مساعد الشنطه أتكسر

[a raafat]

السلام عليكم

جماعه انا عربيتى جيب شيروكى 93 من فتره احد المساعدين بتوع الشنطه اتكسر والتانى سليم وتقريبا ده حصل بسبب غلط منى لانى كنت سايب الشنطه مفتوحه فى وضع غلط لا هيا مفتوحه خالص ولا مقفوله للاخر وكنت بمسح العربيه ومره واحده سمعت صوت كسر وهوه جامد طالع كأنك خرمت عجلة العربيه بالظبط روحت بصيت لقيت الشنطه اتقفلت والمساعد اليمين اتكسر بس المساعد الشمال سليم

مكمن اعرف المساعد ده سعره فى حدود كام ؟
وهل ينفع اجيب واحد بس ولا لازم اغير الاتنين مع بعض ؟
وهل لازم يكون بتاع شيروكى ولا الحاجات دى مش بيفرق فيها النوع؟
شكرا وأسف على الأطاله

[ahmedalaahosny]

هما بيتجابوا استيراد مش عارف ان كانوا بييجوا الجوز مش واحد بس على حد معلوماتى انه ماينفعش تجيب نوع تانى اساسا باب شنطة الشيروكى تقيل برده مش اى كلام عامة الاسعار دى استيراد
مساعد شنطة تايواني250ج
مساعد شنطة اصلي 450ج

[ahmedalaahosny]

فى واحد فى فيصل بجوار جزارة خيرى على شارع فيصل عنده كل شى للشروكى
وده رقم كام واحد بتوع استيراد
الامريكية لقطع الغيار/01221750127
ايهاب الاتربى/01222229156

[eleanor]

ممكن تجيب اتنين جداد التيوانى فى حدود 300 جنيه والامريكانى فى حدود 650 جنيه
وماينفعش اى نوع علشان الطول والبنوز ووزن باب الشنطه

[akmm]

متابع ........................