ياجماعة انا لقيت بارومة تحت العربية حلها ايه ياجماعة

[ashraf_sms]

انا لقيت بارومة تحت العربية من تحت لما رفعت التانك لقيت الكارتيرات اللي ورا كلها بارومة والاكصدام اللي ورا كله بارومة ومداري باكصدام حديد انا عايز اشيله اصلا والعتب من تحت برضه فيه بارومة لو حبيت اصلح الحاجات ديه هتكون مكلفة ولازم اجيب العربية كلها علي الصاج ولا عادي ممكن تتلم وياريت لو حد يقدر يقولي تتكلف في حدود كام
انا عربيتي 128 زستافا موديل 80

[ashraf_sms]

مفيش حد شاف بارومة قبل كدة ولا ايه

[emad_2020]

ممكن تخدها عند سمكرى تعرفه وهو هيقول ليك حلها وكمان تعرف منه هتتكلف كام
صدقنى لو اعرف حاجة كنت قلت ليكى وانتظر رد باقى الاعضاء

[ashraf_sms]

ممكن تخدها عند سمكرى تعرفه وهو هيقول ليك حلها وكمان تعرف منه هتتكلف كام
صدقنى لو اعرف حاجة كنت قلت ليكى وانتظر رد باقى الاعضاء

ربنا يكرمك ياعماد والله انا رحت لسمكري وعقدني وقالي هتصرف كتير والحكاية الروايا وهتصرف اد حقها وكدة فقولت اتاكد لو كلامه صح ابيع ولو غلط اشوف حد تاني

[ابو لؤى]

ربنا يصبرك ياباشا ماعنديش خلفيه والله

[ashraf-sheko]

أشروف حبيبي.....
انا سألتلك السمكري اللي شد لي العربية بتاعتي عن مشكلة البرومة اللي عندك فقاللي انك لازم تغير العتبتين ودول بيعملوا في حدود الـ 200 جنيه وطبعا الاكسدامات هتتغير ..لوهاتجيبها استانليس هتبقي في حدود 150 + جوز ضوافر بـ 30 جنيه... كمان لازم الصنايعي اللي هاتعمل عنده يشوف العربية علشان يشوف البارومة واصلة لحد فين ويحدد الشغل اللي هايعملة وعلى الأساس ده هوه هايحدد المصنعية بتاعته .. وبعد ده كلة طبعا لازم ترش الأجزاء اللي اتعمل لها سمكرة دوكو .. وتكلفة الدوكو هاتتوقف على مساحة الأماكن اللي هاتترش وكمان انت لما هاتغير العتب لازم ترش حاجة اسمها بلكات تحت العتب علشان يحميها من البارومة مرة تانية .... معلش ياباشا والله هوه ده كل اللي أعرفه ... ولو عاوز تستفسر عن اي حاجة تانية انا تحت امرك انا ممكن اتصل بالصنايعية اللي اتعاملت معاهم وهم مش هايبخلوا عليا بمعلومة...

[ashraf_sms]

أشروف حبيبي.....
انا سألتلك السمكري اللي شد لي العربية بتاعتي عن مشكلة البرومة اللي عندك فقاللي انك لازم تغير العتبتين ودول بيعملوا في حدود الـ 200 جنيه وطبعا الاكسدامات هتتغير ..لوهاتجيبها استانليس هتبقي في حدود 150 + جوز ضوافر بـ 30 جنيه... كمان لازم الصنايعي اللي هاتعمل عنده يشوف العربية علشان يشوف البارومة واصلة لحد فين ويحدد الشغل اللي هايعملة وعلى الأساس ده هوه هايحدد المصنعية بتاعته .. وبعد ده كلة طبعا لازم ترش الأجزاء اللي اتعمل لها سمكرة دوكو .. وتكلفة الدوكو هاتتوقف على مساحة الأماكن اللي هاتترش وكمان انت لما هاتغير العتب لازم ترش حاجة اسمها بلكات تحت العتب علشان يحميها من البارومة مرة تانية .... معلش ياباشا والله هوه ده كل اللي أعرفه ... ولو عاوز تستفسر عن اي حاجة تانية انا تحت امرك انا ممكن اتصل بالصنايعية اللي اتعاملت معاهم وهم مش هايبخلوا عليا بمعلومة...

تسلملي ياحبيب قلبي الله يخليك يا اشرووف يارب انا شكل الراجل اللي انا سألته ده حرامي قالي العربية كلها هتتكلف 8000 جنيه بس كان هايجبها علي الصاج هروح اسال حد تاني وربنا يكرم ان شاء الله ربنا يخليك يا اشروف علي زوقك

[ashraf_sms]

ربنا يصبرك ياباشا ماعنديش خلفيه والله

الله يخليك يا ابو حميد شاليك للتقيلة ياكبير

[ashraf-sheko]

تسلملي ياحبيب قلبي الله يخليك يا اشرووف يارب انا شكل الراجل اللي انا سألته ده حرامي قالي العربية كلها هتتكلف 8000 جنيه بس كان هايجبها علي الصاج هروح اسال حد تاني وربنا يكرم ان شاء الله ربنا يخليك يا اشروف علي زوقك

أنا رأيي كده برضو .. شوف سمكري تاني يابو مالك أحسن ... لأن

السمكري ده شكله كده طماع... ياراجل ده السمكري اللي انا روحتله جاب العربية كلها على الصاج وعمل

البارومة اللي في العربية كلها بـ 1700 جنيه .. وما أدراك ببرومة في عربية بقالها اكتر من 30 سنة .. صحيح

انا جبت اربع ابواب استراد ورفرفين قدام بس علشان يظبط العربية على وضعها الأصلي .. وفعلا العربية كانت

مخزنة وشدها على زرجينة وعدلها.. ولما كنت باتفق معاه في الأول قالي انه ممكن يشد الأبواب بس

المصنعية هاتزيد 300 جنيه يعني كانت المصنعية كلها هاتتكلف 2000 جنيه .. إنما 8000 جنيه دي كتيييييير

اوي ياراجل

[ashraf_sms]

طمنتني يا اشروف انا قولت انه طماع فعلا بس انا كدة اروح عند كذا واحد واشوف انهي احسن تسلملي ياحبيب قلبي

[ashraf-sheko]

ربنا يعينك ياباشا ... ولو احتجت أي حاجة انا تحت أمرك يا بومالك ياغالي.. انت خيرك سابق

[ashraf_sms]

الله يخليك يا اشروف متقولش كدة احنا اخوات

[waleed alsudy]

كلام الاخ ashraf-sheko
صح وسليم
بس تسال عند اكتر من سمكري علشان في سمكريه بيضربو اسعار خياليه
يعني مش من اول واحد تقول خلاص اشتغل
ومتقلقش البرومه مش مشكله كبيره وبتتعمل بكل سهوله بينظف حوليها ويلحملها صاج جديد ويتسنفر ويتشد عليه معجون وتترش رشه كويسه ولا هيبان اي حاجه

[ashraf_sms]

كلام الاخ ashraf-sheko
صح وسليم
بس تسال عند اكتر من سمكري علشان في سمكريه بيضربو اسعار خياليه
يعني مش من اول واحد تقول خلاص اشتغل
ومتقلقش البرومه مش مشكله كبيره وبتتعمل بكل سهوله بينظف حوليها ويلحملها صاج جديد ويتسنفر ويتشد عليه معجون وتترش رشه كويسه ولا هيبان اي حاجه

تسلملي ياوليد انا فعلا هروح لكذا واحد بس نخلص من الحوارات اللي احنا فيها ديه وربنا يسهلها ان شاء الله ويتصلح حال البلد

[Abo-Yousef]

انا لقيت عندى بارومة انا كمان .... شفتها امبارح
المشكلة انها تحت الدواسة اللى جمبى الصاج متاكل على شكل دائرة ومش عارف حلها ايه ... انا اتخنقت بصراحة كل شوية يطلعلى خازووووووووق فى العربية دى