمى الدريكسيون بحاله فى الشارع
انا شخصيا لما بقعد اعمل حاجات بايدى ساعات بزهق واتخنق خصوصا فى يومبن الحر دول

[Khaled Lanos]

لا بجد موضوع جميل وفكرته بسيطه - تسلم ايدك

بس ياترى الجلد منين وبكام؟

اذا كان كدا بقى يبقى زي ماقولت السيجارة وكوباية الشاي واديها لأن المكنة مش شغالة ههههههه :))

[Khaled Lanos]

طب سؤال بجد مش هزار:
كان عندي جلد داخلي بتاع كاوتش مخروم جامد ومينفعش يتصلح..ياترى ممكن استغلو في الموضوع دا؟ خاصة وإن الجلد بتاعه جامد ويستحمل :)